نفود ام دباب والعجب العجاب!!!!! (بالصور)

[عليان الليل]

بسم الله الرحمن الرحيم
وكل عام وانتم بخير واعاده الله علينا اعواما عديدة
في البداية كنت اسمع بهذا النفود وانه كبير وانه كالجبل وانه يصعب صعوده
ما كنت مهتم بكل ما يقولون عنه وكنت اذن من طين واذن من عجين ....
وفي ثاني العيد قدر الله وذهبت ... الى نفود ام دباب؟؟؟
وركبنا السيارة وبدت المسيرة من الخبراء الى عنيزة بعدها
بدأ المطامر وبد ت الروس تتصابخ ... ولا تسمع الا السواق يقول
امسك القير امسك القير ....
قلت له انا شكرا متمسك زين !!!
قالي اسمع الكلام ولا تكثر هرج ..
قلت سم وامسك القير وانا مادري وش السالفة ....ودريت عقب ليش
علشان مايعشق القير مع المطامر ويبتل بنمرة..
ويوم وصلنا !!! ! الله اكبر وش هذا ياساتر !!!
نفود مثل الجبل وعالم مثل النمل ...
عالم متجمعه كثر التراب تقول بعرفة ...
ولا تسمع الا صوت المرهمات وصوت الدبابات
هذا جيب ربع وهذا جيب شيروكي وهذا دباب بانشي وهذا دباب ابوكفرين
وشي مادري وشو !!!!
وهذا يرقى وهذا ينزل وهذا يوصل النص ويرجع ....
لكن مايرقى هالنفود الا الدبابات وجيب شيروكي رانجلر لونه احمر .. وكم جيب مرهم
اشكاله غريبه ...
والباقين ما قدروا يرقون لا جيوب ربع تيوتا ولا غيره ..
هذا بالنهار فقط!!!!
يوم جاء الليل وأظلمت الدنيا بدا الشغل ...
بدت الالعاب النارية وبدت معه الانفجارات ... شي يهول صراحة
النفود نور من الانوار .. هذا احمر وهذا اصفر وهذا بنفسجي!!!
هذا يطير وهذا ينفقع بالارض وهذا صاروخ يطير ويرجع للارض !!!! ويحوس الي حوله.
وهذي طلقات رشاش شباب تنور بالسماء ... لدرجة ان واحد اطلق اكثر من ثلاثين طلقة مرة وحدة !!!
ويوم صفينا نصلي العشاء تقول صلاة خوف بساحة حرب .. تسمع من هنا رمي ومن هنا صواريخ
والسماء منورة واصوات الانفجارات ... والله العظيم موقف رهيب ..
صراحة شي ما شفت مثلة !!! شي رهيب تعجز عن وصفه..
ولا اطول عليكم اترككم مع الصور.
-هذا الموتر المخضرم ما شاء الله عليه
http://www.mekshat.com/pix/upload/images3/becnec11.jpg

- صورة النفود من بعيد
http://www.mekshat.com/pix/upload/images3/becnec1.jpg

- صورة العالم المتجمعه(هذي صورة من قمة النفود)
http://www.mekshat.com/pix/upload/images3/becnec4.jpg

- صور الذين يستعرضون
http://www.mekshat.com/pix/upload/images3/becnec2.jpg

http://www.mekshat.com/pix/upload/images3/becnec5.jpg

http://www.mekshat.com/pix/upload/images3/becnec3.jpg

http://www.mekshat.com/pix/upload/images3/becnec6.jpg

تابع تحت

[عليان الليل]

تابع...

- صورة النفود يوم غابت الشمس
http://www.mekshat.com/pix/upload/images3/becnec9.jpg

- الالعاب النارية
http://www.mekshat.com/pix/upload/images3/becnec8.jpg

http://www.mekshat.com/pix/upload/images3/becnec7.jpg

http://www.mekshat.com/pix/upload/images3/becnec10.jpg

ارجوا ان تعجبكم
تحياتي..

[صقر]

مشكور مشرفنا عليان الليل على النقل الحي المباشر والصور الجميلة.

