صيانة جمس مديل قديم

[a f h]

السلام عليكم ياخوان عندي وايت جمس مديل 78 ماشي حوالي ستين الف كم يحتاج كلبريتر وصيانة عامة من تنصحوني اروح لة في الرياض او تنصحون ارهم لة مكينة ديزل وين . واخيرا جزاكم الله خيرجميعا

[monsixnet]

_

انا عندى اخوه فى الموديل بس ونيت..

ونصيحتى لك لا تسوى فيه شئ قبل 10 اشهر فتحت الكبوت والى يومك هذا ما سكرته.. ان حصلنا قطعه ما حصلنا اللى يرهمها.. وان حصلنا المرهم ما حصلنا القطعه

عموما الى بيدوخك اكثر شئ القطع ولذلك لا تفك شئ الا متاكد انها موجوده

[a f h]

الله يجزاك خير وعلشان كذا لجئنا بعد الله لاخوانا النشاما في مكشات ولا نستغني عن نصائح باقي الاخوان الي عندهم علم .

[z a n h o r]

صراحه ما اقدر افيدك بالصيانه ..

لكن بالنسبه لتحويل المكينه الى ديزل

نصيحه نصيحه نصيحه

حولنا موترين الى ديزل ما حصلنا من وراهن الا التعب والخساير

واحد بعناه وهو نوعا ما مشى حاله والثاني الحين موقف بارض فضاء ما ندري وش نسوي به

[ابوفهيدان]

انا عندي 1976 وانيت جمس 6 سلندر
ودي افيدك بس انا من الكويت
تصدق اني اروح للرياض علشان اجيب قطع له من عندكم
ونصيحة دور لك واحد مضبوط وخبرة وخله ينفض الموتر لك مرة وحدة
وانتبه من انك تبدل المكينه تري المواتر هاذي لاغيرت فيها شي مهو لها تفتح فمها

[Magellan]

في الرياض فيه تشليح النظيم
إن شاء الله تجد غايتك من الجموس القديمة وهو الإستيك بدي،
وبالنسبة للقطع أنا مستغرب مثلك بس يبدولي متوفرة بالجميح لأن سيارات البيبسي كلها ستيك بدي

[NissaN 1990]

ياخي ما فيه أسهل من صيانته ولا أكثر من قطعه وإذا أنت من سكان شرق الرياض رح لصناعية النسيم اللي على طريق الميه وفيه هناك محل قطع غيار أسمه العتيبي وهو معروف حق سيارات أمريكيه وأغلبها الجموس القديمه وفيه بعد إسي دي لكو وهذي شركة معروفه لقطع غيار الإمريكي أما عن الميكانيك فيه واحد في الصناعيه القديمه معروف أسمه مشعل العتيبي هو أخصائي جموس قديمه وفيه واحد في الخرج بعد مشهور مره وهو أخصائي جموس وفي كل مكان تلقاله ميكانيكي خاص وتلقى محلات قطع الغيار أما بالسبه للمكينه لا تحوله إلى ديزل
وأتمنى لك التوفيق وآسف على الإطاله ،،،