Bo Rashed
03/12/2003, 04:35 AM
السلام عليكم ورحمة الله وبركاته
خلال رحلة صيد قمت بها مع الشباب في الديوانية رحنا منطقة الخرسانيه شمال الجبيل... وكنا نحدق بالقرب من جزيرة الصدوي او الصداوي وكان الحداق ما شاء الله زين والشعري ما يعطيك فرصة الا وتل عليك الخيط...
بعد فتره حروة ثلاث ساعات تعبت ثلاجاتنا وبدينا نزهق من الشعري ودنا نغير ونصيد شي ثاني... قلنا ليش ما نقط محاياه يمكن يضرب عليها هامور عود...
طلعنا الخيط وكان خيط 120 ومركبين عليه اكبر ميدار قياس 1 وشكينا صافيه من عينها وقطيناها وكان الخيط والبكره مثبتين بالطراد...
طرادنا كان صغير مقاس 14 قدم المونيوم وكنا ثلاثه نفر وسط الطراد وشوي بعد ربع ساعه من قطينا الخيط ما حسينا الا والطراد يهتز بقوه تقول احد يبي يقلبنا
انا طقتني النفاضه وام الركب افكر اقول وش اللي سحبنا هذا شكله الفك المفترس خصوصا وانا كنا صايدين يريور كبير قريب من نفس المكان في الاسبوع اللي قبله
بدت البكره اللي فيها الخيط تدور بسرعه والخيط ينسحب بقوة فقام نوخذانا يبي يسحب الخيط او على الاقل يوقف البكره لكن هيهات...
الرجال ماسك الخيط باقوى ما عنده ولا في فايده الخيط ينسل من يده وهو ما هو قادر يوقفه... قلنا ما بدهاش عاد لازم نسحب كلنا دام السالفه كذا
والله ونقوم ثلاثتنا نسحب وخذ لك عاد سحب وليان يمكن اخذنا حول نص ساعه وحنا نسحب وانا طول الوقت افكر واقول هذا هو الهامور اللي بنكبس عليه الليله...
واخيرا قربت السمكه من الطراد وانا احاول اشوف وش هالسمكه اللي بهالقوه وبالياله سحبناها وحنا ثلاثه
وقبل ما اشوف وش هي تحركت السمكه بسرعه وتضرب الطراد بذيلها بقوة بغت تطيحني بالبحر من قوة الضربه
بس ما عليكم خويكم ذيب فزيت مثل الاسد واطل من الطراد ابي اشوف والا هذاك الهريري اللي اطول من طرادرنا اللي حنا فيه...
تخيلوا طرادنا طوله 14 قدم وهذا الهريري اطول من طرادنا طوله تقريبا 16 قدم...
حنا شفنا كذا قلنا هذا ما نقدر نحطه بالطراد من كبره يا حنا بالطراد يا هو قلنا مبدهاش ما لنا الا نقص الخيط ونخليه يروح عشان نرجع سالمين... وهذا اللي صار
وهذي صورة لنفس نوع السمكه اللي صدناها
http://www.sfdj.com/sand/guitar2.jpg
http://www.underwaterplanet.com/Guitar%20shark.jpg
تحياتي
خلال رحلة صيد قمت بها مع الشباب في الديوانية رحنا منطقة الخرسانيه شمال الجبيل... وكنا نحدق بالقرب من جزيرة الصدوي او الصداوي وكان الحداق ما شاء الله زين والشعري ما يعطيك فرصة الا وتل عليك الخيط...
بعد فتره حروة ثلاث ساعات تعبت ثلاجاتنا وبدينا نزهق من الشعري ودنا نغير ونصيد شي ثاني... قلنا ليش ما نقط محاياه يمكن يضرب عليها هامور عود...
طلعنا الخيط وكان خيط 120 ومركبين عليه اكبر ميدار قياس 1 وشكينا صافيه من عينها وقطيناها وكان الخيط والبكره مثبتين بالطراد...
طرادنا كان صغير مقاس 14 قدم المونيوم وكنا ثلاثه نفر وسط الطراد وشوي بعد ربع ساعه من قطينا الخيط ما حسينا الا والطراد يهتز بقوه تقول احد يبي يقلبنا
انا طقتني النفاضه وام الركب افكر اقول وش اللي سحبنا هذا شكله الفك المفترس خصوصا وانا كنا صايدين يريور كبير قريب من نفس المكان في الاسبوع اللي قبله
بدت البكره اللي فيها الخيط تدور بسرعه والخيط ينسحب بقوة فقام نوخذانا يبي يسحب الخيط او على الاقل يوقف البكره لكن هيهات...
الرجال ماسك الخيط باقوى ما عنده ولا في فايده الخيط ينسل من يده وهو ما هو قادر يوقفه... قلنا ما بدهاش عاد لازم نسحب كلنا دام السالفه كذا
والله ونقوم ثلاثتنا نسحب وخذ لك عاد سحب وليان يمكن اخذنا حول نص ساعه وحنا نسحب وانا طول الوقت افكر واقول هذا هو الهامور اللي بنكبس عليه الليله...
واخيرا قربت السمكه من الطراد وانا احاول اشوف وش هالسمكه اللي بهالقوه وبالياله سحبناها وحنا ثلاثه
وقبل ما اشوف وش هي تحركت السمكه بسرعه وتضرب الطراد بذيلها بقوة بغت تطيحني بالبحر من قوة الضربه
بس ما عليكم خويكم ذيب فزيت مثل الاسد واطل من الطراد ابي اشوف والا هذاك الهريري اللي اطول من طرادرنا اللي حنا فيه...
تخيلوا طرادنا طوله 14 قدم وهذا الهريري اطول من طرادنا طوله تقريبا 16 قدم...
حنا شفنا كذا قلنا هذا ما نقدر نحطه بالطراد من كبره يا حنا بالطراد يا هو قلنا مبدهاش ما لنا الا نقص الخيط ونخليه يروح عشان نرجع سالمين... وهذا اللي صار
وهذي صورة لنفس نوع السمكه اللي صدناها
http://www.sfdj.com/sand/guitar2.jpg
http://www.underwaterplanet.com/Guitar%20shark.jpg
تحياتي