سؤال وجواب عن طريق الإمارات - السعودية( الرياض الدمام )

[محب الصمت]

السلام عليكم
سمعت انه فيه طريق جديد يربط ما بين الخرج والبطحاء ( حدود الإمارات ) .....فهل احد منكم
سلك الطريق ؟ وكم المسافة ؟ وهل يوجد محطات ؟
ارجو ممن يعرف ان يفيدنا مشكوررررن ,,,,,,,,,,





في هذا الموضوع سوف يتم دمج المواضيع المتشابهة من أسئلة وأجوبة

وقد تم تغيير عنوان الموضوع والدمج من قبل ادارة مكشات

[غفلان]

السلام عليكم ورحمة الله وبركاته ...
أنا رجعت من عنده بالتحديد برجب تقريباً بعد ما طلعت من الحدود الامارتية ودخلت السعودية مشينا تقريباً أقل من 10 كيلو وجتنا محطة على الجهة اليسرى والمحطة هذا هي الطريق اللي يوديك لحقل ( شيبه ) عبينا من المحطة هذي فل وبعدين دخلنا في طريق رادمية ما فيه زفلت أعزكم الله ، لحد ما يجيك ملف على يدك اليمين هذا هو الخط ..
1. الخط ما فيه ولا محطة .
2. طريق واحد .
3. في رمال متحركة خطرة .
4. يطيح من الخط 250 كيلو بس .
5. ينزلك على حرض .
6. الجوال بعد 15 كيلو تقريباً ينقطع لحد ما توصل حرض او قبل بشوي .
للمعلومية : إذا كانت سيارتك مهب تكانه انصحك كل النصح لا تروح من عنده لانه زي ما قلت لك ما فيه محطات وفيه ( ناس تحاول تتحرش فيك بعد ) بمعنى أصح لا توقف حتى طير الشرب إلا في حرض وانا سويت الشي هذا لاني أول ما مسكت الطريق قام يمشي وراي جيب شاص لمدة ربع ساعة وبعدها سقط على وقام يضرب فرامل ويدق فلشر ويحاول يوقفني بأي طريقة ولكن ولله الحمد أني ما وقفت ولا عطيته بال وبعد ساعة الا ربع تقريباً من التحرش مل وراح .

هذي كل المعلومات اللي عندي بس لاحظ إن الكلام هذا صار له أكثر من 3 أشهر .....
:p لو خيروني مرة ثانية أني ارجع مع الخط هذا ما رجعت معه لو ايش الا اذا تعدل اللي فيه يعني لو صار فيه على الاقل محطات ....

[رحـــال]

السلام عليكم ورحمة الله وبركاته

الطريق الجديد من الرياض الى الامارات
من الرياض الى الخرج الى حرض الى البطحاء509


الرياض الخرج 80
الخرج حرض 175
حرض البطحــاء 253

[البتار]

الله يعطيك العافية اخوي رحال .......... لكن انا سمعت ان هذا الخط خطر جداًُ وفيه مقطعة .... هل هذا الكلام صحيح

[رحـــال]

اخي البتار
اسأل الله ان يتقبل من ومنك وجميع المسلمين صيام شهر رمضان وقيامه
الطريق من الخرج الى حرض سيء نوعا ما
اما من حرض الى البطحاء فهو مقطعة كما ذكرت من حيث ان المحطات قليلة وغير مكتلمة
علما ان اخر مرة مشيت مع الطريق في اول شهر شعبان

[صقر]

السلام عليكم

الحقيقة انا سلكت هذا الطريق في اخر شعبان وكان ممتاز جدا

اما من ناحية انه خطر فالخطر موجود من حاجتين الأولى من الابل والثانية من الكثبان الرملية المتحركة
وعموما فيه معدات لإزالة الرمال وتعمل على مدار الساعة.

وهو يشبك البطحاء بحرض يعني من حرض الى الرياض كله قديم والوصلة الجديدة طريق واحد بس واسع جدا

وبه محطة بنزين وما اعتقد انه مقطعة لأني جيت معه وعامر بالسيارات ورايت ابراج الجوال يشتغلون بها يعني الان اعتقد ان الجوال يشتغل فيها.

[شاص]

وكلام الأخوان رحال وصقر على متمه كنت أسمع بها الطريق وما أدري عن صحة الكلام حتى جيت معه لوحدي صراحة طريق ممتاز جداً وسيع وزفلته جديد والجوال بيشتغل فيه قريب.

[بركان]

السلام عليكم ورحمة الله وبركاته

انا ناوي بمشيئة الله تعالى السفر من الرياض الى دبي.

