ديوان الشاعر / خيال جديد

[ابو عايد]

بسم الله الرحمن الرحيم
السلام عليكم ورحمة الله وبركاته
http://www.mekshat.com/pix/upload/images6/mk8178_kyal gded.jpg
(((المقدمه)))
الشاعر / خيال جديد - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال

((السيرة الذاتية))

ننتضرها من الشاعر

"""""""""""""""""
""""""""""

[ابو عايد]

http://www.mekshat.com/pix/upload/images6/mk8178_JJJKM745M1.jpg
ماهـــي برفــــقة شـــــــــــلةٍٍٍٍٍ يم لـنـــــــــــــــدن




عسى السحاب اللي مزونه يشوقن=والبرق يلعج بين هتـان الامـزان
على ديار أهـل المكارم يسـوقن=يومين ماها مـاطـره دوم ودان
ومن بعد عشر أيام مـع عشر عدن=ريضانها تلبس من الـورد تيجان
ياما حلا شوف الفيـاض إن تملن=في طلعـة للـبر روضٍ وغـدران
وسـويت فنجـالٍ فريدٍ من البن=على الغضى جمـره تلالا لـه الون
وصوت الطيور أنغام للماضي تحن=وياما حـلا صوت أم سالم بالالحان
وهموم نفسك يابـن الاجواد ولّن=بسوالفٍ مـع لابتن مثـل الاخوان
يتسابقـون الطيب من غير لكن=كلٍ على فعل المـواجيب شفـقان
ماهي بصحـبة شلةٍ يم لنــدن=تلقا بعد سهره على البست سكران
شلة فلس وقت الرخا لك تمسكن=وعند اللوازم مايفيـدونك بشـان
الطيـب له قانون والبر له فـن=ومخاوي عفـون الرجاجيل خسران

الشاعر // خيال جديد

رابط القصيدة بالردود هنا (http://www.mekshat.com/vb/showthread.php?s=&threadid=8837)

[ابو عايد]

http://www.mekshat.com/pix/upload/images6/mk8178_JJJKM745M2.jpg
وهذه القصيدة لها سبب حيث كنت ارتدي ملابس رياضة فمرن عدة نسوة يخففن من الوزن وأعتقد انهن من الحي الذي اسكن فيه لقولهن بدوي ولابس رياضه استهزاء فلم اريد ان اخص الجميع فوضعت التناقض بين الرجال والنساء دون التجريح ولكن بإبداء الفوارق وشكرا للجميع


قالـت لـي بـدوي وتلعـب ريـاضـه=عشنـا وشفـنـا يـازمـان العجـايـب
قلـت النمـل لاطـار حـان انقراضـه=وحظك عثر وجابك جزيل الوهايب
حنـا البـدو للمـوت نــارد حيـاضـه=وانـتـن ورود معكفـيـن الـذوايــب
وحنا عمار الـدار وانتـن قضاضـه=وحنا رجـال الخيـل وانتـن ركايـب
وحنا على العـدوان فينـا انتفاضـه=وانتن مـن العـدوان جبتـن قرايـب
وحنا على الجيران لين وغضاضه=وانتن خراب البيت لو كـان طايـب
وحنا نقول الصدق لو بـه غياضـه=وانتن ليوسف ملبسـات المصايـب
قالت يهـب وقلـت فـات اعتراضـه=الرمح ساق وصاب ماهـو بخايـب
ليا صـار مالـك بالكـلام انقضاضـه=تـرك سبيـل النـاس مالـك طـلايـب
قالـت أمـان وقلـت ياسعـود قاضـه=واقفى يقول عن البدو صار تايـب
الشـاعـر // خـيـال جـديـد

[/frame]
رابط القصيدة بالردود هنا (http://www.mekshat.com/vb/showthread.php?s=&threadid=8631)

[ابو عايد]

http://www.mekshat.com/pix/upload/images6/mk8178_JJJKM745M4.jpg
خاصـــــــــــــــــة (ممنوع القررررررراءة)


