استفسار عن الكلتش

[خالد030]

السلام عليكم ورحمة الله وبركاتة
أنا ودي استفسر عن كلتش الرالي أو الاسترالي
هل هو يركب على الجيب التايوتا الشاص والربع وال Gx وش الفرق بينه وبين الكلتش العادي
وهل يضر السيارة مع مرور الزمن
وكم سعرة
وأين يوجد ولكم الشكر0000

[monsixnet]

_
السلام عليكم ورحمة الله وبركاته

وين اهل الخبره ؟؟؟؟؟؟؟؟؟؟؟؟

26 زائر ولا رد واحد

[خالد030]

ياعالم ردو ماحد عنده علم

[Abu-Reem]

و عليكم السلام ورحمة الله

توكل على الله

تراو طيب و ماهنا اي مشاكل مع الزمن

و قوي بالسحب و الطلوع

الى درجة انك بتسمع زعقته بالخامس

[هويدي]

وعليكم السلام ورحمه الله وبركاته

والله يمدحونه بس الكذب خيبه ما جربته بس حاطه براسي متى مااحترق الكلتش ركبته

والسعر قد سألت عنه قالو فيه انواع كثيره من 2000 الى 3000 تقريباً ماني متأكد بالظبط


تبي تاخذ العلم الاكيد من رجال راعي مرهمات بالرياض وله خبره بهالامور ابرسلك رقمه بالخاص

[ابوفهيدان]

انا من واقع تجربة صاحبي عنده شاص 2003 والكلام هذا بسنته
ركب كلتش مع ديسك امريكي واسمه معروف سنترفورس وهو نوع مشهور لاهل القومات والسباق

والشاص ماصارله حتي سنه وهي تفرط سنون القير
وداه للشركة قالوا بدل القير يالحبييييب ولاتناقش

طلع النوع هذا للسباق ميزته مايفلت عند احتكاك الديسك بالصينيه يعني لاطبق طبق وانا حتي لما جربته تقول كن واحد صادمك من وري لما تعشق بواحد وتحرك ويسبب حمل كبير علي القير واذا تحملها القير تطيح بكبد الدفرنس

تري الكلتش لما يعطب مثل الفيوز يعني لما يعطب ادر انه يضحي علشان مايخرب القير او الدفرنس
وصاحبنا ماشالله عليه من النوع اللي رجله حاره علي الموتر
في انواع للسباق racingو انواع للمهمات الصعبة heavy duty
والنوع العادي street