المساعد الشخصي الرقمي

مشاهدة النسخة كاملة : أفضل أنواع الكفرات


المصمك
30/04/2008, 11:55 AM
يا اخوان أفضل أنواع الكفرات للهدد تتحمل وعورة الجبال
وكذلك الطرق السريعة
ابوعبدالهادي
30/04/2008, 02:01 PM
ميشلان بدون تردد
Magellan
30/04/2008, 02:23 PM
ميشلان الفرنسية
ثم جينرال الأمريكية
وَسَام!
30/04/2008, 02:30 PM
ممكن يااخوان تفيدوني للكفرات اللي تصلح للجي اكس تايوتا وتكون لينه في الرقلات وقويه ماتبنشر بالشوك والحصى وكم سعرها
.أبوعبدالرحمن
30/04/2008, 04:29 PM
الدنلوب اللي يجي شد بلد فيه
ممتر البران
01/05/2008, 11:36 AM
السلام عليكم
ما مثل السيام تاير البالون ال825 التايلندي
وعندك السموتومو كله لا بالونه ولا شاهينه كله ممتاز ياباني
بس تراهن غاليت ما دون الخمس ميه شي للكفر الواحد
تحيتي لكم
ابو سعد
المصمك
01/05/2008, 11:48 PM
الله يعطيكم العافية على مداخلاتكم
ما قصرتوا
مشكورين
عرق رملان
03/05/2008, 10:01 AM
ميشلان الفرنسية
ثم جينرال الأمريكية

بعد اذن صاحب الموضوع

الاخ ماجلان
ماهي مميزات كفرات جنبرال ؟؟ او الاسباب انك ذكرتها بعد ميشلان ؟؟
بارك الله فيك
المصمك
04/05/2008, 06:58 PM
الأخ أول مشاركة الموضوع لي ولك ولجميع أعضاء مكشات
وأسأل الله أن يشفي والدتك وأكثر من القراءة
كما أسأله أن يغفر لوالدك ولجميع موتى المسلمين
ممتر البران
04/05/2008, 07:24 PM
الأخ أول مشاركة الموضوع لي ولك ولجميع أعضاء مكشات
وأسأل الله أن يشفي والدتك وأكثر من القراءة
كما أسأله أن يغفر لوالدك ولجميع موتى المسلمين
ابك اشهد بالله انك مصمك
تحيتي لكم
ابو سعد
ابوخالد2000
04/05/2008, 07:29 PM
مشلان
بردجستون
دنلوب
تويو
AMAZ
05/05/2008, 12:41 AM
اذا تبي نصيحتي لك انصحك في دانلوب هي الكفر الي يجي معاه اصلا من الوكاله وسعره معقول مقارنه في الكفرات الاخرى (المشيلان - البرجستون)والتي تكون زيادتها بالطقم عن الدنلوب حوالى 300 ريال . لكن ركب دنلوب لانه اي كفر مهما كانت نوعيه مايمشيك اكثر من 100 الف كيلو او بعد مضي سنتين لانه ينحرق من الشمس . ولكن نصحيه في حالة تركيب الكفرات حاول كل ماتمشي 15الف كيلو انك تسوي لها تدوري ترجع الامامية للخلف مع تغييرها على شكل مقص
Magellan
05/05/2008, 01:11 AM
بعد اذن صاحب الموضوع

الاخ ماجلان
ماهي مميزات كفرات جنبرال ؟؟ او الاسباب انك ذكرتها بعد ميشلان ؟؟
بارك الله فيك

أخوي أول مشاركة أنت معك يوكن صحيح والظاهر يجي معها شد بلد جنرال
كان معنا صابونة 94 مركبين عليها جنرال ما أبالغ إذا قلت ماشين عليها فوق 150 الف كلم
ماقد شفت ماشاء الله بمثل تحملها.. بس الأمريكي فقط
وأنا سمعت وكالتها عند الراشد
عرق رملان
05/05/2008, 09:21 AM
الأخ أول مشاركة الموضوع لي ولك ولجميع أعضاء مكشات
وأسأل الله أن يشفي والدتك وأكثر من القراءة
كما أسأله أن يغفر لوالدك ولجميع موتى المسلمين