اي الطرق افضل؟؟؟

الرياض- حرض -الامارات
ام الرياض الامارات عن طريق الحسا ؟؟؟
او اي طريق اخر!!!
(طبعا السفر بواسطة السياره وليس الطياره !!!!)

لكم الشكر

[بن نويشر]

الرياض - حرض - الامارات .. هو الطريق الأفضل بأذن الله تعالى ، حيث تختصر حوال الـ 200 كم .

وتروح وتجي بالسلامة . وترى بالشارقة فندق يقالة الشاطئ الذهبي عبارة عن شاليهات حلو ورخيصة بـ 200 درهم فقط لليلة الواحدة ويمكن تكون أقل علشان عروض الشارقة والمعلن عنها بالجرائد .

[الاجودي]

عليكم السلام ورحمة الله

والله يالغالي ابي اجاوب عليك مع ان سنيدي جاوب وكفى و وفى

فعلا طريق حرض يختصر اكثر من الحسا بكثير

لكن انتبه تمشي طريق حرض بالليل ترى بعارين وانتبه من السوافي

يعني اطلس موترك فيري

واصرف عملة امراتيه من بنك السبيعي هو انسب شىء لان بالطريق وبالامارات اذا عملتك سعودية يبي يقصبونك قصب

وكانك تبي اجهزة نادرة او غريبة او غير موجودة بالسعودية عندك سوق نايف في دبي فيه عمارة اسمها عمارة قرقاش فيه محل يقاله القطان هو الي بجنبة

وتروح وتجي بالسلامة

[العود الازرق]

انا سافرت مع الطريقين الاحساء وحرض واحسن طريق هو الرياض.....الخرج...........حرض.......البطحا ء وفعلا يختصر 200 كيلو تقريبا كما ذكرو الشباب ويفضل المشي في النهار .

[الجيب الربع]

أخي العزيز بركان

الشباب ماقصروا طريق حرض طبعا هو الأفضل وإن حصلك تمشي بعد صلاة الفجر وتريح وتغدا في البطحاء وتكمل بالسلامه.

والسكن زي ماقالوا الخوان عليك بالشارقه أرخص كثير وأنظف ومحافظه زينه مره لسكن العوايل والله يعينك كانك راعي شراء قرابيع إذا جيت تراجع تلقى مكان لعفشك:p


تروح وترجع بألف سلامه

[خشم الحصان]

الاخ العزيز
بركان
السلام عليكم
شف اخيي طريق حرض زين بس بشرط انك تنتبه مره وعيونك مثل:rolleyes: مهوب مثل:cool: لا ياخيي
لئن طريق حرض هاليام شين رمال في وسط الخط كبر البعارين ولاهنا محطه بعد حرض يعني اترس موترك
بنزين و في الليل انتبه للبعارين ولا وش الله حادك تمشي في الليل انسهل وفي الصباح رباح امش بعد صلاة الفجر مع الجماعه علشان تصير في ذمة الله والله يحفظكم ويردكم سالمين غانمين عليك بالشارقه مثل قول الاخوان او ابو ظبي ان حدك الزمن
اخوك
خشم الحصان
ملاحضه
فيه احد من الامارات معنا في المنتدي ان كان فيه انشدهم هم ابخص بديرتهم واذا وصلت سلمني علي كحيلان
زايد

[الضاري]

أخي العزيز بركان..

تروح وتجي بالسلامة .. هذا أولاً.

ثانيا .. مثل ما قالوا الشباب طريق حرض أفضل مية مرة من طريق الموت (الله يكفينا شرة ) طريق الحساء.

ثالثا .. فية محل يختص بأدوات وأغراض البر.. تجدة في دبي - حي الديرة - قريب من ميدان جمال عبدالناصر
وهذا التلفون بتاع المحل / 267667(04)

كمان تلفون ثاني للمحل / 247900(04)

أسم المحل / السمنان

وماهو بعيد عن سوق قرقاش اللي ذكرها لك ( الاجودي )

لايفوتك المحل .. خصوصا الدرابيل ..

أما السكن فأنحش عن دبي كلة لأنة بيني وبينك( وصخة)..

ولاتنسى تمر على مدينة ألعاب أسمها ( وادي البر ) عند مدخل برج العرب..
تطق لهم 40 درهم أو حول هالمبلغ .. وألعب من الساعة 3 العصر الى 9 بالليل .. وكل الألعاب مائية يعني تطق بشورت وتحط ملابسك في درج خاص بك..
ملاحظة / أذا سيقانك يفضحن حاول تاخذ معك بنطلون طويل:D

المهم لانسى تمر على البرج .. ولا تخاف ترى حتى الوغدان طبقوا معة..

