صوت غريب في الباثفندر

[Abo Fhad]

اخواني الأعزاء


السلام عليكم ورحمة الله وبركاته

بحمد من الله وفضله علي اشتريت باثفندر 2004 ( بعد معاناه دامة قرابة الشهر من فرقى الجيب الأول 2003 )

والحمد لله الموتر شريت من رجال ونعم شرواكم ومحافظ عليه وصيانته دوريه في الوكاله ماشي 100 الف


لكن في صوت غريب سمعته في جيبي الأول وفي هذا الجديد الى عندي

وهو صوت بعد ما امشي مشاور واكون مسرع واوقف عند محطه او محل واشغل يطلع صوت حنه غريبه شوي وبعدين تختفي .

احد مر عليه مثل هذا الصوت .


وشكراً

[ابوعبدالله678]

اخوي يمكن صوت مروحة التبريد اللي في مقدمة السياره ــ لأنه اذا وقفت تكون السياره حاميه وبعد ما تشغل مره ثانيه تكون الحراره عاليه شوي فتشتغل مروحة تبريد المكيف وبعدين تطفي (( تصير معي باث فايندر 2003))

[Abo Fhad]

اخوي يمكن صوت مروحة التبريد اللي في مقدمة السياره ــ لأنه اذا وقفت تكون السياره حاميه وبعد ما تشغل مره ثانيه تكون الحراره عاليه شوي فتشتغل مروحة تبريد المكيف وبعدين تطفي (( تصير معي باث فايندر 2003))



شاكر لمرورك الكريم

ويبدو ان كلامك منطقي كثير ... لكن الصوت قوي شوي يعني ( كرررررررر وبعدين يوقف ) سامحوني على التعبير لكن ودي اوصل المعلومه ليستفيد الجميع .

في انتظار تجارب الأخرين ... مع ان اكثر من 40% من الأعضاء عندهم او جربوا الباثفندر .

[.أبوعبدالرحمن]

وانا اخوك الصوت هذا عندي اذا مشيت عليه مسافات طويلة او انتهيت من زحمة احد الشوارع وهذي والله اعلم انه صوت مروحة التبريد


وبعدين انت تقول حصلت معي في الباث 2003 والباث 2004 وهذا دليل على انه طبيعي


والله يعطيك خير موترك ويكفيك شره


وان شاء الله يجيك من هو افهم مني في ذا الامور

[المحترف800]

الف مبروك أخوي أبوفهد،،،الله يعطيك خيره ويكفيك شره ...
صوت الحنه هذي مثل صوت حنة الفي أكس أر إذا مشى ...وإلا وشلون ؟؟؟؟؟

[أبو ياسر]

اولاً مبروك الموتر الجديد والله يعطيك من خيره ويكفيك شره

اتمنى منك انك تذكر المشاكل الي واجهتها بالموتر الأول و خلتك تغير الموتر

وهل كانت المشاكل عيب مصنعي او سوء استخدام

[Abo Fhad]

وانا اخوك الصوت هذا عندي اذا مشيت عليه مسافات طويلة او انتهيت من زحمة احد الشوارع وهذي والله اعلم انه صوت مروحة التبريد


وبعدين انت تقول حصلت معي في الباث 2003 والباث 2004 وهذا دليل على انه طبيعي


والله يعطيك خير موترك ويكفيك شره


وان شاء الله يجيك من هو افهم مني في ذا الامور


حياك الله يابوعبدالرحمن

بالنسبه للصوت هذا ما يحصل معي بالضبط .

جزاك الله خير على الدعاء ... ومرورك العطر

[Abo Fhad]

الف مبروك أخوي أبوفهد،،،الله يعطيك خيره ويكفيك شره ...
صوت الحنه هذي مثل صوت حنة الفي أكس أر إذا مشى ...وإلا وشلون ؟؟؟؟؟

حياك الله اخوي المحترف .

بالضبط كنك والله داري يذكرني بموتر كان عند الوالد 99 نفس الحنه بالضبط ....