قالت هلا قلت الغـلا فيـك هـلاّ=من روح روحي يابعد روح مغليك
دنياي في شوفـك سعدهـا تعـلاّ=إنتي حياة الروح كل الأمل فيـك
لعبـادة الواحـد خلقنـا قـل الاّ=ثم انتي ياعمري عسى الله يخليك
كل الحنـان أهديـه لـك لاتغـلاّ=يانور عيني قلبي اليـوم مهديـك
إن إبتسمت القلب معكـم تسـلاّ=وليا زعلت أقول وشلون نرضيك
بالقلب لك يانـور عينـي محـلاّ=أقسم برب البيت ماحد(ن) يساويك
آمر وقالـت يايبـه قلـت جـلاّ=رب(ن)وهبنيكم وانا اقـول لبيـك
الشـاعـر // خـيـال جـديـد
[/frame]
رابط القصيدة بالردود هنا (http://www.mekshat.com/vb/showthread.php?s=&threadid=9088)

[ابو عايد]

http://www.mekshat.com/pix/upload/images6/mk8178_JJJKM745M5.jpg
تسلم يا خيال جديد وتسلم يا أخوي أيمن على نقل ابياتي المتواضعه وللعلم
ان هذه الابيات تناقلها كثير منالناس في المنتديات
وللاسف لم يحفظ حقي الادبي عليها:



قال الذي فـي بـدع الأمثـال صـرّاف=جــزلٍ يـفـرق بـيـن درهــم ولـيــره
ياللـي مدحـت المغربيـات بجـحـاف=الله يجـيـرك مــن عـمـاة البـصـيـرة
لـو تعجبـك لميـا وتغريـد والـطـاف=مايصلحـن لهـل الوجـيـه السفـيـره
مفصخـات ولبسـهـن رص الارداف=وبليـس أغواهـن بكشـف الستـيـرة
متـعـوداتٍ كلـهـن زيــف وخـفــاف=عـلـى التغـنـج والتعـطـف وغـيــره
كل يوم مع صاحب ولافيهن أعف=افخـويّـهـن الـلــي فـلـوسـه كـثـيــره
ترى البضايع عدة أشكال واصنـاف=وكـلٍ يـنـوخ وســط سـوقـه بعـيـره
عز الله ان الزين في بنت الاشـراف=اللي علـى الحشمـه تربّـت صغيـره
ولا تبـيّـن مـنّـهـا كـــود الاطـــراف=مـثـل القمـاشـه فالبـحـور الغـزيـرة
ياللـي تـدوّر بالجواهـر والاصـداف=الـزيـن كـلـه فــي بـنـات الـجـزيـرة

ابــــــــــــــــــن شـــــــــــــــــــارخ


رد على بن شارخ
الأخ بن شارخ أشكرك على تعقيبك ولكن لكوني اعجبت بها فقد نقلتها لأحضر للرد عليها
لكوني لم أجد رد عليها ولكنك رديت ووفيت وهذا ردي
المتواضع على القصيدة



ياشعري إجهز ودي أكتب من القاف=مايبـرد الخافـي لنصـرة منيـرة
نبي نرد بحكمه وعقـل وانصـاف=والعاطفه نبعد عـن اللـي يثيـره
صحيح زيـن المغربيـات ينشـاف=والزين مطلب يالوجيـه السفيـره
لكن زين بلا عقل صـدق ينعـاف=وش عاد زين وكل حي(ن) يديـره
بنت الوطن تسوى من المغرب آلاف=دين وعقل بالبيـت دايـم ستيـره
ماتعرف المرقص ولا كاسة الشاف=ولا ساوموا عرضه بدرهـم وليـره
واللبس كاسيها ولا هـو بشفـاف=متمسكه بالسلم سـر(ن) وسيـره
بناتنا من رحمـة الوالـي عفـاف=ماباعن أعراض الاهـل والعشيـره
ماهن من اللي بهرجهن دايم خفاف=عقل وثقل موزون علـى بصيـره
ولاعمّهم واقول فيهـم هالاوصـاف=فيهم حمايـل عندهـم كـل غيـره
لكن قصدي بالشعر منع الاجحـاف=وارفع مقام وقـدر كشـرة منيـره
الشـاعـر // خـيـال جـديـد [/frame]


رابط القصيدة بالردود هنا (http://www.mekshat.com/vb/showthread.php?s=&threadid=9290)

