باجيرو + سفاري

[سرمد2007]

مرحبا يا شباب
اريد المشروة من اهل العلوم
متسوبيشي باجيرو استاندر بابين
او
نيسان سفاري استاندر بابين
وين الاصبر والاقوى في الرمل والخطوط
بغض النظر عن القطع اريد استخدام والاحسن قير عادي او اوتوماتك اقل درجة

[الوايلي100]

السلام عليكم

سفاري ................والله اعلم

[AMAZ]

اول شوف اكثر سياره بالشارع من السيارتين بعدين شوف وش الى اكثر مع الناس وشترها وذلك لسبب انه ما اجتمعوا عليها الناس الا وفيه سبب انها سياره جيده . وانا من وجهت نظري ان النيسان احسن بكثير من الباجيرو لان الباجيرو قطع غيار محتكره وكذلك انت تشتري من شان تبيع فكر بذلك الباجيرو يقعد في حلقك وتبيعه بخساره . (النيسان سياره لا يعلا عليها . والنيسان يقارن بالاند كروزر . ولا يقارن بالباجيرو).

[راعي طويلات]

نيسان والأصبر والأقوى وخصوصا في البر القير العادي

[االديحاني]

الابيع النيسان
الاصبر باجيرو بدون منافس

[NissaN 1990]

من ناحية القوه والصبر : النيسان
من ناحية قطع الغيار وأسعارها : النيسان
من ناحية خف النفس والراحه مع الخط : الباجيرو
اللي يمسك سعره إذا جيت تبيع : النيسان

الباجيرو : حط في بالك إنك تبي تطلع خارج المدن الكبيره مثل الرياض ويمكن لا قدر الله يتعطل عليك ما لك إلى إنك ترجعه للرياض عشان قطعه صغيره مره ما تباع في هذي المناطق،،،

[سيد النشاما]

ربع النيسان أمسك الدرب وأنت مغمض
موتر لايقارن بــ الباجيرو ولا يصف حوله
ومبروووووووك مقدما

[عاشق السيل]

طبعا باترول بلا منازع !!!

الباجيرو يتميز إنه أقل خرابات من الباترول فقط ،، لكن المرغوب والمشهور والأفضل عند البيع والأوسع والأريح والأوفر قطع غيار والأشخص والأنشط بالبر >>>>>>> الباترول ،،

وأهم شي لايزعل علي أخوي داكار !!!!

ومبروك مقدما وتقبل مروري يالغالي ....

[.أبوعبدالرحمن]

مافيها شك وانا اخوك الباترول افضل بمراحل

[xahmaedx]

اسمحولي شباب تراكم ما تعرفون الباجيرو (اسأل مجرب ولا تسأل خبير)
على فكره النيسان يتفكك بسرعه وتراه يصرف يعني فقر
اما الباجير قوي ماشاء الله ولا يصرف عبء وانس انك عبيت ولا يخرب ويدوم معك مو مثل النيسان لو تلاحظ كل المنتدى خربات نيسان لاكن كل شي له عيوب الباجيرو عيبه شي واحد قطع الغيار ناااااااااااااااااااااار
والعذر والسموحه اذا كان غلطت فارجوا ان تردوا علي

[سيف2008]

فعلاً الباترول صرف بانزين موطبيعي

ولكن له مميزات كثيره منها قطع الغيار والبيع والشكل والعزم كلها راح يتفوق علي الباجيرو فيها

[رجل كريم]

اول شوف اكثر سياره بالشارع من السيارتين بعدين شوف وش الى اكثر مع الناس وشترها وذلك لسبب انه ما اجتمعوا عليها الناس الا وفيه سبب انها سياره جيده .


يعني مع الخيل ياشقرا ..:confused:

وانا من وجهت نظري ان النيسان احسن بكثير من الباجيرو لان الباجيرو قطع غيار محتكره


غير صحيح يوجد موزعين كثر لقطع الباجيرو وعلى سبيل المثال بقشان والشركة العربية لقطع الغيار وغيرهم واسعار بعض القطع ارخص من الباترول السفاري وتوجد خصومات تصل الى 30 % احيانا وكثير من القطع ارخص او تعادل البرادو وتستطيع التأكد بنفسلك ..

والنيسان يقارن بالاند كروزر . ولا يقارن بالباجيرو).


