احداثيات لأماكن تواجد..(الكراويين,الأرانب,الدجاج الحبش,الوبر,الصقور) قريبا ..

[hawwamT]

لا تفكر:confused: ولا تتعب:no2: تبي الوناسة وسعة الصدر:D ولا منك قنصت ماتفلس أبد..هنا الحل...:good: احداثيات × احداثيات لأكثر من 337 موقع للكروان والارنب والحبش والوبر والصقور الوكارى والجبليات المستوطنة وأماكن عبور الصقور الحرار والشياهين ابتداء من ينبع الى الحدود السعودية اليمنية التغطية تشمل أكثر من 1300 كم..ساحلي جبلي ..طب وتخير ماعليك الا تضغط على الاحداثية وتتجه...وفالك الصيد الوفير:D

قد يتسائل البعض ويقول ويش فيه هذا خبل والا ايش يعلم بكل هذه المواقع...
والجواب ...هذه المواقع ستكون لشخص واحد فقط مقايضة بطيرين حر + جير :D :D

[أبو ممدوح]

يا رجال ما فيه أحسن من انك تدور لها وتتعب عشانها والا ما راح تحس بالمقناص وبعدين الي يقنص بالإحداثيات ما أظن انه ينبسط مثل الي يدوج في الخبت نهاره كله والعزبه والأخوي والفزاعه واما هو تلاقاه بخرايطه واحداثياته ويور لحاله عشان محد يقاسمه ويدخل فيها الحسد
وبعدين تبي على المعلومات هذي طيرين لا يا حبيبي انا عندي كائن احداثيات من غير مقايضه الله يخلي محقورة الجبليه والا شبوط انقله واعرف وش في الأرض الي حولي على طول
هههههههههههههههههه قال ايش طير حر وجير الله يرحم مزنه في قبرها

[عتيج الصوف]

للحفظ ......

[نبع الدموع]

ما اقول غير الله يوفقك

[همس الرعد]

يا اخوي دامك تعرف ما شاء الله عليك وشوله ما تروح تشبكهن بدال ما تقعد تطلب بالمنتدى .... قال ايش قال احداثيات ههههههه

[همس الرعد]

تدري ليش اضحك هههههه لان اول مره اشوف واحد يبيع احداثيات لاماكن طيور وارانب هههههه من متى يا اخوي ههههه

[hawwamT]

أضحكتني أضحك الله سنك...
يس أنا ما ابيع بل شيء مقابل شيء...وعلى فكرة هذه الاحداثيات مجهود 20 سنة في المقانيص الا تعتقد انها تستحق طيرين...يعني طويت في مقناصك سنين ..تحياتي لك
وعندي سؤال أيهم حرام جوال أبو كاميرا أو كاميرتين ؟

[همس الرعد]

حياك الله اخوي انا اوقف النقاش هنا وفقك الله وسدد خطاك

وفالك ان شاء الله الاشقر

[alajmi110]

السلام عليكم
اولً يا اخوان الكلام خارج نطاق الموضوع ماله داعي
اذا كان لك نيه تاخذ الاحداثيات تقايض مع الرجال وذا مالك نيه منت مجبور عليها وهو حر في موضوعه
ولكن ( ترى الكلام الزين لناس مرغوب )
جعل ربي يحقق مرادك ويرزقك رزقً من عنده
تقبل مروري /ma0z

[الشاطر ماطر]

جعل ربي يحقق مراده وفالك الحر الاشقر

[abu hlal]

عندي فكره احسن منها:
وهي ان تطبع الاحداثيات في كتاب وتسوقه.....وبكذا تستفيد!!

لمعلوميتك معظم الصقاقير ...ماخلو مكان في .العراق,ايران, باكستان,افغانستان,تركمانستان,روسيا,السودان,تونس,ال جزاير,المغرب,موريتانيا,مالي,النيجر...وغيرها فما بالك باللي داخل السعوديه!

يعنى ما اظن تنجح!!


تحياتي

[قعقاع التميمي]

الله يوفقك

[الطير الاسود]

نعم كلام صريح جدالطرف الثاني

[F J]

والله عرض مغري بس المطلوب واجد

الله يوفقك وتلقى مرادك


ولو تروح تشبك الجبليات ابرك لك

[sami2003]

يا اخوان وجود الاحداثايات ومعرفة الكل لها خطييييييييييييير جدا ويؤدي الى الانقراض وقلة الصيد و التركيز على مكان واحد من قبل القناصين حتما يؤدي الى هلاك الصيد وتكون الامكان مثل الامكان السايحية ويعتاد الناس على زيارتها والافضل من هذا هو البحث عن الصيد للمتعة وكذلك الفائدة والتعرف على الديار .

ارجو من ادارة المنتدى النظر في الموضوع وحذفة .

[لعّاب المنايا]

أقول عسى ماهنا كلافه يا الأخو

[hawwamT]

والله أستغرب من بعض الردود الغير محترمة أو لأن اللي مايطول العنب حامض عنه يقول؟؟.....على العموم تمت ترقية الاحداثيات لتصبح + احداثيات لأكثر من 23 غدير ماء + 57 وادي يسيل فيه الماء طوال العام تقريبا يصلح للمخيمات فيه من كل أنواع الشجر والمقاييل + موقع نادر لأندر الحجارة في المملكة + موقع خطير يتواجد في قطعان كبيرة من الحمير البرية التي لا تأنس الانسان +موقعين يوجد بها أكثر من ثلاث من الظباء( لكن هذا الموقع محظور ولن أعطيه لأحد أبدا نظرا لأهمية حمايتها من الانقراض)+ بعض المواقع الغريبة والعجيبة والتي لا تتواجد في أي مكان في العالم.

[وَسَام!]

اعتقد موضوعك يااخي الكريم والفاضل مجرد الرغبه في الاثاره !!!!!مثل واحد من الاخوان او مشاركه له وشيل وحط وهذي ردود رايحه وهذي ردود جايه والسالفه كلها من شان شبوط!!!!!!!!!!!
تقبل مروري يااخي الفاضل!!!!!