طرمبة البنزين (أرجو المشاركة لأهل التجربة) [الأرشيف]

مشاهدة النسخة كاملة : طرمبة البنزين (أرجو المشاركة لأهل التجربة)

ساهر الطرف

30/04/2008, 08:19 PM

السلام عليكم ورحمة الله وبركاته
ياشباب قدر الله عليا وخربت طرمبة البنزين اليوم وللعلم هذه ثالت مرررة أغيرها وقريت في المنتدى انه في شباب ولفو عليها طرمبة Vxr وللأسف يا انهم في الرياض او في جده يعني لو بغيت اروح لنفس الورش اللي تكلمو عنها يبغالي مشوار مو هين مع العلم انني رحت لأكثر من ورشة في المدينة أبغى أولف عليها أي طرمبة لو دينمو حق عماير طيبة المهم انني ألاقي واحد يعرف يولف وللأسف الكل يقووول ما أعرف أولف ونصحوني انني اركب وحدة جديدة من الوكالة
طيب الطرمبة كاملة في الوكالة سعرها بـ 950 ريال وقيمتها في العالمية بـ 650 وكلهم إيسي ديلكو
وقيمة القلب الحالة في السوق 250 طبعا الوكالة ما عندها قلب طرمبة لحاله
المهم أنا محتاااار أولف والا وكالة والا ابيع السيارة وأفتك
أتمنى من اللي عنده حل قاطع لطرمبة البنزين انه يعطينا هو وللعلم نوع السيارة سوبر بان شيفروليت موديل 99 وارد أمريكي وهذه كل المعلومات اللي عندي أفيدوني أفادكم الله

ماجدf

30/04/2008, 09:56 PM

السلام عليكم اخي ممكن تقول لي كم مرة غيرت فلتر البنزين الصفاية في سيارتك اكثر تعطل الطرمبة هي الفلتر الصفاية المفروض تغير كل 6شهور اقل شي واما طرمبةvxانت اشتري الطرمبة وسوف تركب بسهولة في العوامة اعط االكهربائي وسوف يركبها ا----اخوك ماجد

Bader-M

30/04/2008, 10:28 PM

السلام عليكم ورحمة الله وبركاتة

................

اذخل هذا الرابط سوف يفيدك

http://www.mekshat.com/vb/showthread.php?t=129820

تحياتي اليك

.أبوعبدالرحمن

30/04/2008, 10:58 PM

اخوي عندك حقت الفي اكس ار من 98 الى 2007

ايضا عندك طرمبة المرسيدس شبح مقاس 500

ومن ناحية التوليف ووين الورش هذا ما عندي علم فيها

Magellan

30/04/2008, 11:16 PM

يا اخي المشكلة إن طرمبة البنزين لها عمر بحدود 100 الف ميل بعدهادايركت تغيرها ومايحتاج تشاور وماتنتظر لين تطفي فيكلو رأيت علامات خربها مثل صعوبة التشغيل والكتمة
وترى كل بالسوق تقليد حتى الإيسيدلكو بعضه تراه صيني
نصيحة لاتبعد عن ديلفيDelphi فهي الحل الناجح وسوف تفتك من المشاكل إبحث عنها
وسعرها غالي لكن تستاهل بحدود الألف ريال
واترك عنك الفي اكس ار والمرسيدس ماتصلح تشتغل فترة وتخرب لتعارضها مع كتاوت الطرمبة تفصل اذا احترت إلا ان لقيت واحد ميكانيكي صح يقدر يولفها ما خذ في الإحتياط توليفها من الكتاوت حتى الطرمبة
الحل حاليا جرب تشيل الكتاوت في علبة الفيوز ثم ترجعها وتشتغل إن شاء الله

وإن شاء الله لي عودة لموضوعك بس الحين مشغول شوي

Magellan

30/04/2008, 11:26 PM

ماتنبهت لموترك إنه قديم شوي فمن حسن حظك إنها رخيصة بحدود 300 ريال
بس هو كم مقاسه 1500 او 2500
الحين مبدأيا غير صفاية البنزين تحت الراكب الخلفي تلقاها وقريبة من الدفرنس شف تشتغل وإلا لا،لأنه ضروري تغيرها كل 60 الف كلم
هذا قلب طرمبة الديلفي تحت
بس لازم تغير المشخال اللي في القديمة أو حتى تشيله
http://www.car-stuff.com/store/images/prodimage/images/WORLDPAC/W01331611766DEL.JPG

