زيت القير والدفرنس هل يغير أو يغلق في الباترول 2002

[تورا بورا]

اختلفت مع صديق لي عنده باترول 2002 قير اتوماتيك فقلت له لازم تغير زيت القير والفلتر وزيت الدفرنس وقال لا يكفي اغلق الناقص
سؤالنا
هل الصواب التغيير أو الاكمال
وكم عدد الكيلوات التقريبية ان كان فيه تغيير

[محسن اليامي]

أنا عندي موديل 2003 وسألت الوكاله هل أزيد زيت القير أو أغيره قالولي لازم تغيره

كل 40 ألف كم هذا بالنسبه لزيت القير

أما زيت الدفرنس ماعمري سمعت أحد بدله الكل يقول تزيده

وسلامتك واتعيش وننتظر باقي الشباب

[أبوعذاب]

أخوي سمعت من مكانيكي وضبت عنده قير أتوماتيك أن زيت القير كل 20000 ألف كيلو لازم يتغير عشان يمشي معك بدون تخبيط.....والله يعلم

[الفتكي]

السلام عليكم
نعم يغير لأنه سؤايل انا اغيره كل 30الف لأن الباترول 2002م فما فوق زيته غير الاول اما الفلتر ما يغير حديد انا اغير كم مره واحس ان الموتر يبدل من احسن مايكون .

[تورا بورا]

شكر الله لكم ولازلنا بانتظار أهل الدفرنس وبقية الخبراء

[بدوي جنوبي]

يا اخ تورا بورا

لا تغير زيت الدفرنس ما يحتاج ابد تغييره
لان الزيت كل ما ابطأ كل ما صار ثقيل وانسب للتروس
مثل دهن العود كل ما تعتق كل ما صار افضل واغلى :D
http://edsphotoblog.com/wp-content/photos/450px/old_shell_oil_barrel.jpg
انا الحين ما اغير زيت سياراتي الا بعد ما تتعدي 5000 كلم :o
وبعض الاحيان اضيف زيت اذا صار ناقص ،،،

وانت الله يجزاك خير تبي تغير زيت الدفرنس :no2:
علي مسئوليتي غلق الزيت اذا نقص ولا يهموك الوكاله
لان همهم الاول والاساسي كيف يطلعوا الريال من جيبك

الله يوفقك :good:

[ممتر البران]

السلام عليكم
بالنسبه للقير الوتوماتك
لازم يغير وراجع كتلوج السياره للمده بالضبط
هو ويا فلتره اذا كان بوسط الفلتر كرتون اما حديد اغسلها ببنزيم ونضفه بالهوا زين لين ينشف
اما الدفرنسات والقير العايدي والدبل تغلقه
تحيتي لكم
ابو سعد

[سنا البارق]

زيت القير والدفرنس العايدي الافضل أن يزاد ولا يغير

[Black VTC]

شف وانا اخوك بالنسبة لزيت الفتك الاتوماتيك ما يغير بس يزاد وكل 40 الف تشيك عليه وسعر اللتر 90 ريال هذا حسب اسعار رمضان الماضي ...

[ابومحمد vtc]

ياشباب انا عندي باترولvtc 2002
كنت ازيد زيت القير بعدها قالي مهندس الزيت خربان مافيه لزوجه غيره افضل لك
هذهي تجربتي واتمنى ان تكون تجربتي مفيده

[Abu Saad]

نصيحة:
خذ كلام الكاتلوج فقط.

[ابوريما99]

فيه ورشة بالصناعيه القديمه اسمها ورشة الحسن .. فيها ميكانيكي اسمه مازن
مختص بالقير .. وعنده عيار الزيت حق القير الباترول فتك ..
وانا رحت له وسبق وان تعاملت معه .. وخذ العلم من راسه
ياتزيد ياتبدل ياماتسوي شي

[مقلع الرمث]