[ابو عايد]

http://www.mekshat.com/pix/upload/images6/mk8178_JJJKM745M6.jpg


جيته وانا تعبان قالت لـي أهليـن=وارسل سهوم الموت من طرف عينه
وين انت ياعمري فقدنـاك يوميـن=قلبي على غيابك عسـى الله يعينـه
دايم على الميعـاد واليـوم ناسيـن=طـال الغيـاب وجيتـك محترينـه
قلت العـذر وارجـوك لالاتلوميـن=إنسـان حايـر والعجـب تسألينـه
قالت أشوف الحزن في نظرة العيـن=وش السبب نظرات عينـك حزينـه
قلت إنت متوهم وانا خاطري زيـن=ونظرات عينـي مـا تبيـح كنينـه
قالت أعرفـك لكـن النظـرة تبيـن=خاطرك مليان(ن) هموم(ن) دفينـه
ناقص حنان أعطيك ياقـرة العيـن=والاّ الطفولة منحـرم مـن حنينـه
قلـت الأمـل بالله يابنـت خلـيـن=همي بصـدري والحـذر تزودينـه
يابنت همي صار لـه عـدة سنيـن=وعمري على هالحال ضاعت سنينه
الله يفـرج همنـا قولـي آمـيـن=رب(ن)كريـم وللفـرج طالبيـنـه
أسألـك يامنـزل تبـارك وياسيـن=يامنقذ(ن) نوح(ن) بصنع السفينـه
تفرج هموم(ن) بالحشا له دواويـن=بيـن الظلـوع الحانيـه حافظينـه
لواخرجوا له فيلم يكسـب ملاييـن=حيث البطل قلبي ،أميـن الخزينـه
الشـاعـر // خـيـال جـديــد

[/frame]
رابط القصيدة بالردود هنا (http://www.mekshat.com/vb/showthread.php?s=&threadid=9236)

[ابو عايد]

http://www.mekshat.com/pix/upload/images6/mk8178_JJJKM745M7.jpg
"""""""""""""
"""""""""
"



إن كان فيه إنسان مجنـون صاحـي=فانا بحبك صرت صاحـي ومجنـون
لاغبت عنكم خاطـري ماستراحـي=ولي خاطر(ن) في قربكم صار مفتون
فتنتنـي ياسيـد كــل المـلاحـي=واشغلت ناس(ن) بالمساجد يصلـون
يابنت خلي اللعب وارخي الوشاحـي=نبي نصلـي للولـي خالـق الكـون
قالت لي طيب وجلسـت بالنواحـي=لكن صلاتـي كلهـا هـم وشجـون
ضاعت مابين االخوف وقل ارتياحي=أخاف تطلع لي مع البـاب بالهـون
تدرون من هي، إدعو لها بالصلاحي=بنتي وانا في حبها صـرت مفتـون

الشـاعـر // خـيـال جـديــد
[/frame]

رابط القصيدة بالردود هنا (http://www.mekshat.com/vb/showthread.php?s=&threadid=9112)

[ابو عايد]

http://www.mekshat.com/pix/upload/images6/mk8178_JJJKM745M8.jpg
""""""""""""""
""""""
إعتداد بالنفــــــــس

شعر(ن) كتبتـه ماقرينـاه بكتـاب=شعر بدوي وانا افتخر في قصيـدي
ماندرسه مانحسب الوزن بحسـاب=وبالشعر بنكي ممتلـي بالرصيـدي
ليا طلبت القاف بالغصـب تنسـاب=تركع لنا وتقـول ياسيـد سيـدي
وهلت مزون القاف واختار ماطـاب=جزل المعانـي والكـلام السديـدي
واترك ردي الشعر ماحنا له أصحاب=مثل الردي فرقاه بالـدري عيـدي
ماينفعك عند اللـوازم والاصعـاب=مثل السراب لتابعـه وش يفيـدي
الشعر حكمه والقوافي لـه أسبـاب=واحب قول الشعر من غيـر كيـدي
الشاعر // خيال جديد

[/frame]

رابط القصيدة بالردود هنا (http://www.mekshat.com/vb/showthread.php?s=&threadid=9087)