وإذا ودك تشوف الأنواع كلها إدخل هذا الرابط شف أنواع واشكال طرمبة البنزين ذات الجودة العالية طبعا بإستثناء صناعة اي سي ديلكو السيئة

http://www.car-stuff.com/store/?N=9873+4294967267+1588+11921+9211

Magellan

01/05/2008, 02:45 AM

رجعنا بعد السمرة آخر الليل، أخوي وراك متضايق الله يهديك عشان طرمبة بنزين يا أخي لو ودك تبيعه تراني شراي:D موترك ورده ، وإذا عرفت مصيبة غيرك هانت عليك مصيبتك ، واحد أعرفه خبط عليه قير سفاري تبترونك موديل 2002 راح للوكالة لقاه بـ23000 بس وأنت متغالي طرمبة بنزين أصلية بحدود 1000 ريال لو عرفت إنها تبي تكد معك على الأقل 4 سنين ماتحسفت ...
ثانيا تبغى الكلام العلمي المدروس وإلا شغل ورش كل من عنده رأي وتكد عليهم من جيبك ،
أولا : ماسئلت نفسك ليش غيرت الطرمبة 3 مرات ، أنا أجزم إن اللي غيرتهن كلهن طرمبات صينية أو معاد تصنيعها أو إنها غير مناسبة لمحرك سيارتك ،
ثانياَ:أسمع وأنا أخوك أبغاك تثقف نفسك بالأمور اللي أبكتبها وأبشكلها على شكل نقاط وإذا عرفتها تبي تصير عندك قصة تغيير طرمبة البنزين من الماضي بس ياخوفي تكمل الناقص وتغيره بنفسك:D

1- تفرق بين الجديدة والمعاد تصنيعه، فعلى سبيل المثال اللي لقيتها بالتوكيلات معاد تصنيعها
2- تفرق بين الأصلية الأمريكية أو الصينية حتى ولو حملت شعار ACDelco فبعضهن يجي مضروب
3- تنتبه لقياس الضغط في الطرمبة الجديدةوالمفروض يكون بين 60psi -64psi ، لذلك الكهربائي الفاهم يفحص ضغط الطرمبة قبل مايغيرها ، يمكن الطرمبة ضغطها ممتاز ويكون البلا من غير الطرمبة،
طيب ماسمعت بعضهم ينصحك يقول لاينزل عداد التانكي عن الربع؟
تدري ليه: الناس مساكين مايدرون إن للطرمبة ضغط فإذا كانت الطرمبة ضغطها ضعيف فإنها ماتقدر ترفع البنزين بسبب قلته فبالتالي كل مازاد مستوى البنزين بدأت تضخ ولو على ضعيف بس إذا نزل المستوى عن حد معين توقفت لضعفها،
طيب المفروض يكون الصحيح إنها ماتصل مستوى E ، ليش لأن الطرمبة ميكانيكية فالشركة حطوها في التانكي عشان أبرد لها ولذلك تصور لو وصلت E فبالتالي ستشفط هواء وتبي تحتر ،نفسها نفس طرمبة المكيف الصحراوي ، خلها نص ساعة بدون ماء وبعد تبي تشوفها محترقة ، ليش لأن الماء يبردها، نفس الحال طرمبة البنزين يبردها البنزين اللي تضخه..
4-تأكد من معدل إرسال الوقود في الدقيقة فالبعض ممكن يرسل 42 جالون في الساعة والبعض 60 جالون حسب نوع المحرك ، لذلك محل قطع الغيار الصحيح يطلب منك رقم الشاسي ليتأكد من نوع المحرك وموديله ،على سبيل المثال في محركات رياضية مجهزة بطرمبات تختلف عنك مثل موديل z71 أو GT
5- أن تكون الطرمبة مجهزة بأدواة لمنع الصدأ والتبخير داخل التانكي