اخواني ابقولكم وش تقول الوكاله تقول لا تغير الزيت وبعض الشباب يقولون غير طيب الزيت اللي يغير ايش نوعه انا رحت لما لمهندس مازن ومحطنا بسعر مااايحتاج تقول وكاله لكن ارخص مافيه المعاير ب 50 ريال انا ابسأل السؤال هل منكم احد يعرف نوع الزيت وانا راح اغيره من القهر كل 10000 الاف بس وش نوعه الوكاله مو راضيه تقولك وش نوعه والورشات يحطلك زيت قير جيب لكزس مع العلم ان نوع القير حق الفتك يختلف مره عن قير الكزس لان الفتك قيره هدروليك ارجوا من الجميع اللي يعرفله احد بالوكاله او شخص يعلمنا وش نوعه ولكم جزيل الشكر وااااسف على الاطاله

[راع الطويلات]

يااخون ابقولكم قصتي مع الزيت كان معي باترول 2002 بعد الباثفندر قالي واحد من الشباب لازم تغير زيت القير لانه تماتيك رحنا لورشة وغيرنا زيت القير و حطنا زيت Bmw كلف تقريبا 450 ريال بعدها الموتر مو مضبوط اصبح مايغير للعادي ابد و يحن يعني تمشي 100 و الكبريشن على 3 بدلامن 2 ومره مايغير ابد ببواحد فقط و مره تقل يبغى دزق وكلتش ضعيف بالرابع و للمعلوميه او ماتشغله احسن شئ بعدين تطفي و تشعل بعد كم مشوار ماحولك احد رحت الى احسن واحد يصلح قيور ببريده ( الشيبان ) يوم فحص على الموتر كمبيوتر قال يبغى حساس الداخلي و لايجي الا مع خارطة القير ب 7000 وانا اللي تضيق بي الدنيا واكره الموتر واتعطل قلت مهنا الانبيع الموتر ونعلم وش به بعنا الموتر بخسارة 6000 ريال بعد سبوعين بعد كارثة الزيت اللي شراءه واحد من الشباب راح به للوكالة قالو وش اللي لقفك تغير زيت القير ( يزاد فقط ) اهم شئ قالو الزيت اللي انت حاط اذا احتمى مايقوم بالواجب وهو السبب و لاحساس و لاغيره غيرو الزيت من عندهم مع الشغل تقربا 800 ريال بدلا من 70000 كنت اباصلحه .

هذه قصتي للاستفاده و عرض التجارب

[h93313]

هذا زيت القير حق الفتك اسمه
Matic j
الوكالة تبيع سطل فيه 20 لتر
بعد الخصم 955

[راعي حلوة]

نصيحه خذها وانا اخوك
إرجع لكتلوج الجيب وإقراء ما يخص زيت الجيربوكس ( فيه كتلوج تلقاه عند محلات القطع ومحلات الصيانه إسمه كتلوج الصيانه غالباً يجي باللغه الإنجليزية ) لأن أفادني أحد الزملاء كان شغال في وكالة نيسان يقول فيه بعض السيارات تغير زيت الجيربوكس وبعضها لا تزيده حسب نوع السيارة وموديلها لذا لا تلعب روح للوكالة أول مره وبعدين إعرف نوع الزيت وكميته وكذالك إسأل عن زيت الدبل وزيت الدفرنسات لأنها تختلف

[ابونبيل]

قير التماتيك يتغير العايدي لا يتغير

[V tc]

زيت القيرالتماتيك للفتك يختلف تمامن عن اي زيت قير ثاني وهوسعره 900تقريبا والفلتر ينضف بس
وهويكلف عندالحمراني1100تقريباويغير كل 60او80

[كومبو]

أنا أغير زيت القير والدفرنس كل 40.000 للتماتيك / 50.000 كلم للعادي

[ابو تمام]

إنتبه أنتبه إنتبه

لا تغير زيت القير الا عند الوكاله الحمراني في الصناعيه القديمه في محطة الدريس

زيت القير يتم تغييره كل 40 الف تقريبا


اعتقد يكلف 300 ريال الفاتوره عندي

أذا جيتهم قبل مايغير الزيت يسجل عداد الكيلو ميترات عشان إذا جيتهم مره ثانيه يعرف كم مشيت