ودي أنسخ على مفتاح سيارتي .. أرجو الإفادة ...

[ولدالهلالية]

السلام عليكم ...

عندي سيارة من نوع قراند ماركيز ، ولا أملك إلا مفتاح واحد بس ، وريموت واحد ...

وأرغب بنسخ المفتاح ، وكذلك الريموت ..

وين المحل الممتاز اللي ممكن إنه يضبط لي هالشغلة ، سواء بالرياض أو القصيم ، علما بأن السيارة استعمال أمريكي .. أفيدوني عن المحل الزين ، ولكم جزيل الشكر ، وعظيم الامتنان ، وبارك الله بالجميع ..

[النادر666]

في الغرابي بالرياض اهم اهل الخبره
او الخدمه الخاصه للفورد بس سعره مبالغ فيه 900 ريال على حسب الكلام اللي وصلني

[نمر بن حثلين]

الريموت مادري عنه

لكن المفتاح الي فيه امان اذكر الوهابي بعنيزة يصلحه

[المحترف800]

بالرياض ... فيه محل بنهاية شارع جرير من غرب يجي على يمينك ...

[برنس الهدد]

نفس كلام اخونا المحترف800
وهذا رقمه0504229504

[ولدالهلالية]

مشكورين وما قصرتوا ..


بس لو حصل تحددون محل يصير مجرب ومعروف ، لأن المحلات واجد بس ابي واحد متخصص بهالامور ، المشكلة فيه برمجة وكمبيوتر وخرابيط ، ولا ودنا يلعبون بالموتر الا واحدن مضمون ..

بيض الله وجيهكم .......

[ولدالهلالية]

مشكور برنس الهدد
مدام رقمه معك أكيد انك مجربه من قبل او تعرف احد راح له

[الوسيطاء]

اخوي اذا تعرف السدحان الي في السلام خله على يمينك واتجه جنوب وتحصل محل على اليمين وهاذا مظمون %%% واليوم جاي من عنده وقصيت على ماستر كي من عنده

[ناصر العدواني]

السلام عليكم
أنا كان عندي فورد ودوختني نفس السالفه
المفتاح الأخوان ماقصروا بس انا دورت بالطائف مكه جده الباحه
مافيه الا تشتري مفتاح من الموكاله ويضبطونه لك
سعره حوالي 300ريال
بالنسبه للريموت غير بطارية الريموت وبس
ما اعتقد يصلحون نسخه للريموت والله اعلم
واذا تبي تريح راسك تغير السلف للسياره وبعدين اي محل تقص عليه مفتاح ويشغل عادي
بس شغل بلاده ازين
والله أعلم
دمتم بود

[الفتكي]

السلام عليكم
شوف اخوي ولد الهلالية اذا انت في بريده فيه محل البرادي في شارع الباخره عند الخياطين وانت نازل متجه شمال مع شارع البارخره للخبيب يجي على يسارك انا نسخ لي مفتاح باترول الكتروني بقيمة 140 ريال وممتاز جدا وانا استعله الى الآن. ارجو اني اني افتدتك

[أسامي]

ياراعي الهلاليه
بعد التقدير والتحية
الوكالة فقط فقط فقط
لي تجارب مريرة
وانت بكيفك

[ولدالهلالية]

أشكركم جميعا وما قصرتوا ياجماعة الخير ...

أخوي الوسيطاء ما قصرت ، والله يعطيك العافية ..


والله العالم إني أبروح للي ببريدة مدام إنك مجربه يالفتكي ، ألف شكر لك ، وإن شاء الله أبروح له خلال هالأسبوع ..

[ولدالهلالية]

أسامي أشكرك على النصيحة ...

بس الوكالة يضربون ضربة بالسعر أضعاف مضاعفة ، وخصوصا إن السيارة كما ذكرت استعمال أمريكي ، وهذا يغيظهم أكثر ....... بارك الله فيك ..

[الفتكي]

السلام عليكم
شوف اخوي ولد الهلالية خله يصلحه على نفس البرمجه حق السياره ولا تخليه يلغيها يركب لك مفتاح الكتروني انا معي له سنه تقريبا من احسن مايكون نفس الاول الكتروني لكن شد البلد خليته عندي اسبيرع علشان السنون حقاته جديده

[ولدالهلالية]

أبشر أبقوله هالكلام ..
مشكور ..