وبالنسبة للأخوان اللي ذكروا إن طرمبة الVXR تركب، فأنا أعرف زميلي ركب VXR على يوكن نفس تصميمك ، لكنها فشلت ، تدري ليه لأن طرمبة اللاندكروزر ضغطها قوي فبالتالي جعل الكتاوت في علبةالفيوز تفصل ويطفى موتره، وش سوى خويي ،كل ماطفت السيارة فيه يشيل الكتاوت ويخليها شوي تبرد ويركبها من جديد وعلى هالحال لين غيرها بأصلي، لذلك لو لقيت كهربائي يولف لها طرمبة لاندكروزر أصلية لابد أن تشترط عليه ضمان يمكن تخرب، ولاحظ لو ركبت جديدة خله يكبس القفيز ترى أي تنسيم يخلي البنزين يرجع ومثل ماقلت لك لاتغير إلا ديلفي جديدة أصلية ومناسبة لنوع محركك وموديله

أخيرا هذا رقم جوال لأحد المتخصصين في الرياض يقال إنه يصلحه بضمان طويل ، أسئله الطريقة ونوع الطرمبة لعله يفيدك أكثر : 0567208725

ساهر الطرف

01/05/2008, 11:30 AM

بسم الله
نورتو الموضووووع يا شباب بمروركم اللي ربي لا يحرمني وأعضاء المنتدى منه وبصراحة إستفدت وبقووة من هالمعلومات الرائعة اللي عندكم وتقبلو مني كل الحب والإحترام .

السلام عليكم اخي ممكن تقول لي كم مرة غيرت فلتر البنزين الصفاية في سيارتك اكثر تعطل الطرمبة هي الفلتر الصفاية المفروض تغير كل 6شهور اقل شي واما طرمبةvxانت اشتري الطرمبة وسوف تركب بسهولة في العوامة اعط االكهربائي وسوف يركبها ا----اخوك ماجد
أخوي ماجد فلتر البنزين والصفاية غيرتها قبل 5 أشهر بالضبط لما خربت الطرمبة آخر مررة .

يا اخي المشكلة إن طرمبة البنزين لها عمر بحدود 100 الف ميل بعدهادايركت تغيرها ومايحتاج تشاور وماتنتظر لين تطفي فيكلو رأيت علامات خربها مثل صعوبة التشغيل والكتمة

وترى كل بالسوق تقليد حتى الإيسيدلكو بعضه تراه صيني

نصيحة لاتبعد عن ديلفيDelphi فهي الحل الناجح وسوف تفتك من المشاكل إبحث عنها

وسعرها غالي لكن تستاهل بحدود الألف ريال

واترك عنك الفي اكس ار والمرسيدس ماتصلح تشتغل فترة وتخرب لتعارضها مع كتاوت الطرمبة تفصل اذا احترت إلا ان لقيت واحد ميكانيكي صح يقدر يولفها ما خذ في الإحتياط توليفها من الكتاوت حتى الطرمبة
الحل حاليا جرب تشيل الكتاوت في علبة الفيوز ثم ترجعها وتشتغل إن شاء الله
وإن شاء الله لي عودة لموضوعك بس الحين مشغول شوي

البلا إني أنا للحين ما مشيت عليها أكثر من 20000 ميل وفوق هذا خربت علي 3 مرات وبالنسبة لـ ديلفيDelphi هل هي أفضل من الوكالة وهل ألاقيها كاملة مع العوامة أو ألاقي القلب لحاله وإيش نصيحتك يا أخي في تركيبها هل أركبها كاملة أو أكتفي بالقلب لحاله وياليت أعررف الكتاوت حقت الطرمبة إيش يكون مكتوب جنبها لأن تعرف علبة الكتاوت فيها كتاوت كثير وما أبي أجربها وحدة وحدة وتقبل مني كثرة الأسئلة ترى أخوك نوووووب في السيارات .

