ياهل الجموس القديمه افيدونا

[ابوفهيدان]

شباب انا عندي جمس وانيت موديل 1976
مكينته تجي 6 سلندر وحجمها 292
ماشالله عليه شغال ومافي مشكلة ولله الحمد بسسسس
عندي مشكلتين اول شي يشرب بانزين بشكل ماهو طبيعي يعني اعبيه فل تقريبا 50 ريال
يادوب يوصلني 150 كيلو
سويت طقم اصلاح للكابليتر ومافي فايده وسوينا عيار ديلكو ونفس الشي مع العلم انه مايدخن اسود
قالوا لي بدل الكبليتر مرة وحدة قلت مافي مشكله بسسسسس وين نحصل له كبليتر جديد

والشي الثاني ابي ديلكو جديد لان فيه قطعه خفيفة كل دقيقيتين وقال الميكانيكي ديلكو بس عادية


انا ابي من اخواني السعوديين ان احد يدلني علي مكان يكون هالقطعتين موجودة فيه وانا مستعد اجي للرياض او الشرقية او غيرها بس يكون متاكد انها موجودة
ولاهنتوا

[NissaN 1990]

الديلكو والكربريتر اللي أنت تبيه هل هو حق مكينه 350 أو 454 وإذا ما فيه جديد هل أبحث لك على نظيف مره من التشليح ،،،،، رد علي وأبشر بعزك أنا بحاول أساعدك وأسألك أهل القطع الغيار إنشاء الله وأفيدك ،،، وإذا تبي قطع جديده إنشاء الله بحصلها لك ،،

[ابوفهيدان]

الديلكو والكربريتر اللي أنت تبيه هل هو حق مكينه 350 أو 454 وإذا ما فيه جديد هل أبحث لك على نظيف مره من التشليح ،،،،، رد علي وأبشر بعزك أنا بحاول أساعدك وأسألك أهل القطع الغيار إنشاء الله وأفيدك ،،، وإذا تبي قطع جديده إنشاء الله بحصلها لك ،،


والله انك وافي
وانا طال عمرك ماودي اكلف علي احد يعني اذا لك مرور علي الصناعيه لغرض لك اسالي معك
والقطع لاهي حقت 350 ولا 454 المكينه 6 سلندر قديمة نفس مكاين اللواري الكبار الشفر والجمس
وحجم المكينه 292 وتجي بساتنها السته جنب بعض
وانا ابي جديد مابي مستعمل يالسنافي

[escape_man]

ابو فيهدان

الحين وشمصبرك على مكينة 6 سلندر

وراك ماتغير لـ 350 وتريح راسك

ولاهي القضية ترييحة راس وبس .. العزم بيختلف

هقوتي تتعب مالقيت ديلكو حق 6 سلندر الا كان تولفله حق شفر امبالا .. خبري ان بعضهن يجي 6 سلندر

[ابوفهيدان]

escape man

هو نفس حق الامبالا القديم ماتخبر لي حق امبالا جديد بكرتونه

ياخي انا من النوع اللي ماحب اغير شي بالسيارة احب كل شي شد بلده

[escape_man]

خلني اشوف اليوم واردلك خبر

[الذكرى الحلوه]

شف باقادر او السبيعي بالصناعية في شارع الجمعية محتمل تحصل عنده باقادر الشايب

[escape_man]

اخوي ابو فهيد

دقيت على المحلات المعروفة عندنا بالرياض ( باقادر - السبيعي - التقوى ) قالولي مافيه الا امبالا 8 سلندر

دقيت على الوكالة حقت امبالا قالو .. انهم معاد جابو قطع غيار 6 سلندر من بداية التسعينات

كان ودي نخدمك لكن ماباليد حيله

[ابا الأفلح]

السلام عليكم --- ابوفهيدان شف الاخ العظو (لن امل من العطاء)باذن الله راح يفيدك واذا لك جيه لسعوديه وانت بطريقك مرالقرى والهجر بتحصل مواتر زي موترك تشليح او ماعاد لهم فيها فايده استاذنهم وفك القطع الي تصلحلك واخر حل اطلبها عن طريق الوكاله بالدوله المصنعه- - -

[NissaN 1990]