[ابو عايد]

http://www.mekshat.com/pix/upload/images6/mk8178_JJJKM745M9.jpg
السلام عليكم هذه بعض الحالات لدى شبابنا وللتعبير كتبت هذه الأبيات



أبـدى بذكـر اللـي رفـع سمكهـا فـوق=سبـعٍ طبـاق وفوقـه الـعـرش بانـيـه
ومن بعدها سطرت قافٍ على الـذوق=لـلـي نـــود مـلـفـاه يـفـهـم معـانـيـه
ياسعـود هـذا الوقـت مافيـه مخلـوق=إلا ويشكـي مــن ظــروف الزمانـيـه
وليـا سألتـه قـال عاشـق ومعـشـوق=وانــا الـمـعـذب والله الـلــي بـلانـيـه
راحت علوم الطيب والقنص والنوق=والعـلـم والتـقـوى وفـعـل اليمـانـيـه
واستبـدلـوهـا بــحــب .................=تشجـيـع كــوره والنتـيـجـه ثمـانـيـه
أو حــب فـنـانٍ لـيــا قـــال طـــاروق=تصيـح مـن حولـه جمـوع الزبانـيـه
جمهـور فاشـل مايعـرفـون منـطـوق=ألا مـــع الـفـنـان يـاحـلــو أغـانـيــه
وليارقص ثوب الحيا صـار مشقـوق=يقـلـدون الـغــرب صـــاروا هـدانـيـه
والاّ يـتـابـع فـيـلـم لـيـلـى وفـــاروق=شقـه وجنيـه وحـب. خـزيٍ علانـيـه
واستبدلـوا للبـس بالجنـز والـطـوق=ونظـارتـه وكـبـوس ليـاحـد أذانـيــه
واقصى طموحاتـه ليـا طـب للسـوق=جــوال ومعـاكـس سمـيـرى ورانـيـه
لا ياشـبـاب الـعـرب نظراتـكـم فــوق=درب المعـالـي ولا دروب الهـوانـيـه

الشـاعـر // خـيـال جـديــد
[/frame]

رابط القصيدة بالردود هنا (http://www.mekshat.com/vb/showthread.php?s=&threadid=8964)

[ابو عايد]

http://www.mekshat.com/pix/upload/images6/mk8178_JJJKM745M9MS1.jpg
""""""""""""
"""""""
مواصفات الخوي الطيب( فل كــــامـــل) وش رايكم


أنا خويي الطيب ولو انـه مـن أقصـى النـاس=ولا أخاوي عفون القوم لو انه مـن بنـي عمـي
أحب الطيـب النشمـي والا يابغضـي للانجـاس=دني النفـس والمذهـب خـوي ابليـس مايسمـي
يتميـز طيـب الخـوَه نفيـسٍ معدنـه ألـمـاس=على اللازم بقـى جـازم وتلقـى مـارده جمـي
صدوقٍٍ وافـيٍ حـازم صبـورٍ كاسـبٍ نومـاس=لخويِه طيـب المعشـر لعـدوَه يسقـي السمـي
عزيز النفس وقت السلم رخيص النفس وقت الباس=يـدوس الكايـد بنفسـه إليـن يفـرج الهـمـي
كريمٍ حاتم بجوده مايرضى الضيم كمـا جسـاس=جسـورٍ يشبـه لعنتـر عميـق السـد كاليـمـي
على يمناك مايشناك يداري منـك كـل إحسـاس=يخـاف الكلمـه تبيـن بشـوشٍ خـوف تغتمـي
وسيـع بطـان والخاطـر مديِـه ماهـو بينقـاس=حسين المعرفـه بالـدرب يسولـف دون ماينمـي
لخويي نفسي أدوسه ولغيـره صعـب ماتنـداس=خويي نفسي ترخص له خويـي يسـاوي لدمـي
كتبت أبيات من قلبي إلى الطيب علـى قرطـاس=عساك تدوم في عـزك وشعـري بالدعـاء تمـي

الشـاعـر // خـيـال جـديــد

[/frame]

رابط القصيدة بالردود هنا (http://www.mekshat.com/vb/showthread.php?s=&threadid=12986)