ماتنبهت لموترك إنه قديم شوي فمن حسن حظك إنها رخيصة بحدود 300 ريال

بس هو كم مقاسه 1500 او 2500

الحين مبدأيا غير صفاية البنزين تحت الراكب الخلفي تلقاها وقريبة من الدفرنس شف تشتغل وإلا لا،لأنه ضروري تغيرها كل 60 الف كلم

هذا قلب طرمبة الديلفي تحت

بس لازم تغير المشخال اللي في القديمة أو حتى تشيله
http://www.car-stuff.com/store/images/prodimage/images/WORLDPAC/W01331611766DEL.JPG

وإذا ودك تشوف الأنواع كلها إدخل هذا الرابط شف أنواع واشكال طرمبة البنزين ذات الجودة العالية طبعا بإستثناء صناعة اي سي ديلكو السيئة

http://www.car-stuff.com/store/?N=9873+4294967267+1588+11921+9211

شرفتني مرررة أخرى أخوي Magellan والسعر اللي تكلمت عليه أعتقد انه مبالغ فيه الا اذا كنت تتكلم عن قلب الطرمبة لأنني أمس برمت السوق ولقيتها على 650 كاملة وفي الوكالة بـ 950 أما القلب لقيت إيسي ديلكو بـ 250 ريال وعلى فكررة الموتر مقاس 1500 ملكي أبيض اللون ذهبي من تحت بحالة جيدة للغاية (ربي يحفضه اليوم ودوم) بس للأسف ماني بياع وإدعيلي ربي يعطيني خيره ويكفيني شره

رجعنا بعد السمرة آخر الليل، أخوي وراك متضايق الله يهديك عشان طرمبة بنزين يا أخي لو ودك تبيعه تراني شراي:D موترك ورده ، وإذا عرفت مصيبة غيرك هانت عليك مصيبتك ، واحد أعرفه خبط عليه قير سفاري تبترونك موديل 2002 راح للوكالة لقاه بـ23000 بس وأنت متغالي طرمبة بنزين أصلية بحدود 1000 ريال لو عرفت إنها تبي تكد معك على الأقل 4 سنين ماتحسفت ...

ثانيا تبغى الكلام العلمي المدروس وإلا شغل ورش كل من عنده رأي وتكد عليهم من جيبك ،

أولا : ماسئلت نفسك ليش غيرت الطرمبة 3 مرات ، أنا أجزم إن اللي غيرتهن كلهن طرمبات صينية أو معاد تصنيعها أو إنها غير مناسبة لمحرك سيارتك ،

ثانياَ:أسمع وأنا أخوك أبغاك تثقف نفسك بالأمور اللي أبكتبها وأبشكلها على شكل نقاط وإذا عرفتها تبي تصير عندك قصة تغيير طرمبة البنزين من الماضي بس ياخوفي تكمل الناقص وتغيره بنفسك:D

1- تفرق بين الجديدة والمعاد تصنيعه، فعلى سبيل المثال اللي لقيتها بالتوكيلات معاد تصنيعها

2- تفرق بين الأصلية الأمريكية أو الصينية حتى ولو حملت شعار ACDelco فبعضهن يجي مضروب

3- تنتبه لقياس الضغط في الطرمبة الجديدةوالمفروض يكون بين 60psi -64psi ، لذلك الكهربائي الفاهم يفحص ضغط الطرمبة قبل مايغيرها ، يمكن الطرمبة ضغطها ممتاز ويكون البلا من غير الطرمبة،
طيب ماسمعت بعضهم ينصحك يقول لاينزل عداد التانكي عن الربع؟
تدري ليه: الناس مساكين مايدرون إن للطرمبة ضغط فإذا كانت الطرمبة ضغطها ضعيف فإنها ماتقدر ترفع البنزين بسبب قلته فبالتالي كل مازاد مستوى البنزين بدأت تضخ ولو على ضعيف بس إذا نزل المستوى عن حد معين توقفت لضعفها،
طيب المفروض يكون الصحيح إنها ماتصل مستوى E ، ليش لأن الطرمبة ميكانيكية فالشركة حطوها في التانكي عشان أبرد لها ولذلك تصور لو وصلت E فبالتالي ستشفط هواء وتبي تحتر ،نفسها نفس طرمبة المكيف الصحراوي ، خلها نص ساعة بدون ماء وبعد تبي تشوفها محترقة ، ليش لأن الماء يبردها، نفس الحال طرمبة البنزين يبردها البنزين اللي تضخه..
4-تأكد من معدل إرسال الوقود في الدقيقة فالبعض ممكن يرسل 42 جالون في الساعة والبعض 60 جالون حسب نوع المحرك ، لذلك محل قطع الغيار الصحيح يطلب منك رقم الشاسي ليتأكد من نوع المحرك وموديله ،على سبيل المثال في محركات رياضية مجهزة بطرمبات تختلف عنك مثل موديل z71 أو GT
5- أن تكون الطرمبة مجهزة بأدواة لمنع الصدأ والتبخير داخل التانكي