الفرق بين حجم الباجيرو والسفاري اقل بكثير من الحجم بين السفاري واللاند .;)

[سيف2008]

أخوي داكارا وش فيك متحامي علي الباجيرو إذا سيارتك باجيرو عليك بعافيه الرجال يسأل منهو أحسن بس ولو الباترول أحسن من البجيرو لابد تعترف بهذا الشئ مهو تحامي

السيارة ماهي راس مالك ولا أنا غلطان

وبعدين أبي أبسط مثال علي قطع الغيار الفحمات كم سعره بلباجيرو وكرسي المكينه
ولو صدم لاسمح الله بلباجيرو كم سعر الصدام والشمعات الأماميه........إلخ
هنا الفرق

[رجل كريم]

الباجيرو يتميز إنه أقل خرابات من الباترول فقط ،، لكن المرغوب والمشهور والأفضل عند البيع والأوسع والأريح والأوفر قطع غيار والأشخص والأنشط بالبر >>>>>>> الباترول ،،

وأهم شي لايزعل علي أخوي داكار !!!!

....


الله لايجيب زعل اخوي عاشق السيل وهذي وجهات نظر وعلى الجميع احترامها مادام ان الردود لاتخرج عن الذوق العام ..:good:

لا احد ينكر ان المشهور والمرغوب السفاري وهي سيارة يعتمد عليها بحق وهي افضل عند البيع واوسع ولاكن اختلف معك في مستوى الراحة فمعروف عالميا ان نظام التعليق المستقل اكثر راحة وتشبثا بالطريق وكل ما اتمناه من صاحب الموضوع تجربة قيادة السيارتين حتى يكون على بينة .. ومحرك السفاري 280 حصانا فيتيك والباجيرو 269 ولكن يحوي نظام مايفيك الجديد كليا الذي يعطي افضل عزم على جميع السرعات مع وزن اقل قليلا من السفاري ونظام جر متطور يجعل الباجيرو يعادل او يتفوق على السفاري في الكثبان الرملية .. كما ان الشكل يشبه الى حد ما الرانج روفر واراه جميل جدا اكثر من السفاري وهي مسألة ذوق لا تقدم ولا تؤخر ..ومن ناحية الصبر لم تتوقف سيارتي عن الحركة منذ ان اشتريتها الا مرة واحدة وكانت بسبب مضخة البنزين بعد ان قطعت اكثر من 180 الف كم .. والان قطعت اكثر من 205000كم مائتين وخمسة الاف كم والحمد لله تتحمل الجلد والكرف كما بامكانك رؤية بعض المقاطع لها في اليوتيوب ..

بمشيئة الله تعالى سأكون متواجدا عصر غد الجمعة في طريق المطار عند موقع رباضات حتى الغروب فآمل من صاحب الموضوع ان امكنه ذلك و اصحاب الدفع الرباعي الحقيقية الحضور للاستمتاع بهواية التطعيس الموزون والتعرف وتبادل الخبرات

احداثيات المكان

N 26 31 .285
E049 50 .296

تحياتي للجميع .,

[رجل كريم]

أخوي داكارا وش فيك متحامي علي الباجيرو إذا سيارتك باجيرو عليك بعافيه الرجال يسأل منهو أحسن بس ولو الباترول أحسن من البجيرو لابد تعترف بهذا الشئ مهو تحامي

السيارة ماهي راس مالك ولا أنا غلطان



ما فيها شي لو رديت عليه بأدب هذي وجهات نظر اخوي شفت شي وحبيت اعلق عليه ماهناك مشكلة انا املك باجيرو ولله الحمد وهذا من رحمة ربي وفضله وراس مالي ايماني واخلاقي ..ولو شفت ان الباترول احسن ابشر بسعدك راح اقول الشي هذا بس انا شفت الباجيرو افضل فهل عندك اعتراض ..؟:confused:




وبعدين أبي أبسط مثال علي قطع الغيار الفحمات كم سعره بلباجيرو وكرسي المكينه
ولو صدم لاسمح الله بلباجيرو كم سعر الصدام والشمعات الأماميه........إلخ
هنا الفرق


اقرا طلب الرجال اول .. واتصل على الوكالتين وهم يدلونك ..
وياريت نشوفك بكرة بمشيئة الله تعالى في الموقع المذكور .