تمنياتي لك برحلة موفقة وممتعة
ونحن بأنتظارك لتخبرنا عن رحلتك..

أنتبة من السعوديين ( النصابين ) هناك يجيك يقولك حاجزين زوجتي بالفندق أو سيارتي على ما أدفع لهم بقية الحساب أو مثل هالاعذار.. طقة بوجهة على طول قلة ..أمش معي أوديك للسفارة وهم يوصلونك للسعودية .. ماتشوف الا غبارة مع الشارع .. لأنة نصـــــــــــــــــــــــاب.

تحياتي

[ابو شجاع]

السلام عليكم ورحمة الله وبركاته

اخوي بركان تروح وترجع بالسلامة لا كن عندي ملاحظة على الخط من بعد دخولك للمنفذ حق الامارات

وهي في امرين:

1:اذا دخلة الامارات من بعد منفذ البطحاء بحدود ( 70 الى 90 ) كيلو انتبة واكررها انتبة للطريق خاصة في الغدراء واقصد فيها الليل من اللي يجفل عليك بالخط وهي معروفة حبيبة القناصة( الارنب ) لا تاخذك النشوة
وتعشق قيرك وتطردها لان فيها ( .............. ) اللي ماحد يعرفةغرامة وماشابة الغرامة

2: الضبان ابيك تنتبة اذا صار ممشاك نهار لان وحنا راجعين وطينا ( 4 ) ضبان ومن كبرها تقل تماسيح ماشالله مايصيدونها مادري (الارنب) و(الضب) هذى هي اغرب ماشفة عندهم في الطريق من بعد المنفذ

وسلامتكم
اخوك الصغير ( ابو شجاع )


:D

[مدرعم]

السلام عليكم ورحمة الله وبركاته

معلومات الصراحه جدا ممتازه مع انى من اهل الحسا بس ساكن الدمام اول مره اعرف ان في طريق يوصل للامارات عن طريق حرض.

طيب سؤالي لما اكون في الأحساء وين الأقرب لي طريق حرض او الأحساء مشكروين وتروح وترجع بالسلامه.


ودمتم سالمين
اخوكم بوعبدالله

[بركان]

اخوي مدرعم

اذا انت من سكان الحسا . فالأقرب لك طريق الحسا .
لعلمك الطريق الذي نتحدث عنه هو لمن يرغب من سكان الرياض او من لا بد ان يمر عن طريق الرياض.
حيث ان خط السير يكون الرياض- الخرج-حرض- منفذ البطحا .
تحياتي

[همس المشاعر]

السلام عليكم ورحمة الله وبركاتة
اخوى الكريم سؤالى عن طريق الامارات الجديد النافذ من حرض الى البطاء المنفذ الحدودي لدولة الامارات اسئل عن مالديك من معلومات عن بداية الطريق ونهايتة وعن الخدمات المتوفرة على الطريق من محطات وقود وغيرها ..
ولك الف شكر
مايحتاج إحداثيات واضح جدا عندي له كروكي ممتازعطني بريدك وأرسله لك ماقطع رجلي إلا هو
تفضل كروكي دقيق جدا مصممه محترفين وإلى الحدود بالمحطات وكله:
يلزم توفربرنامجي وين زيب وأكروبات ريدر

[همس المشاعر]

السلام عليكم ورحمة الله وبركاته أحببت المشاركة بهذه الفقرة الهامة لمالاحظته من كثرة طلب وصف للطريق من الأعضاء ولخبرتي بالطريق وترددي معه وتوفركروكي دقيق للطريق صممه خبراء محترفون مسافرون معه أحببت إرفاقه هنا والطريق ممتاز لكن يعيبه كثرة الرمال التي تزحف للطريق ( طريق القادم من الإمارات للسعودية) وهي تشكل جبالا من الرمال طعوس وخطرة ليلا لذا جرى التنبيه ويتوفربالخط محطات وهوآمن والكروكي دقيق ويغطي الطريق بالكامل من الخرج حتى الحدود ويلزم توفربرنامجي
winzip
acropatrader
لعرض الكروكي وشكرا لكم
http://www.mekshat.com/vb/showthread.php?p=219396#post219396

[الرمح]

عندي نية لزيارة الامارات قريبا
وارجو ممن يعرف الطريق ( الخرج منفذ البطحاء) ان يعطينا معلومات مفيدة
بالنسبة لمخرجة من الخرج ومحطات البنزين واي خدمات اخرى
وطول المسافة من الخرج حتى المنفذ
ولكم شكري