وبالنسبة للأخوان اللي ذكروا إن طرمبة الVXR تركب، فأنا أعرف زميلي ركب VXR على يوكن نفس تصميمك ، لكنها فشلت ، تدري ليه لأن طرمبة اللاندكروزر ضغطها قوي فبالتالي جعل الكتاوت في علبةالفيوز تفصل ويطفى موتره، وش سوى خويي ،كل ماطفت السيارة فيه يشيل الكتاوت ويخليها شوي تبرد ويركبها من جديد وعلى هالحال لين غيرها بأصلي، لذلك لو لقيت كهربائي يولف لها طرمبة لاندكروزر أصلية لابد أن تشترط عليه ضمان يمكن تخرب، ولاحظ لو ركبت جديدة خله يكبس القفيز ترى أي تنسيم يخلي البنزين يرجع ومثل ماقلت لك لاتغير إلا ديلفي جديدة أصلية ومناسبة لنوع محركك وموديله

أخيرا هذا رقم جوال لأحد المتخصصين في الرياض يقال إنه يصلحه بضمان طويل ، أسئله الطريقة ونوع الطرمبة لعله يفيدك أكثر : 0567208725

وثالت مررة تشرفني بمرورك الرائع وربي لا يحرمنا منك وعسا هالسمرة تتجدد معك دوم ويتسع صدرك فيها

أخوي السالفة ما هي بسالفة إنني متغالي الدراهم والا لأ ماهي هنا المشكلة دامي بحط دراهمي بالموتر مانيب زعلان عليها لكن أبي أفتك من وقفتها المفاجئة الله لا يعيدها علي ولا على مسلم وردك الأخير هذا طبعته بصفحة على شان اقراااه مرة وألف (بالعربي أبي أحفظه لأنني ماني فاهم شي ما قلت لك إنني نوووووب فـ السيارات) وفي بعض النقاط اللي أبي أوضحها

أولا الموتر سوبر بان شيفروليه موديل 99 ملكي أبيض اللون ذهبي من تحت بحالة جيدة وللأسف غير قابل للبيع وإدعي إنه ربي يحفضه لي ويعطيني خيره ويكفيني شرره

ثانيا صدقت يوم قلت إنني أركب طرمبة صينية وأنا لو كنت ضامن ان الطرمبة الأصلية بتعيش معاي ما ركبت غيرها على العموم الثقة الى الآن مهزوزة بالطرمبة سواء أصلي أو تقليد
ثالت شي ضغط الطرمبة ياليتك توضح شوي لأنني ماني عارف كيف طريقة قياسه هل له عداد او ايش بالضبط ياليت تعيد شرح هذه النقطة والتانكيعندي ماينزل عن النص واليا منه قرب ينزل وماعندي دراهم ازيده أوقف السيارة لو إسبوووووع المهم ماينزل عن النص وهذه نصيحة أخذتها من أحد الأخوان وطبقتها بتشدد
رابع شي يعطيك العافية على مواصلتك للموضوع ولا يهون الباقين ويالله إتحفنا بمعلوماتك

