استفسار لأصحاب الـ Fj وخبراء سيارات تايوتا الامريكيه او الخليجيه

[هويدي]

السلام عليكم ورحمه الله وبركاته

مساكم الله بالخير جميعاً

اخوي تسبده تفرك على الاف جي من يوم ما شاف اول صوره له بالنت قبل كم من سنه بس اللي عايقه انه تماتيك

وسته سرندل ( قاعده شيبان عنده التماتيك ما يعرفله الامريكان )


سؤالي يالربع هل فيه اف جي 8 سرندل وقير عادي ؟ سواء امريكي او من احد وكلاء الخليج

والامريكي هل قطع غياره متوفره عندنا ؟


وتكفون يالربع لا تسفهونن حتى لو ما تعرف قل ما اعرف

مشين من الواحد لا شد عزم ونصى موضوعه بالمنتدى ولقى زيارات بدون نص رد :(


ولاهو تنقد عليكم يا اخواني بس مواضيع الفرنكه ما تحرصون عليه ولا بالفزعات والشدايد تبيضون الوجه :good:

[the calm man]

والله يا خوي ما أعرف الله يكون في عونك ويرزقك باللي تبغاه

[النادر666]

بالنسبه اللامريكي ما عندي خبر عنه
اما السعودي والخليجي
ما فيه الا 6 سرندل وتماتيك
ما يجي 8 سرندل ولا عادي القير

[هويدي]

اخواني ولد الحجاز والنادر

جزاكم الله خير ورحم الله والدينا ووالديكم


النادر اغديك تسير علي نتقهوى ونعطي الرجال دوره بموترك يجربه :d <= امزح يستأجر الله لايهينه

ماشاء الله بارك الله

الله يطعمك خيره ويكفيك شره

[النادر666]

الله يجزاك خير اخوي هويدي
وين مكانك بس وانا اجيك

[z a n h o r]

الي اعرفه

ان اخليجي ينزل قير عادي

كاني اذكر احد الاعضاء من الكويت قال انه ينزل عندهم قير عادي 6 تعشيقات ( ترى مش متاكد )

اما الامريكي اكيد ينزل قير عادي

[ولد وايل]

الخليجي اوتماتيك اما الامريكي يقال انه يجي عادي

[هويدي]

الله يجزاك خير اخوي هويدي
وين مكانك بس وانا اجيك

كفو والله تقول وتطول يالنادر بس تراي امزح ياجدي

الي اعرفه

ان اخليجي ينزل قير عادي


كاني اذكر احد الاعضاء من الكويت قال انه ينزل عندهم قير عادي 6 تعشيقات ( ترى مش متاكد )

اما الامريكي اكيد ينزل قير عادي

مشكور يالغالي لمرورك وردك انا والله اني زيك مشكك اني قاري نفس المعلومه اللي تفضلت بها


الخليجي اوتماتيك اما الامريكي يقال انه يجي عادي


هلابك ولد وايل هذا بلا ابوك ياعقاب انه يقال ولاهو قصورٍ بك حشاك بس انا زيك مقيولنلي وبزعت وقلت للرجال يقال وحبيت اتأكد

وابشر بالتوقيع ياجدي بدال المسروق

ارسلي الصوره اللي تبي او الفكره اللي براسك على الخاص


وجزاكم الله خير جميعاً

[MyName]

الـ Fj صناعته ياباني 100% يعني كسرنا قاعدة الشيبان ;)

بالنسبه للخليجي اللي أعرفه مايجينا الا قير أوتوماتيك فقط والعادي بأمريكا وأحياناً يصدر إلى الخليج على حسب ماسمعت ...

وبالنسبه للـ 8 سلندر أقول ريح راسك أنسى تحصله وكاله 8 سلندر حتى بأمريكا إلى إذا كان معدل هذا شي ثاني وبعدين مكينته ماشاء الله تكفي وزياده ولو حبيت تزود القوه فيه عندك خيارات كثيره عند الوكاله من فلتر وهدرز وغيره وكلها على الضمان ...

بالتوفيق أخوي ...

[هويدي]

بيض الله وجهك على المعلومات الكافيه والوافيه


نخدمك بالافراح يابيه

[ولد وايل]

اخوووووي هويدي الف تحيه وتقدير وشكر لك باذن الله براسلك عالخاص

[ظبي]

كان فيه واحد قير عادي في صالة العرض لا بو جميل
انا معي تماتيك وعزمه فوق ما تتصور
يخلي الفتك وفكسار على جنب
اما الثمانيه ما يجي الا امريكي معدل من شركة trd

[هويدي]

ولد وايل الله يحييك بأي وقت يخلفهم

ظبي بيض الله وجهك على المعلومات والله يباركلك بموترك ويطعمك خيره