ماهو الزيت المناسب للمكائن الموضبة

[الوافي 2009]

السلام عليكم ورحمة الله وبركاته

وضبت الماكينة والان ابغى احافظ عليها لكن المشكلة في الزيت تعرفون الانواع كثيرة وهاذي ماكينة موضبة واخوكم خايف يحط زيت يطلع تعبان طبعا اول كان فيها تهريب وكنت اصب لها اي زيت مايفرق اما الان لا

وماهو رايكم بزيت كاسترول ماجناتك

سيارتي مازدا 323 موديل 92 تشبه الكورولا والحرارة فيها النصف طبيعي

[ابوصنهل]

كانت عندنا مازدا 323مانعبي إلا موبيل وهو ممتاز

[مشعل العيسى]

انا وضبت سيارتي مرتين وللاسف المرة الاولى كانت سيئة والزيت ينقص ووضبتها بعد شهرين مره ثانية ... وللاسف الزيت ينقص بس اقل من الأول ... ويوم رجعت للي وضبها قال ثلاث تغيرات للزيت ومعاد ينقص ..
والظاهر انه كذااااب ... الان ازيدها كل اسبوعين ربع علبه تقريباً ....

طبعاً انا احط لها زيت جيتي كاسترول ....

[الوافي 2009]

ابو صنهل جزاك الله خير

غيثه الله يكون في عونك

ابو صنهل اي نوع من انواع زيوت موبيل

[brhoom373]

والله انا استخدم زيت سوبر جي تي من 15 سنه فمرت على انواع السيارات والحمد لله ما عندي اي ملاحظات

[gsb]

فيه زيت يجي مع بعض السيارات شدبلد أول ما تطلعها من الوكالة
يسمى زيت التليين يمشي من ألف إلى 5000
حسب الشركة المصنعة
والصراة ما اعرف اسمه

لكن انت حط شل وتوكل على الله

[AMAZ]

الزيت تقريبا مثل بعضه لكن انصحك بزيت سوبر مبيل ابو علبه حديد لونها ذهبي عيار 20 -50 حيث ان السياره القديمه والموضبه ينصح دائما باستخدام زيت ثقيل لانه تكون هناك فضاوه في التروس وطقطقه في البلوف والزيت الخفيف مايصلح لها . من شان كذا استخدم زيت ثقيل 20-50 واتمنا لك التوفيق والله يغنيك من فضله وتشتري سياره اخر مديل .

[alkongrs]

وضب الوالد موتري مرتين قبل ما استلموه والله يستر شكل التوضيبه الثالثه جايه :) جي تي كاسترول

[عين الداب]

مساكم الله بالخير عين الكلام من عين الداب اي موتر موظب الافضل انك تستخدم زيت الاثقيل مثل 40 او 50

[NissaN 1990]

اللي موضب سيارته أو اللي سيارته ما وضبت وموديل السياره قديم لا تستخدم إلى زيت ما دته ثقيله مره أحسن أنا جربت الزيوت الخفيفه وجربت اللي يقولون يمشي أكثر من 5000 كيلو وهو مخصص للسيارات الجديده مثل المرسيدس واللكزس ، وطلع خرطي مع سيارتي وجميع السيارات القديمه
أول شي تعرضتله هو : صارت السياره تحتر واجد فوق النص وطبعاً سيارتي باترول
وثاني شي هو : أن الزيت يطير بسرعه يعني أقل من أسبوع أرفع العيار ما فيه إلى نصه ،
وبعد كذا رجعت لراعي الزيت قلت أبي أثقل زيت وعطاني موبيل ومن بعدها ماشاء الله

والموجود الآن في السوق ومادته ثقيله معروف موبيل هو أثقل زيت لا تحط غيره وجرب بنفسك


آسف على الإطاله وأتمنى أني قدمت معلومه مفيده ،،،

[الوافي 2009]

شكرا لكم جميعا والظاهر راح اصب موبيل سوبر تيربو 20w50