باقي يحطون اشارات على هالزحمة..

بس والله خطر هالناس اللي يطلقون الشعال ... خطر والله يستر عليهم.

بارك الله فيك....

[عاشق الصفاري]

جزاك الله الف خير يامشرفنا..صور رائعة..
ولكن هذا بأي يوم والتاريخ..
مشكور وما تقصر..

[مفتش الريضان]

رووووووووعة أخوي عليان الليل ما شاء الله اسلوب جميل وصياغة جميلة وموضوع ولا اروع.

[راعي كيف]

أخوي عليان واخواني الموجودين على الصفحة ....
عيدكم مبارك وتقبل الله منا ومنكم إنة سميع مجيب ...
إبداع اخوي عليان احسنت وبارك الله فيك صور رائعة وكلمات تشويقية اروع وعقبال المزيز والمزيد من العلوم الزينة ومتى تبي تقهوا عنديى على فكرة مانسيت الوعد انتضر إتصالك...


أخوك المحب (( راعي كيف ))
ابو ناصر:row:

[((( الحر)))]

تحياتي للجميع...!!!

اخوي عليان........ بارك الله فيك وصراحة فاتتنا هالمناظر الغريبه والله فعلاً اجتماع غريب ومميز في نفس الوقت واعتقد ان كل شي في هاك الموقع يشد الانتباه حتى الخيام والطعوس ...!!!

وشكل العالم معسكره هناك كل ايام العيد...!!!

لفت انتباهي ان سيارات النيسان بالصور قليل وخاصة الدداسن...!!!

الف شكر اخوي عليان ابو الليل...!!!

اخوك.............ابو محمد.................((( الحر)))

[عليان الليل]

حياكم الله جميعا
وانا تحت الخدمة لمكشات واعضائه.
صقر.......... وسع صدرك وانا خوك.
عاشق الصفاري..........هذا الله يسلمك ثاني العيد 2-10-1424هـ
مفتش الريضان........... الله يجزاك خير ويسلمك.
راعي كيف ...........انا رهن اشارتك .
الحر........ وانا خوك الدعوه رمل مهب خربطه تبي طاره وموتر.

تحياتي..

[حفرلوجيا]

أخوي عليان الليل : ماشاء الله على هالوصف .. وتأثير التخصص باين .. الكلمات تتفجر من وسط حقول العبارات .. تصدق على هالوصف احسبك مراسل حربي ( لكن أكيد الوضع كان هناك متفجر ) ياشيخ أغريتني ( مثلك ) أشيل الطين والعجين اللي بآذاني وأروح أشوف أم دباب .. بس ( انك متمسك زين عند قولةالسواق امسك القير) كوم لحاله :D :D .. والباقي كوم مايرجح بها..

[عبدالله العمير]

ياااااااااااامال العافية


والله صور تاخذ العقل


وشرح جميل


والله اني منبهر على كثرة العالم

اعداد هائله جداجدا جداجدا


الحقيقة انهم راعين كيف والله


الله يسلم يمينك عليان قلبي والله

[القماري]

ولا مهرجان دبي :)
حلوين كل الصور وكل التعاليق .

[عليان الليل]

شكرا لكم جميعا
اخوي حفرلوجيا التخصص لازم
اخوي الازرق مشكور والله
اخوي القماري وش جاب لجاب . وحياك الله

تحياتي..

[راعي عنيزة]

يا مال العافيه يابو ليل :)

مع اني بنفس اليوم كنت متكي بام دباب من الضحى ولكن لو صورك وتغطيتك حسستني اني ما شفت شي :)

يعطيك العافيه يا خلفهم وبسئلك يوم رجعت للديره كم حبة بندول اخذت :D
انا انفجر راسي من صوت جيوب الربع الي بهن هيدرز ياهن مزعجات بنات الذين وحتى يوم رجعت وجيت ارقد عجزت انام واحس ان صوتهن للحين يطرطع بمخي :D

[عليان الليل]

حياك الله وياهلا والله ومسهلا
هذا والله من زؤك حبيب البي
يوم رجعت للديرة اكلت بندول اكسترا
وتدهنت بالمرهم الاخضر حق العظام لاني
رقيت النفود... وانعدمت المفاصل.
تحياتي..