[ابو عايد]

http://www.mekshat.com/pix/upload/images6/mk8178_JJJKM745M9MS2.jpg
"""""""
"""


قابلتنـي بنـت واحسبهـا ولـد =بلبسهـا وبشكلهـا كلـه حـرام
يوم شفتـه أقسـم بـرب البلـد=ما حسبته صلت بجنـب المقـام
والشباب صفوف حبلـن ممسـد=عندها ومن حولها صاروا زحـام
والاخو مع امهـا راحـوا وحـد=والابـو بسيارتـه كنـه مــدام
وهي تغازل للشبـاب بـلا عـدد=وكل معجب كلمـه قالـت تمـام
شفت وضعه قلت ما بالحمض احد=اسمعوني وعلى الدنيـا السـلام

الشـاعـر // خـيـال جـديــد
[/frame]
رابط القصيدة بالردود هنا (http://www.mekshat.com/vb/showthread.php?s=&threadid=11842)

[ابو عايد]

http://www.mekshat.com/pix/upload/images6/mk8178_JJJKM745M9MS3.jpg

مناجاة من أجل النساء(إحذر تسلم)


شفت دمعة عينها فوق الخـدود=يوم سمعت كلمة(ن) قلتـه لهـا
دمعها بالوصف لولـو بالعقـود=منتظـم بالخـد مسترسـل لهـا
صحت بالخفاق ياوش هالبـرود=ميت الإحساس شـوف لحالهـا
قال وش سويت وقلت وفيه زود=غير مـا سويـت نـاوي قتلهـا
قال أظنك شاعر(ن) مامنك فـود=مرهف الاحساس ماتعـرف لهـا
النساء من طبعهن ضعف وجحود=والبكـاء سـلاح بالشـده لهـا
ترسل الدمعات وتزيـد الصـدود=والنتيجه غصب تستسلـم لهـا
قلت يا قلب العنا أظنـك حقـود=يرحم الرحمن مـن يرحـم لهـا
شرعنا الاسـلام ماحنـا يهـود=والشريعه حكمها منصـف لهـا
قال عظم ضعفهـن ربـي بكـود=في كتابه تلقـى الآيـه واتلهـا
قلت صح القول ماحتاج لشهـود=لكن النسـوان محتـاج(ن) لهـا
أمي واختي وزوجتي أم العنـود=وبنتي لاجت تسأل ويش أقول لها
قال عاملها ولكـن فـي حـدود=والنساء أرجوك لا تمـدح لهـا

الشـاعـر // خـيـال جـديــد



[/frame]

رابط القصيدة بالردود هنا (http://www.mekshat.com/vb/showthread.php?s=&threadid=10505)

[ابو عايد]

http://www.mekshat.com/pix/upload/images6/mk8178_JJJKM745M9MS4.jpg
""""""""
"
"
علووج-أنجلوأمريكا -العروبه قصيدة واقعية



دب المرض باوصال عز العروبـه=والمسلمين ولا لقـا مـن يداويـه
القدس بيديـن اليهـود اعبثوبـه=خلـو صهاينهـم تهـدم مبانـيـه
باسم الديانه والخيانه اذبحـو بـه=من قال أنا مسلم وصلـى لباريـه
شوفوا الأرامـل والثكالـى نعوبـه=ارجالهم والطفل ماحد(ن) يراعيـه
والمسجد الاقصى قديـم أحرقوبـه=وانفاق شقوهـا طويلـه حواليـه
وحطو كروكي هندسي(ن) عجوبـه=للهيكل المزعوم (شالـوم) حاميـه
راهب بني صهيون كيف اعتنوبـه=وعالم بني يعرب نحيطه بتشويـه
نحارب الإسلام مـن غيـر حوبـه=ومن ينتمي للدين ماحد(ن) يدانيـه
وارض الرشيد اليوم علج(ن) عثوبه=ذل وقهر والفسـد بانـت مواريـه
واسم الكرامه بالحضيض اخفسوبه=(انجلو امريكـا) لبسوهـا لاهاليـه
ياأمـة الإسـلام عـزك غـدوبـه=أهل الكتاب وكـل مشـرك يواليـه
إستيقظي مـن غفلتـك يالعروبـه=العـز بالاسـلام عـودي لماضيـه