أبشر أخوي أبو فهيدان بحاول أسعالك في الموضوع وإنشاء الله مارح أذخر عنك شي فلاكن أنت عارف وضع مكائن الستة سلندر عندنا في السعوديه قليله مره فلاكن بدورلك وأبشر مره ثانيه ما لك هم ،،، آسف على الإطاله

[alajmi100]

احسن شي اخوي اطلبها من امريكا وهذي روابط القطع ارجوي اني افدتك
http://www.partsamerica.com/ProductList.aspx?parttype=26&ptset=A&searchfor=Carburetor
http://www.partsamerica.com/ProductList.aspx?parttype=190&ptset=A&searchfor=Coil

[ابوفهيدان]

لاهنتوا يالربع والله انكم احرجتوني
خاصتا سكيب مان بيض الله وجهك ولايهونون باقي الاخوان
وانا بانتظار اخوي نيسان 1990

المشكله انا من الكويت والقطع القديمة اللي كانت متوفرة عندنا انسرقت بعد الغزو علشان كذا فاقدين قطع المواتر القديمة والانترنت صعب الطلب بواسطته وسعر التوصيل دبل سعر القطعه بواجد انشدوني قد حاولت

[ابوفهيدان]

ابا الافلح انا ابي قطع جديدة مالعب بحسبتي الا المستعمل
وانا بانتظار الاخ العضو لن امل من العطاء

[ابوفهيدان]

al ajmi 100
لاهنت يابن عمي موقع مضبوووط

[لبرتي]

هلا أخوي أبو فهيدان وطلبك أن شاء الله موجود بس أنه مستعمل ونظيف وجربه قبل

قريب لي سألته اليوم وقال لي موجوده عنده مكينه كاملة 6 سلندر حمراء وإذا يبي شي أو أي قطعة
لكن مستمعل والجديد مستحيل تحصله لانه أنقطع

إذا حاب تستفسر اكثر راسلني وأبشر بعزك أنت ومن يعز علينا في المنتدى

أخوك أبو راكان

[ابوفهيدان]

لبرتي الله لايهينك ولايهين قريبك ومن يقرا

انا ودي احصل جديد بكرتونه انا المستعمل حاطه اخر الحلوول

[جذع غضى]

اخوي ابو فهيدان انا سئلة واحد من الشباب يشتغل بالسيارات القديمه قالى ان قطع الونيت gmcالبرازيلي تركب عليه تقريبا جميع اغراض المكينه يعني شفلك كلبيتر حق ونيت برازيلي هذا يجي ست سرندل على كلام الاخ يقول جميع قطع المكينه تركب على موترك ممكن انك تحصل جديد بالسوق

[عبد الصمد]

اخوي ابو فهيدان انا سئلة واحد من الشباب يشتغل بالسيارات القديمه قالى ان قطع الونيت gmcالبرازيلي تركب عليه تقريبا جميع اغراض المكينه يعني شفلك كلبيتر حق ونيت برازيلي هذا يجي ست سرندل على كلام الاخ يقول جميع قطع المكينه تركب على موترك ممكن انك تحصل جديد بالسوق

نعم هذا اللي سمعته انا بعد

في احد محلات قطع الغيار في الدمام اول اشاره على شارع الملك سعود تلف يسار و تلاقيه على يسارك بعد مسافه
اسمه على ما اعتقد "علي محمد " او "علي حسين"

متخصص في قطع البرازيلي و اللواري
و اذكر مره شفت واحد جايب كربريتر جديد بكرتونه حق برازيلي 6 سرندل من عنده

ان شاء الله تحصل اللي تبغاه :)

[ابوفهيدان]

جذع غضي
عبد الصمد

ويني عن فكرة البرازيلي الله ينور عليكم انا بروح الصناعية وبستفسر وانشالله يركب

[عبد الصمد]

بشر يا ابو فهيدان

عسى لقيت اللي تبيه ؟

[ابوفهيدان]

عبدالصمد لاهنت علي السؤال
اما الحاجه للحين ماحصلتها حتي حقت البرازيلي بس قالوا لي ان حقت البرازيلي ماتركب
تري مكينته نفس مكاين اللواري الشفر والجمس القديمه
بس اكثر الناس قالوا مالك الا السعودية وبس