بارك الله فيك
وجزاك الله خير على الدعوة الطيبة والله يتقبل دعائك
والله يرحم والديك عن النار ويخليك لعين ترجيك يالذيب
عرق رملان
05/05/2008, 09:33 AM
أخوي أول مشاركة أنت معك يوكن صحيح والظاهر يجي معها شد بلد جنرال
كان معنا صابونة 94 مركبين عليها جنرال ما أبالغ إذا قلت ماشين عليها فوق 150 الف كلم
ماقد شفت ماشاء الله بمثل تحملها.. بس الأمريكي فقط
وأنا سمعت وكالتها عند الراشد

الله يجزاك خير يا ماجلان
نعم صحيح معاي يوكن في السابق 2004 وبعته وكنت ماشي على الكفرات الجنرال 125 الف كيلو تقريباً والمشتري يقول شكلك مركب الكفرات قريب !!
وكمان شريت 2007م والكفرات الي علية شد بلد جنرال ولكن فيها بعض المشاكل وحلينها ولله الحمد ..

وكلامك على متمه يا اخوي ماجلان وكيلة موسسة خدمات المركبات العامة في الخبر المقر الرئيسي
وهم وكلاء نوعيين من الاطارات
الاول وهو الاساسي : برللي
والثاني : هو جنرال
ومواقعهم في الرياض في شارع العروبة وانت متجه شرق قبل بندة على الايمين .
والموقع الاخر في شارع الضباب وانت متجه جنوب يجيك على اليمين بعد مركز دار العرب الطبي بمسافة .
والموفع الاخر في الشفاء ولكن لا يحضرني الوصف الدقيق .
وتراء اسعارهم متفاوته حسب المكاسر ..

وسلامتكم
سيف الظفير
05/05/2008, 10:39 AM
الله يشفى والدتك يارب العالمين
ابوجربوش
05/05/2008, 01:52 PM
السلام عليكم يخوان انا معاي هيلكس 2008 ابي اركب كفرات خط بس مادري وش الكفر الاعريض ولين وزي الي يركب عليه افيدوني الله يجزاكم خير
ذيب طي
05/05/2008, 04:24 PM
السلام عليكم يخوان انا معاي هيلكس 2008 ابي اركب كفرات خط بس مادري وش الكفر الاعريض ولين وزي الي يركب عليه افيدوني الله يجزاكم خير
الكفرات طال عمرك هذي الهانكوك وانا توني مركبها على موتري صراحة ممتازه ولينه وأسعارها معقولة
لكن انتبه فيه منها صيني وكوري لاتاخذ:no2: الصيني- لأنه تجاري أما الكوري فهو الاصلي:good:
ودمت بود
ابومحمد vtc
07/05/2008, 01:28 PM
ميشلان ممتازه
وبعدها دنلوب بس المشكله انها تنشق مع الجوانب
mutleb
07/05/2008, 02:42 PM
دنلوب شد البلد وغيره لاتدور بس لاتعبي الكفرات فل
خلهن وسط يعني ثلاثين ممتاز واحرص انك تبدلهن بطريقة عكسية او على شكل مقص


السلام عليكم يخوان انا معاي هيلكس 2008 ابي اركب كفرات خط بس مادري وش الكفر الاعريض ولين وزي الي يركب عليه افيدوني الله يجزاكم خير

غير اليوكوهاما لاتدور بس انتبه من مقاس 225
لانه يضرب بالبدي اذا رقيت المطب او المطناج ((( اسأل مجرب ))
ابوجربوش
07/05/2008, 03:21 PM
الله يجزاكم خير مقصرتو على الشور الطيب وبشركم ركبت دنلوب شكران على تعونكم معي يخوان
الفتكي
07/05/2008, 03:48 PM
عليك في البلون الماكسس 900 - 8 غاط تراه ممتاز للرمل والحصاء والشعبان مافيه اي كلام لكن مايجلس اكثر من سبعه شهور ولا يصلح لصاحب الخطوط لكن الي قلت لك مستحيل احد يسبه أسأل مجرب من سنين
راعي لحاق
07/05/2008, 04:03 PM
دلوب حق الوكاله المضلع
.كبريت.
07/05/2008, 08:00 PM
هانكوك ولا تردد..


دمت بود
فارس سدير 1
10/05/2008, 04:18 AM
مبروك.......
kk999
10/05/2008, 11:48 AM
مشلان الافضل
أقلط
10/05/2008, 11:59 AM
غير الدنلوب .. لاتدور..كفرات لكل الظروف كد ومد

ووكيلها (بن زقر) شارع الضباب وانت متجه شمال قبل مطعم ماما نورة..يسار

وخدمتهم اشهد بالله يحرجونك بطيبهم.. والكفر بـ 500 ريال

وفقك الله