تحياتي .,

[سيف2008]

يعطيك العافيه أخي داكار وهاذي سيارات تباع وتنشرا أهم شئ مايكون فيها زعل ووالله لو إنك قدامي وتعرفني كان صار إسلوبك أفضل بارك الله فيك وعموماً نبارك لصاحب الموضوع سواء شرا نيسان أو باجيرو

وبلنسبة للإعتراض لا والله ماعندي أي إعتراض الكلام أخذ وعطا وإن شاء الله إنك مؤدب ورديت بأدب مافيه شك

[AZOO9Z]

السلام عليكم و رحمة الله

أخوي إذا يهمك البيع و السمعة يمكن مثل ما قالوا الباترول

لكن اذا تبي راحة و لا أصوات مثل النيسان خذ لك الباجيروا و كلها في الصبر أنا أشوفها مثل بعض

عندك النيسان مع أحترامي و أنا معي باث 2004 مع الرغم اني أموووت فيه لكن أقولك الصراحة كل

فترة يطلع صوت لو صغير يضيق صدري فهذا عيبه الوحيد ... النيسان كله ولا أحد اتوقع يعارضني بالي قلته

و أستخر ربك و أهم شي المحافظه عليها لانها تختلف عن الصغيرة ( الصغيرة شغل و أمش و عب بنزين و

غير زين فقط و انا مجرب ) و الله يوفقنا و يااااااااااااااااك .

[xahmaedx]

ياجماعة الخير اذكروا الله وش تراه موضوع مايسوى الازعاج هذا

[حر الشمال]

اذا انت راعي ب اخذ سفاري لاكن بيتعبك بخراباته ومشاكله
اما الباجيروماقد جربته
تحياتي

[نوراليقين]

أنصحك بالنيسان لأنه سيارة مشهورة ومعروفة ولو بغيت تبيع ما تجلس ولا ساعة.

صحيح إن الباجيرو مريح وذف خفيف ذو تقنية عالية ومع ذلك متين وقوي لكن لا انصحك به للسبب السابق وكذلك سعة السيارة إن كانت تهمك النيسان أوسع. ولو بغيت تبيع الباجيرو راح ينباع لكن إذا تبي قيمة معقولة يحتاج شهر على اقل تقدير وفي وقت الطلب

النيسان والتويوتا دايم سوقه حي في الحج في رمضان في الإجازات الوسم الربيع الصيد...وكل السنة تقيبا

الباجيرو موسمة الشتاء فقط وباقي السنة يكون عنده مبيت.

وانا عن نفسي لو بغير سيارتي ببحث عن باجيرو مستخدم ونظيف

[سرمد2007]

يا جماعة مافي داعي لنقاش الحار
الغرض من الموضوع الفايدة
انا احب يتكلمون الاخوان عن ارقام وحقائق
اعرف ان السفاري الباترول سيارة ما يعلا عليها والباجيرو سيارة ما يعلا عليها الكل منهم القوة والمتانة
بس احب اعرف من التجربة
في القوة والاصبر
نبغي ارقام قوة محرك وزن السيارة نظام التعليق الشاصي البدي لسيارة
وشكرا للجميع

[PAJERO]

ياللي تبون الباجيرو روحو دور مستعمل في المعارض
والاسعار للقطع تراها نزلت كثير عن منول

[د ك م 586]

بالنسبه للاستخدام ماتقدر تحكم حتى تجرب السيارتين لان كل واحد استخدامه يختلف عن الاخر فيه ناس رجلها حاره وفيه ناس راعية نفود باستمرار ويقطع مسافات وفيه ناس راعين شعبان وضلوع وكل موتر يتميز بشي ويتحمل نوع من انواع الاستخدام
فمثلا انا كنت في يوم من الايام امتلك لاندكروزر ولا ارى غيره موتر ولا اعترف بالباترول واكرهه واسبه واحامي عن الاند كروزر وكاني انا اللي صانعه
وبعد ماجربت الباترول (على الرغم من كرهي له) وكانت تجربتي قاسيه عليه وكاني ابي اظهر عيوبه واختبره اكتشفت انه بالنسبه لي افضل بكثير من اللاند اللي ضيعت عمري وانا ممتلكه وامدح فيه
كل واحد يمدح موتره وهو ماجرب غيره
ولاني ماجربت الميتسوبيشي مااقدر اقول لك ايهما افضل
في النهايه لابد ان تحدد هدفك من الموتر وكيفية استخدامك له عشان يقدرون الشباب الغير متحيزين (واللي قد جربو الاثنين)يفيدونك.