الشـاعـر // خـيـال جـديــد

[/frame]

رابط القصيدة بالردود هنا (http://www.mekshat.com/vb/showthread.php?s=&threadid=10076)

[ابو عايد]

http://www.mekshat.com/pix/upload/images6/mk8178_JJJKM745M9MS5.jpg
""""""
"
"
مقهوووور مرررره




يامل قلب(ن) ساهـر الليـل مابـات=همـوم يرسلهـا والاخـرى تليهـا
والهم يبلي النفـس ويحطـم الـذات=وعـزي لنفـس(ن) همهـا مبتليهـا
هم(ن) بقلبي لو نزل فـوق إبانـات=حطـم رواسيهـا ومـا كـان فيهـا
ماينشكـى للنـاس ويزيـد بسكـات=حملـه ثقيـل وصدمتـه مكتويـهـا
والناس ماترحم عزيـز(ن) ليامـات=كيف الـذي موتـه سبايـب يديهـا
دار(ن) بها مفسد وحاسـد وشمـات=بيـن القبـور نعيـش ولا نجيـهـا
ناس(ن) لها بالكذب والحقـد رايـات=عسـى الـزلازل خفسهـا مقتفيهـا
وتسعين يوم(ن) بالحرايق والازمـات=ويعمهـا طاعـون يقضـي عليـهـا
وعقبه سحاب(ن)ضافي(ن) كل مافات=تلقى الوطى بحـره زمـى معتليهـا
ولا عمهم واخص ناس(ن) بالابيـات=آميـن وعقبـه يمكـن إنـا نبيـهـا
الشـاعـر // خـيـال جـديــد

[/frame]

رابط القصيدة بالردود هنا (http://www.mekshat.com/vb/showthread.php?s=&threadid=9749)

[ابو عايد]

http://www.mekshat.com/pix/upload/images6/mk8178_JJJKM745M9MS6.jpg

بس خطوا فوق قبري ! بدوي(ن) بالقبر



يابوسعود ياليتني ساكن(ن) بارض القصيم=بدوي مع الغنم ساكن(ن) بيت الشعر
ماحلا بالبر ليله ليا من هب النسيم= وانتشى الغربي وذعذع بنسمته وقت السحر
والدلال ونظمها فوق نار(ن) له حطيم=وجهز المحماس للبن وحمستك فوق الجمر
والنجر يجذب بصوته كل من هو به يهيم=واللقاء بضيافتك والمضِيف له قدر
وانشدوا عن الحيا كل رواد(ن) عليم=وشدوا للمرباع نيَة ، ديرة(ن) جاها مطر
دار قفر(ن)غاثها وابل(ن)سح(ن)عظيم=وسالت الوديان تترى وكل روض(ن)به خضر
والسماء جوَه تلالا صافي(ن) مافيه غيم=ماحلا الجلسة بهدوءه وضوَها نور القمر
والله إن البر نعمه خص للي به فهيم=والله إن البر نقمه وخِص به ناس(ن) غجر
ونومة(ن) بالبر تشفي كل من جرحه سقيم=وعندي تسوى يالرفاقة نومة(ن) باحلا قصر
والوناسه واكتماله مع حبيب(ن) لك نديم=من بنات البدو أصله ماتربت بالحضر
جسمها غض(ن) بطبعه ماعرفت معنى الرجيم=ولا طلعت تكوفر شعرها أو تسوق بالعصر
لامشت يبهر جماله كمَله رب(ن) رحيم=أذكر الله من نظرها قال ماهي من البشر
مانسب الناس لكن ، والله الواقع أليم=النساء صارت قنابل بيِ وقت(ن) تنفجر
اشهد إن البدو عندي حبهم دايم مقيم=والبداوه تاج راسي والبداوه لي فخر
إنشدوا التاريخ ينبي كل رجال(ن) غشيم=البدو فخر العرب من عصر عاد ومضر
دامني حي بدوي وعيشتي عيشة كريم=رافع(ن) راسي ولا ارضى بالمهونه والقهر
بدوي ساس بدوي وكل بدوي(ن) حشيم=والبدو ساس الوفاء والبدو ضد الغدر
جربوا معنى البداوه بس معناه القديم=يوم كل(ن) في فعوله ودَه إنه يشتهر
والله إني ضد من هو للبدو أصبح خصيم=البدو سحر(ن) رضعته ماحلا ذاك السحر
لادفنتوني تراكم بحل يارجال وحريم= بس خطوا فوق قبري ! بدوي(ن) بالقبر [/frame]