[الجيب الربع]

السلام عليكم ورحمة الله وبركاته

أخي الرمح

الطريق طولة من الرياض إلى منفذ البطحاء حوالي 500 كيلو وفيه من حرض إلى المنفذ محطتين وتوابعها

اذا أنت طالع من الرياض فأحسن لك تاخذ كبري الرفايع يسار وتروح معه وتتبع لوحات حرض يختصر لك شوي ويريحك من دخلة الخرج أما اذا دخلت الخرج فأول إشارة بعد خزان الموية خذ يسار وعلى طول وإذا دخلت حرض اسأل عن طريق البطحاء اذا كان مهوب واضح لك

انتبه للرمال تراها تدفن الخط واحذر البعارين من يوم تعدى حرض وأحسن لك تمشي بالنهار للسلامه

الله يستر عليك وتروح وترجع بالسلامه

[منتعش]

حي الله أخوي : الرمح
أنصحك تروح مع طريق الدمام وتأخذ مفرق الهفوف وتطب في الأحساء .
أنا توني جاي منه كنت رايح لقطر ، والخط زين وسيدين .
أفضل من طريق حرض لوجود رمل كثير ومن كثرته يغطي الخط اللي جاي .

[الرمح]

اخوي الجيب الربع
معلومات وافية وكافية كثر الله من امثالك وجزيت خيرا
اخوي منتعش
الله ينعش ايامك ولياليك بالخير
الخط الي تقولة حافظة كيلو كيلو من كثر مارحت لقطر والخط طويل شوي
وطريق الخرج بيختصر لي حولي 130كيلو (ليست دقيقة) واشوف انها تستاهل

[الذرب جسار]

الأخ العزيز الرمح
تاصل بالسلامه وترد سالم غانم
وأنصحك تخلى روحك بالنهار للأسباب التي تفضل الأخوه بذكرها وتمتع نظرك بذات اليمين والشمال ....(ترى الأرض أرض أرنب) وفلل بحرض وترى الخط فيه محطه ودربك الجديد يطيح لك تقريبا 200 كلم
ودعواتك لنا ....ولا تنسى إن المسافر مستجاب الدعوه إن شاء الله
ولا أدري أينا الأول انا ولا انت...

[العاني]

السلام عليكم جميعا
اخوي الرمح وتعقيبا على ماقاله الاخوة لاتنسى انه فيه مطبات صناعية
او بالاصح حواجز اسفلتية فبل مفرق حرض انتبه انتبه انتبه
وتاصل بالسلامة

[Rahhal_xp]

السلام عليكم ورحمة الله وبركاته

أخوي جرب هالخارطة، وادع للي راسمها.

[الحسكولي]

الاخ الرمح السلام عليكم
انصحك تمشي بالنهاار وفي الصباح المبكر واذا مريت بالخرج مع الطريق اللي قاللك الجيب الربع يعني لفيت يسار من عند الاشارة اللي بعد الخزان ومشيت لك حوالى كيلو واحد في مخابز على يمينك كبيرة ومشهوره ترى عنده فطاير ومعجنات يحبها قلبك لايفوتك خذ منه تموين لكل الطريق تراه نظيف مره و طازج . النقطة الثانيه انتبه من الرمل وحاول تسال القادمين من الطريق في ذاك الوقت اذا كان فيه هواء شديد يحرك الرمل علشان ماينعدم وجه موترك ، اذا دخلت الامارات حسيت انك ودك تريح ترى فية فندق المرفاء على البحر مباشرة خذلك ليله هناك ترى المكان حلو وهاااادي ولاهوب غالي خصوصا ان كان معك بزران تبي تاخذ راحك انت واياهم في هاك المسبح الرهيب .... وتروح وترجع بالسلامه

[بن نويشر]

بسباس ..

فندق المرفاء هذا أين يقع بالتحديد ، هل بعد المنفذ أو على الطريق المؤدي لأبوظبي ، أين بالتحديد؟

وشكراً لك

[الحسكولي]

سنيدي ..
فندق المرفا يقع نصف المسافة تقريبا بين ابوظبي والمنفذ وهناك لوحات على الطريق تدل عليه

[انتهى]

معلوماتكم ياشباب عن طريق الامارات من طريق الدمام كم يبلغ ويمر على ايش ومن وين المفرق من عند خط الدمام لاتبخلون علينا بردودكم شششششششششششاااااااااااااككككككككككككررررررررررر لكم

[محب البر]