ارحبو

01/05/2008, 03:27 PM

اخوي ساهر الطرف

السلام عليكم ورحمة الله وبركاته
الحل عندي وانا اخوك صارت مع واحد من الشباب بكابرس وغير الطرمبه ثلاث مرات وبعدشكواه لي عن المشكلة بدأت البحث عن السبب حيث قمت انا بنفسي بفك التانكي واخراج الطرمبة والعوامة ولقيت المشكلة في الفيش اللي يوصل من قاعدة تثبيت الطرمبه في التانكي والطرمبة وجدته مرتخي ومر يوصل ومر ما يوصل وكل مرة يروح اخونا الى الكهربائي ويقول الطرمبة ما تشتغل لازم تجيب جديده ومع تركيب الطرمبة يفك الفيشة ويركبها وبعد فترة شهرين ثلاثة تعود الفيشة للفصل والتوصيل ويقولون غير طرمبه

فما عليك سوى فك التانكي واخراج الطرمبة والعوامة وفك الفيش وصنفرتها والتأكد من عدم وجود فضاوة في مساكات الفيش واعادتها وبكذا انحلت المشكلة

ونصيحة لاينزل البنزين عن الربع لان الطرمبة يتم تبريدها بالبنزين فاذا خليت البنزين لين يخلص تسسبت في تلف طرمبة البزين خصوصا عند تكرار العملية اكثر من مرة وكذلك الطرمبات الموجودة في السوق غير اصلية ولاتتحمل درجة الحرارة

جرب ورد لي خبر

اخوك ارحبو

ساهر الطرف

01/05/2008, 07:11 PM

^^^
يعطيك العافية على مرورك الرائع
بالنسبة للفيش أنا بغير الطرمبة بالكامل وبغير الفيش معاها

Bader-M

02/05/2008, 01:04 AM

اخوي عندك حقت الفي اكس ار من 98 الى 2007

موجوده

راسلني على الخاص

تحياتي اليك

Magellan

02/05/2008, 02:45 AM

أخوي طاير بالعجة كفى ووفى
ومادام تزهلك فالله يوفقك
بس انتبه... حتى اللاندكروزر في طرمبات صينية بسعر 270 ريال
لكن الأصلية بـ650 ريال .. هذا بس حق قلب الطرمبة
ثم وش هالنصيحة الذهبية اللي يقولك لاينزل على النص
يابن الحلال إذا ركبت طرمبة أصلية من المستحسن أن لاتولع (لمبة إن البنزين فاضي) قبل ماتعبي
ياخي أنا معي شفر ولله الحمد دايم أعبيه وهو قريب يخلص البنزين ولاخالف ولله الحمد
أما لاينزل عن النص فهذي صراحة نكتة ياخوي، ولاهي معقولة ولاتصدق كل مايقال لك
بس أحرص أحرص أحرص على أصلية مهوب عند أي محل في بنقالي تشتري منه ولو عليها علامة أي سي ديلكو، لأنها صينية
ثم ضغط البنزين مايفحصها إلا الكهربائي مهوب أنت ،وعادة إذا كانت خربانة تعطي قراءة (0)
أخيرا حطيت لك رقم الرجال المتخصص في الردي السابق سألته وإلا لا

ساهر الطرف

02/05/2008, 12:06 PM

ألله يعطيكم العافية كفيتو ووفيتو وخلاص أخذت وحدة وفـ ضمة صاحب المحل يقول انها أصلية والله يستر
بس عندي شغلة محيرتني وهي إنني أول مررة خربت الطرمبة وغيرتها صار العداد حق التانكي ينتفض بس يعطيني قراءة صحيحة والحين غيرت الطرمبة كاملة ولعدي زي ما هو ما تغير أرجو الإفادة

ساهر الطرف

02/05/2008, 12:12 PM

الأخ طاير بالعجة ما أقدر أراسلك على الخاص بسبب دنو مشاركاتي تحت الخمسين ياريت تضيفني على الماسنجر
Hossam252@hotmail.com
بس ياليتك تكتب فـ رسالة الإستضافة (طاير بالعجة من منتديات مكشات) لأنني يوميا تجيني إستضافات من ناس غاوية فضاوة وأحذفها
ولك كل الحب والإحتراك لك ولكل من شارك في هذا الموضوووووع ولأعضاء المنتدى عامة

