وش رايكم بجيوب الهوندا

[العمده2007]

سؤااال يالنشاما وش رايكم بجيوب الهوندا مالها وماعليها ؟؟؟؟؟؟

[أبورهف]

ما ودي أمر ولا أسلم عليك

ما عندي خلفية عنها

[ابوريما99]

أنت تبي جيب ؟

لاتبعد عن نيسان أو تويوتا

كانك تبي جيب جيب

وكانك تبي نصف جيب
يعني دلع
اشتر جيب هوندا مع العلم بأن الهوندا هي السيارة الوحيدة حالياً
اللي هي وقطع غيارها ياباني ياباني .. مو تجميع او ماشابه ذلك

[الخادم]

الغالي
لم اجربة و لكن اسمع من الناس
وسط البلد سيارة و كذلك بالسفر على السفلت
اما البر فانسى انك راكب جيب يغرز باول طعيس
و الله يكتب لك كل خير و يدلك على مافية خير

[Magellan]

على فكرة هناك نوعين للهوندا واحد صغير وواحد أكبر
ويبدولي نظام التعليق فيه حر ومستقل بالإضافة لنظام الدفع رباعي مستمر والحقيقة طليت في بطنه ولاشفت دفرنسات لأنه يبدولي يعتمد على فريولات،وحتى تلاحظ عكوسه يتحركن لو مشيت خلفه
والموتر يبدولي مريح جدا في الخطوط وداخل المدينة وهذا المهم لأنه يقضي اللزوم ،
لأن صاحب العائلة الصغيرة أغلب وقته داخل المدينة وإن طلع ..حده للثمامة بمعدل لايتجاوز 5 مرات بالسنة فأعتقد إنه مناسب لهالفئة

[ممتر البران]

السلاام عليكم
بالنسبه لل mrv
خذ ولد حسب تجربه نسم له شوي مثله مثل اي جيب
ويمشي
تحيتي لكم
ابو سعد

[khaled99]

ان كانك تقصد الكبير Mrv تراه دفع أمامي والدبل حقه مو مستمر

يعني يشتغل وقت الحاجة..

ما هو مثل جيب تويوتا ونيسان ددبل مستمر

يعني ينفع للي طلعاته للبر على خفيف ويكون يعرف يسوق في الطعوس..

بالتوفيق

[الربذي]

شف اخوي اذا تبي جيب على اسمه عندك
لاند
سفاري
باجيرو
اسيزو

اما هوندا فانها حقت طلعات شاطي وطلعات بالمخطاطات وغيرها يعني نفود انسى لانه الدبل يشتغل كم ثانيه ويفصل واذا احتر مايشبك
يعني اعتبره بدون دبل

[الوايلي100]

السلام عليكم

لادور غير تايوتا او ،نيسان ،،،،،،،،،،،،،،،،،،،،،،،،،،،،وخل عنك الهوندا

ويقول المثل اشتر تبيع

[Abo-ibrahem]

الباجيرو افضل

[سيد النشاما..]

السلاام عليكم
بالنسبه لل mrv
خذ ولد حسب تجربه نسم له شوي مثله مثل اي جيب
ويمشي
تحيتي لكم
ابو سعد

هههه معلومة جيدة الله يخليك
فعلا بعض الناس تدخل الطعس وماتنسم وتلاقيها مغرزة عند أول طعس
لكن ياأخوي ابوسعد جيب عن جيب يفرق ,
_______________
لاتتعدى نيسان , تويوتا يالعمدة 2007

والله يوفقنا وياكم جميعا