بسم الله الرحمن الرحيم
السلام عليكم ورحمة الله وبركاته

إجابة على سؤالك يالغالي انتهى

للذهاب لأمارات العربية المتحدة من الدمام عليك بسلك الطريق التالي

من الدمام إلى بقيق (80 كم) ومن بقيق إلى الأحساء " الهفوف" (80 كم) ومن الهفوف إلى سلوي ( 150 كم) ومن سلوى إلى مركز البطحاء الحدودي (170 كم) كما في خريطة رقم 6 المنطقة الشرقية (http://www.athagafy.com/maps/Fig-06.jpg)

وهذه خريطة لبيان منطقة الحدود سلوى البطحاء (لأن الخريطة التي تليها قديمة)
http://www.mekshat.com/pix/upload/images8/mk6268_UAE-KSA_B.jpg

ومن مركز البطحاء حتى مفرق الطرق أبو ظبيى العين دبي وباقي الإمارات (350 كم)

وأدناه خريطة للأمارات العربية المتحدة بالضغط عليها تحصل على صورة مكبرة من موقع غرفة تجارة وصناعة وزراعة رأس الخيمة

http://www.mekshat.com/pix/upload/images8/mk6268_UAE_Map.jpg (http://www.rakchamber.com/arabic/images/map2.jpg)

وجزاك الله خير

أبو مروان

[الجيب الربع]

أبو شكاع

كبري الرفايع على طريق الخرج وانت طالع من الرياض بعد شاليهات اليمامه ومركز التفتيش بحوالي 30-35 كلم تاخذ الكبري يسار وتوكل على الله .......................... الخريطه اللي قال عليها الاخ ganderone واضحه جدا من الرياض الى البطحاء

مع الف سلامة ابو صالح

تحياتي

[alshately]

سلام عليكم

اخواني انا متوخف من طريق حرض

علماً بأن معي عائلة اروح معاه ولا لا

وشرايكم شباب ارجو الرد

[ذيب االغداري]

أنا ناوي اسافر الامارت ياشباب هل فيه تغيير على طرق حرض الامارات أمل الافاده

[Rahhal_xp]

أنا ناوي اسافر الامارت ياشباب هل فيه تغيير على طرق حرض الامارات أمل الافاده

ما سمعت شي جديد، ولعل الإخوان يفيدونك أكثر.

[مكشاتي الجزيرة]

الحمد لله ... الخط مافيه شي .. توكل على الله...
انا من اول ما فتحوه كنت اسافر عليه سنويا مع عائلتي...
واسافر بالليل بعد....

واذا كنت خواف..ممكن قبل ما تمسك الخط عند اول محطه ...
وقف وشف لك سياره فيها عائله مسافرين نفس وجهتك... واطلب منهم ان ترافقهم بالخط..
هذه الطريقه يعملها صاحبي..

[راعي الجيوب 1]

اخي العزيز السائل عن طريق الامارات
اخي الغالي خط الرياض الخرج حرض البطحاء السلع ثم ابو ظبي ممتاز للغايه ولعلمك يبك تسلك الخط في الصباح الباكر افظل لك يوجد فيه محطات اكثر من 3 ولعلمك شبكه الجوال شغاله حتي تصل الي الحدود والخط واظح جدأ ولاكن الحذر كل الحذر من المطبات الاصطناعيه فقط والخط حلو جدأ قبل اسبوع كنت سالكه وتقابلك دوريات فيه مركز الخرج ومركز حرض ونصحه الطريق حلو فقط انتبه للمطبات والهواء القوي !! رحله مباركه انشاء الله

[دندش]

اخواني جزاكم الله خير على التوضيحات... بس انا ان شاءالله ماشي بعد يومين للامارات.
وانا ناوي طريق الحسا لان طريق حرض يقولون يخوف (معي عائله) وابي نصيحتكم؟؟
لاني اذا ابي الحسا ابي ارتاح فيها واكمل بعدها بيوم؟؟ فااتنصحونن وش اسوي؟؟

[البرهاوي]

دندش
توكل على الله ولاتخاف الا من رب العالمين
الخيرفي كل مكان والشر كذلك
الطريق يسلكه اهل الإمارات للذهاب إلى مكة والجنوب و لاكن الطريق سيد واحد ومستقيم ويختصر 200 كلم عن طريق الأحساء لأهل الرياض .
الطريق ممتاز وانصحك بمشي النهار لكثرة الابل وكذلك وجود بعض الرمال المتحركة
وهناك مطاب صناعية في تقاطع حرض انتبه منها الله يستر عليك
وتوكل على الله وتأكد من صيانة سيارتك
وتجي بالسلامة