بدوي جنوبي

02/05/2008, 01:33 PM

راجع هالموضوع قد يفيدك
الفزعة يا شباب Gmc (http://www.mekshat.com/vb/showthread.php?t=134801)

بالنسبه للانمبير اذا صار ينتفض عادي
عندي نفس المكشله بعد تغيير الطرمبه

اخي ماجلان بالنسبه للنصيحه الذهبيه
تصدق عاد عندي اذا نزل البنزيم عن النص اسمع صوت الطرمبه
حتي يوصل للنهايه البنزيم ،،،

اذا كان للنص الانمبير وعبيت مثلا ب 10 او 20 يختفي صوتها
ايش تفسير هالكلام ؟

هذا يعني ان الطرمبه تحتاج الي كمية من البنزيم علي اساس تساعد علي تبريدها
لكن اذا بأعبئ بنزيم كل ما وصل النص فهذي نكته مثل ما قلت :D

Magellan

02/05/2008, 09:14 PM

ساهر الأصلي يجي معه ضمان لمدة سنة
اما الأمبير اللي ينتفض فالظاهر دخله جني الفراعنة:D
الله يذكر أيام أول معي نيسان باترول 90 ماكان يشتغل فيه إلا لمبة الطبلون وماشي على البركة وإن أقبلت على التفتيش هديت بدون ما أدري كم السرعة وعداد الحرارة مع البنزين عطلانة

اخي ماجلان بالنسبه للنصيحه الذهبيه
تصدق عاد عندي اذا نزل البنزيم عن النص اسمع صوت الطرمبه
حتي يوصل للنهايه البنزيم ،،،

اذا كان للنص الانمبير وعبيت مثلا ب 10 او 20 يختفي صوتها
ايش تفسير هالكلام ؟

هذا يعني ان الطرمبه تحتاج الي كمية من البنزيم علي اساس تساعد علي تبريدها
لكن اذا بأعبئ بنزيم كل ما وصل النص فهذي نكته مثل ما قلت :D

مسيكين خوينا شكله كل مامر على محطة بطريقه عبى:D بس أهم شيء ياخذ كرتون المناديل الهدية:D

أخوي بدوي جنوبي تبريد الطرمبة يجي من البنزين اللي داخل في جوفها مهوب اللي على حوافها ولذلك الجرم معزول عن البنزين،والصراحة يازين الطرمبات اللي تجي شد بلادها تعيش 5 سنين ومخصصة تمشي 100 الف ميل والصوت تراه يبدولي طبيعي لأني أتوقعه من صوت الصدى في التانكي لأنه إذا بدأ يفضي يطلع الصوت أهم شيء لاتوسوس ويصير قلبك حديد:D
والصراحة شيء يضيق الصدر لأن المشكلة كبيرة والوكيل مايصرّح فيها ويبدولي إن أغلب اللي في السوق مضروبات ،وبالنسبة لي لو قدّر الله وخربت الطرمبة أبطلبها من أمريكا من شركة دلفي وأبشحنها عن طريق أراميكس

بدوي جنوبي

02/05/2008, 11:10 PM

مسيكين خوينا شكله كل مامر على محطة بطريقه عبى:D بس أهم شيء ياخذ كرتون المناديل الهدية:D

أخوي بدوي جنوبي تبريد الطرمبة يجي من البنزين اللي داخل في جوفها مهوب اللي على حوافها ولذلك الجرم معزول عن البنزين،والصراحة يازين الطرمبات اللي تجي شد بلادها تعيش 5 سنين ومخصصة تمشي 100 الف ميل والصوت تراه يبدولي طبيعي لأني أتوقعه من صوت الصدى في التانكي لأنه إذا بدأ يفضي يطلع الصوت أهم شيء لاتوسوس ويصير قلبك حديد:D
والصراحة شيء يضيق الصدر لأن المشكلة كبيرة والوكيل مايصرّح فيها ويبدولي إن أغلب اللي في السوق مضروبات ،وبالنسبة لي لو قدّر الله وخربت الطرمبة أبطلبها من أمريكا من شركة دلفي وأبشحنها عن طريق أراميكس