[ابو مساعد]

الله يعطيك العافيه يا عليان الليل والله مناظر رهيبه .

تحياتي .

[مسافر]

مشكور جدا على الاخراج الرائع اخي عليان الليل
انا كنت هناك وهجيت من الاصوات الى دوخ الراس
لكنه تجمع غير شكل روووووووعة

تقبل تحيات اخوك مسافر

[نفل]

:good:

السلام عليكم ورحمة الله وبركاته

اخوي عليان الليل - المشرف

صورة رائعة وجهد واضح ماشاءالله عليك شكلك مصور محترف

وودي اعرف متي يقام هالتجمهر العجيب كل اسبوع ؟ وهل العملية مرتبة ولا كل من بغى يشارك ؟

ومشكور مرة ثانية على الصور / اخوك نفل

[عليان الليل]

حياكم الله جميعا
اخوي نفل .. مادري والله متى يجتمعون بالظبط
لكن اكثر ما يجتمعون في الاعياد ..
من ناحية التنظيم كل واحد ينظم روحة ..
تحياتي..

[desprado]

مشكوووووووووور على التغطية الحلوه انا من زمان اسمع عن ام دباب وشوقتني لشوفتها

[عادل البكيرية]

مشكور مشكور صور حلوه

ورد على سؤال نفل فيه اجتماع عصر كل جمعه
وهذا منتدى خاص بام دباب تحصل فيه اخر صور واخبار التجمعات
http://www.omdbbab.com/vb/forumdisplay.php?s=&forumid=37
وحتى الموقع فيه معلومات مفيده
http://www.omdbbab.com/arab/

[عليان الليل]

شكرا لكم جميعا ومنكم
نستفيد..
تحياتي..

[نجمة سهيل]

تصوير رائع ـ سرد مميز ، اجل امسك القير:D هذي مشكلة الهايلوكس:( ،

صراحه ام دباب نفود عالمي:D ويبي لنا نخت له يوم ، كانك بتخاويني رحت انا وياك سوا:D

[ابو شكاع]

الله يعطيك العافية ياعليان

بس ياخيي تكفى ابي احداثيات ام دباب ولا عليك امر

وان حصل بعد غير ام دباب مثل المغيسلية اذا كان للحين به تجمعات

واي موقع حول ام دباب يصير به تجمعات ومراقا



احتريك لاهنت

تسلم

[الحاتمي]

الغالي عليان الليل........ مشكور وما قصرت على هالصور الله يعطيك العافيه ونبي لاهنت صور ام راسين؟؟ والتطعيس اللي يصير بعد نزول المطر ؟؟ الحاااااااااااااااااااااتمي

[بــرق الشمال]

الله يسلمك يامشرفنا(والله ياشكلك زقرتي):D لايصير بس معك جيب ربع وتراقي:D
على العموم الله يعطيك العافيه

[عليان الليل]

حياكم الله جميعا
اخوي نجمة سهيل اتشرف بصحبتك والله
اخوي ابو شكاع مثل ما قلت لك انا بالاهمور غشيم شوي
ماعرف بالاحداثيات ..
اخوي الحاتمي اي ام راسين تقصد
اخوي برق الشمال هذا من ذوقك الله يسلمك
تحياتي

[عليان]

الغالي عليان الليل...
ودي أعرف نوع كمرتك،وهل أنت مرتاح منها،وبماذا تتميز
والله يعطيك عافية على هل المجهود

[عليان الليل]

حياك الله اخوي
اسم الكمرة سايبر شوت
من شركة سوني ...
ممتازة بالحيل وسعره الان حول الاف ريال
لكن احرص على ان يكون لها زوم كبير ..
الي عندي هذي الزوم فيها شوي وهذا الي
عذبني شوي..
وانا تحت الخدمة..
تحياتي..