[Abo Fhad]

اولاً مبروك الموتر الجديد والله يعطيك من خيره ويكفيك شره

اتمنى منك انك تذكر المشاكل الي واجهتها بالموتر الأول و خلتك تغير الموتر

وهل كانت المشاكل عيب مصنعي او سوء استخدام


حياك الله يابوياسر

بالنسبه للسبب البيع هو حب التغيير وغلطه وان شاء الله ما تتكرر ( للأنه بصراحه ما مر علي زي سواقة الباثفندر خفيف طينه ) مع العلم ان الوالد كان عنده في اكس ار 99 والأن في اكس ار 2007 الا ان الباثفندر يعتبر عندي من اخف وافضل سيارات الدفع الرباعي .

موتري الأول كان مزهقني فيه العداد شكله مره بايخ ... اما من 2004 فشكل العداد ليزر يعني يعطيك فخامه .

[الساهر2003]

اخوي ممكن اذا شغلت تنزل مباشرة وقرب راسك عند شبك السيارة
وتاكد من المروحة الكهربائية ممكن عالق فيها ورق واذا طفة وراح الصوت فطبيعي يكون منها
لانه صارة معي وطلع صوت قوي شوي وكان السبب ورقة اسمنت

[بن محفوظ]

لاتهتم اخوي الله يرعاك .... صارت معي مرتين ... لكن مابين شي في الموتر ... يعني لا تهريب زيت او ارتفاع حرارة ..

أهم شي عليك بالتشحيم للسيور والمراوح ..

ولاتنسى تمر على المواضيع السابقة للأعضاء وتتطلع للاستفاده منها ...

والله يعطيك خيره ويكفيك شره ..

[عبدالرحمن 11]

اخوي ابو فهد
هذا صوت تماتيك المروحه وهذا صوت طبيعي

[Abo Fhad]

لاتهتم اخوي الله يرعاك .... صارت معي مرتين ... لكن مابين شي في الموتر ... يعني لا تهريب زيت او ارتفاع حرارة ..

أهم شي عليك بالتشحيم للسيور والمراوح ..

ولاتنسى تمر على المواضيع السابقة للأعضاء وتتطلع للاستفاده منها ...

والله يعطيك خيره ويكفيك شره ..

حياك الله يابن محفوظ

لكن كيف اشحم السيور والمراوح ومن اي مكان بالضبط ( لو تصور يكون افضل )

[Abo Fhad]

اخوي ابو فهد
هذا صوت تماتيك المروحه وهذا صوت طبيعي

لكن فيه حنه قويه شوي ......... ولا تطلع الا جيت من مشوار او طلعت البر وحنيته مع طلعه .

[Abo Fhad]

اخوي ممكن اذا شغلت تنزل مباشرة وقرب راسك عند شبك السيارة
وتاكد من المروحة الكهربائية ممكن عالق فيها ورق واذا طفة وراح الصوت فطبيعي يكون منها
لانه صارة معي وطلع صوت قوي شوي وكان السبب ورقة اسمنت

جزاك الله خير ............ وفي انتظار تجارب الأخوان ..........

[المحترف800]

صباح الخير أبوفهد .. أتوقع أن الصوت طبيعي لانه يطلع معي بعد موتري 2005 إذا جيت من مشوار بعيد أو كنت كارشه شوي ((يعني شاد عليه)) ..
والله يعطيك خيرة ويكفيك شره بس لا تنسى تعطينا دوره ؟؟؟؟

[Abo Fhad]

صباح الخير أبوفهد .. أتوقع أن الصوت طبيعي لانه يطلع معي بعد موتري 2005 إذا جيت من مشوار بعيد أو كنت كارشه شوي ((يعني شاد عليه)) ..
والله يعطيك خيرة ويكفيك شره بس لا تنسى تعطينا دوره ؟؟؟؟

حياك الله يا المحترف

ريحتوني جزاكم الله خير .........

وبعدين يا المحترف وش تبغا بال 2004 تأخذ به فره وانت عندك 2005 والله انك طماع .

الله يعطيك من خيره ويكفيك من شره .