رابط القصيدة بالردود هنا (http://www.mekshat.com/vb/showthread.php?s=&threadid=15835)

[ابو عايد]

http://www.mekshat.com/pix/upload/images6/mk8178_JJJKM745M9MS7.jpg
""""""""
"
"


ا حروفي ساعديني بالكتابه=خاطري مليان مزحوم(ن) بقافه
الشعر تعبير يغني عن الخطابه=والقوافي نظمها مابه كلافه
والشعر بحره نطبه مانهابه=من فضل ربي عسفته لي عسافه
وكل مانادى الفكر شعري أجابه=واتخير من جزيله للصرافه
شفت أرض الرافدين أظلم سحابه=والقذايف تمطره من غير رافه
ويل فلوجه سماها به ضبابه=إصبري للموت والجرح وخلافه
القنابل للطفل صارت دعابه=والنساء صارت سبايا ياحسافه
والشباب تموت ياحسرة شبابه=وكم شيخ(ن) يشتكي من ضيم شافه
والعرب مستسلمين(ن) للكآبه=من المحيط الى الخليج أكبر سخافه
رب صوت(ن) صاح ماحي(ن) درابه=ومن قبل لبَاه من هو بالخلافه
العرب حياتهم كلَه غرابه=في حياة الذل عاشوا والخرافه
يالله إنك تهلك أفراد العصابه=بوش مع شارون والاَ بلير تافه

[/frame]

رابط القصيدة بالردود هنا (http://www.mekshat.com/vb/showthread.php?s=&threadid=19018)

[ابو عايد]

http://www.mekshat.com/pix/upload/images6/mk8178_JJJKM745M9MS8.jpg
""""""""
"
"





قصتي ياهل الملابس سجلوها=في كتاب المشكلات الاوليه
إبتدوا في حلها لاتهملوها=حيث شفت الزين يصفق في يديه
قالت يمه هالبلايز كبروها=كلهن مافيهن اللي جت عليه
آه يالموديل لكن وسعوها=وها البلوزه موضته ماشفت زيه
يمه قولي ويش أسوي دبروها= أربعين أظن مقاس البنيه
قلبتها الأم معها واشتروها=وقالت الخياط يقصرها شويه
وطلعوا ولعنت للي وردوها=والمصانع في دولها الأجنبيه
ماخذوا حسابها يوم صنعوها=ولاحسبوا لدموعها أكبر خطيه


[/frame]


رابط القصيدة بالردود هنا (http://www.mekshat.com/vb/showthread.php?s=&threadid=19243)

[ابو عايد]

http://www.mekshat.com/pix/upload/images6/mk8178_JJJKM745M9MS9.jpg
"""""""
"
"




البارحة ليلي تقاطيع وحلوم=والنوم عن عيني تزايد لددها
باسباب همن بين الاضلاع مكتوم=والحال سبع سنين تشكي كبدها
يالعنبو وقت(ن) صناديده رخوم=والثعل يامشكاي يسرح باسدها
أهل الوفا والطيب صاروا كما القوم=واهل الحسد والكذب كل(ن) حمدها
والله لاصفيها ونرتاح بالنوم=ومشروبه الصافي يجي من نكدها
ليا صرت بحلان(ن) وبالفعل ملزوم=ابن رشيد يقول عسره شهدها
طير(ن) بلا جنحان يعجز عن الحوم=ونفس(ن) بلا عز(ن) مماته سعدها

[/frame]

رابط القصيدة بالردود هنا (http://www.mekshat.com/vb/showthread.php?s=&threadid=20880)

[ريف النشاما]

""""""""""""""""""""
"""""""""
http://www.mekshat.com/pix/upload/images6/mk8178_JJJKM745M9MS92.JPG
"
"
"
"
"
""""""""""""""
""""""
"