ماهو مدى ضرر القلص على السيارة؟؟؟؟؟؟؟

[.أبوعبدالرحمن]

السلام عليكم ورحمة الله وبركاته


اخواني الافاضل


انا ما عندي سيارة ونيت وانتم كما تخبروون انا اسعار الوانيتات غااااااااااااااااااالية بالحيل



فطرى على بالي فكرة اللي هي اسوي لي قلص حوض اصير احط اغراضي بوسطه


لكن ........


هل اذا حملته تقريبا من 600 الى 800 كيلو يضر الموتر يعني اثناء السحب؟؟؟؟؟؟؟؟؟



فودي لو تتكرمون تعطوني اجابة وااااااااااااااااااااااااااااااافية

[monsixnet]

_

للرفع........

وين اهل الخبره؟

[sameer_1798]

لاتوجد مضرة ولا كن يلزمك تشييك أكثر على السيارة ( تشحيم و ترصيص)

[الخادم]

الغالي
فصلت قلص و طول الصندوق الداخلي 185سم و عرضة 125سم تقريباَ كنت اشيل بداخلة أحياناَ خيميتين باكستانيات عامودين و برميل ماء اسود غير العزبة و الحطب و الفرش و الزوالي وبة توانك ماء تشيل اكثر من 500 لتر
كنت اسحبة لمدة اكثر من 5 سنوات بجيب بترول عادي ثم جيب لاندكروزر جي اكس ار عادي و اخيراَ بجيب لاندكروزر في اكس ار اتوماتيك
و ذهبت فية لمكة وجدة مرتين و للصمان كثثثثثثثثثثثير و للجنوب مرة واحدة غيرها لطعات البر القريب مثل الثمامة و نساح
و لم يحدث طوال المدة اي تغير اطلاقاَ
ارجو اني افدتك

[ابوفهيدان]

اهم شي يكون قير الموتر عادي

اما اذا تماتيك لاتستخدمه بكثرة

[إبن فيصل]

أخوي أبو عبدالرحمن أنا جربت القلص على جيب أتوماتيك شيروكي وحملته ورحت وجيت فيه وما منه خلاف لكن أحرص على أنك تاخذ قلص شغله تمام يعني من ورشة محترفة وما هي من الي أي كلام عشان تاخذ راحتك في الطريق وتمشي من المية الى المية وعشرين...بصراحة القلص حلو لكن عيبه في المواقف وفي عملية الريوس لازم تكون زي سواقين التريلات.

[.أبوعبدالرحمن]

الله يعطيكم العافيه


بالنسبة للسيارات اللي بتستخدم القلص لاندكروزر جي اكس ار قير عادي وباثفندر 2003 قير تماتيك


لكن الباثفندر سيكون اكثر استخدام ومن ناحية السرعة ابد امشي به من 80 الى 100 ماني مسرع عليه ابد

لان استخدامي له في الحي والتنقلات البسيطة لكن دائما انا احمل كثيييييير


بس المشكلة طرحت الموضوع هذا في منتدى صديق وخوفوني

قالوا يمكن يلعب بكراسي المكينة وكراسي البدي وتكسر المساعدات ويروح عليك جنزير المكينة


فوش رايكم ؟؟؟؟؟؟؟؟؟؟؟؟؟؟

[أمير الو د]

لا يارجال ما هنا خوف إن شاء الله

[ممتر البران]

السلاام عليكم
يا ابو عبدالرحمن
اهم شي يكون وزنه محمل يعني وزن القلص+ وزن الحموله = او اقل من قدرة السياره على الجر وهالمعلومه تلقاها عندك بالكتلوج
لا يكون اكثر
والشي الثاني تراه عوار راس بالبر
بتواجه تغاريز وتواجه تعليقات انت بغنى عنها
تحيتي لكم
ابو سعد

[ناوي نيه]

انا ما أشوف اي مشاكل والمصنع ماحطو d1 d2 d3 عبث

[.أبوعبدالرحمن]

يا اخواني مستحيل استخدمه في البر


القلص للتحميييل بس

[هويدي]

عندي قلص صندوق ددسن اشبكه على باترول سلقه امشيبه الى 140 وهو محمل عادي

..... الضرر اتوقع على الكلتش خاصه بالطلعات القويه ونت ما اخذت العزم الكافي )

وطلعت فيه مره للدهنا وبصراحه يبيض الوجه من ناحيه العفش خاصه جراكل المويه والخيمه الخ """""

جامع الثنتين مساحه الددسن وقوة الجيب ولا وصلت العزبه فكه واجدعه جمب الخيمه


وتراه للبيع كانك تبيه يابوعبدالرحمن لا يردك الا الرسايل الخاصه

[.أبوعبدالرحمن]

بيض الله وجيهكم


اخوي هويدي لك رسالة على الخاص

[مايغرز]

انا متعجب شلون مافيه ضرر؟؟ فيه ضرر وضرر كبير بس الاستخدام السليم هو اللي يحكم الامور بس عل المدى الطويل يتاثر طبيعي

[سيف الظفير]

اهم شئ جب النوع الاصلي الفرنســـــــــــــــي ولو انه غالي لكن احسن لك من الرخيص وتجميع الورشااااااااااااات الفرنسي نمشي به على برادو فل كامل 6 سلندر 140 والله وصلنا بة حول 150 ولا تدري ان معك قلص

[liteon]

اهم شئ جب النوع الاصلي الفرنســـــــــــــــي ولو انه غالي لكن احسن لك من الرخيص وتجميع الورشااااااااااااات الفرنسي نمشي به على برادو فل كامل 6 سلندر 140 والله وصلنا بة حول 150 ولا تدري ان معك قلص
وهاذي وين نلقاها الله يوفقك.

[فلاش555]

اهم شئ جب النوع الاصلي الفرنســـــــــــــــي ولو انه غالي لكن احسن لك من الرخيص وتجميع الورشااااااااااااات الفرنسي نمشي به على برادو فل كامل 6 سلندر 140 والله وصلنا بة حول 150 ولا تدري ان معك قلص


السلام عليكم ...
زودنا بمعلومات عن هالسلة الفرنسية لو سمحت ... نكن من الشاكرين

تحياتي