والله يا اخي انت ذكرت شي مهم

لان هذه الصورة تؤكد مرور البنزين حول الطرمبة
http://www.mekshat.com/pix/upload02/images68/mk32037_44.jpg

وبعد التمعن في الصورة اتضح فعلا ان الطرمبة ما يجي حولها بنزين

لكن تبقي العوامه بأكملها مغمورة في البنزين
فهذا يساعد علي التبريد
انظر
http://www.mekshat.com/pix/upload02/images68/mk32037_444.jpg

بالتوفيق :good:

Mohammad

03/05/2008, 09:43 AM

الاخ ما جلان اصبحت سيارات جى امس تخوف مع مشاكل الطربمه فما هو الحل مع السيارات الجديده وخصوصا اننى اصبحت قلق تخرب عليه وانا على طريق طويل مع العيال !!

ما هو الحل لتجنب هذه المواقف المزعجه وربما الخطيره

وجزاكم الله خيرا على هذا الشرح

Mohammad

03/05/2008, 12:56 PM

اسف اعاده......................

Magellan

03/05/2008, 02:41 PM

أخوي الكريم محمد بالفعل فهناك مشكلة كبيرة في نظام التزويد بالوقود لخط الإنتاج لمحركات 8 سلندر
أعتقد من موديلات 96 وحتى 2001 لكلا الشفروليه والجي ام سي والسبب هو إستخدام نظام scfi لحقن الوقود أما بعد 2001 فتم تغيير حاقن الوقود بنظام mfi المطور والمعدل، طبعا لا أنسى موديل اللعنة وهو 99 فهو كان الأسوء على الإطلاق بسبب مشاكل في نظام الحقن التي تُعزى لطرمبة البنزين التي أصبحت كبش فداء للمشاكل ...
طبعا تم تدارك الأمر أخيرا وأعتقد إن السيارات المزودة بطرمبة بنزين وفلتر بنزين دائم داخل التانكي ولا يحتاج صيانة حل كثير من الخرابات طبعا تلاحظه من موديل 2004 وفوق ...
طبعا أوردت في الصفحة الأولى من هذا الموضوع رقم جوال متخصص في الرياض ستجد الحل عنده إن شاء الله

Mohammad

03/05/2008, 03:13 PM

Magellan

03/05/2008, 09:43 PM

أخوي محمد لايمكنني الحكم على السيارات ذات الموديلات الجديدة بحكم أنها تحت الإختبار ولذلك أعتقد من الصعوبة الحكم عليها، ولكن بحكم معرفتي بالكثير ممن يمتلكون هذه الموديلات فإنهم لايشتكون منها ،وأعتقد أن تغيير مكان التانكي تحت الراكب الأمامي من موديل 2004 وطالع أزال الستار عن مشكلة طرمبة البنزين حيث تم دمج فلتر البنزين وبلف الراجع داخل التانكي مما ساعد في أن يكون المسافة التي يقطعها البنزين للوصول للبخاخ أقصر..
طبعا المشاكل ظهرت بوضوح في موديلي 99 و 2001 بحكم ذوبان التوصيلة الداخلة للطرمبة مما يسبب بما يُعرف بالشورت سيركت أو الدائرة القصيرة ،ويتم حلها بتغيير الأسلاك من الظفيرة إلى الطرمبة بالإضافة لما تكلمت عنه سابقا في هذا الموضوع...

النقطة الثانية وكثير يغفل عنها أن السيارات المصنوعة بالكامل في الولايات المتحدة الأمريكية أكثر جودة من التي تم تجميعها في المكسيك أو كندا ولذلك يمكنك تمييزها برقم الشاسي والذي يبدأبـ 1g وخصوصا من مصنع ديترويت أو تكساس
طبعا هناك شخص متخصص معنا في المنتدى لسيارات جي ام وهو أخونا لن أمل من العطاء لديه ماشاء الله معلومات وافية عن طرازات الجي ام بحكم التخصص