تكفوووووووون عاجل

[ماجد 2002]

أبي أروح للتناجيب ياجماعه من طريق الرياض - رماح - شويه - الرفيعه ومن ثم وين أروح أبي وصف كامل الله يخليكم


ودمتم بصح وسلامه

[راعي الاشعثه]

حياك الله يا ماجد وتراك تامر امر وانا أخوك...


بالنسبة لتناجيب طريقك يا طويل العمر من بعد الرفيعة اتجه إلى القريا العليا وبعدين طال عمرك
تتعدا قريا متجه صوب الشمال كأنك تبي طريق الحفر إذا وصلت طريق الحفر خذ يمين واتجه صوب
النعيرية إلين يجيك كبري النعيرية هينا عندك خيارين اما أنك تواصل إلين كبري طريق ابو حدرية
وهو يبعد عن النعيرية 40 كم.. والخيار الثاني انك تطلع من فوق الكبري لا تدخل النعيرية امسك
طريق الساجي وإذا انك ما تعرف الطريق اسئل محطة البنزين الي عند الكبري..
وإذا تبي نصيحتي خل عنك طريق الساجي لأنه طريق قديم والحين قاعدين يجددونه خلك مع طريق
ابو حدرية إذا وصلت كبري ابو حدرية انزل من الكبري واتجه شمال كأنك رايح الكويت من عند
الكبري 10 كم توصل راس الزور وبعدين 30 كم منطقة اسمها منيفة وعلى ما اعتقد أن تناجيب
تبعد 60 كم من منيفة وهي على نفس الطريق..


أرجو اني كنت واضح بالوصف معك واتمنا أنك توصل بالسلامة.

[الشاطر ماطر]

اتمنى من الاخوان يفيدونك

[ماجد 2002]

راعي الاشعثه


ماقصرت الله يخليك والله أفدتني


الله يعطيك العافيه ياذيبان

[راعي الاشعثه]

يا مرحبا وحياك الله وحنا حاظرين للطيبييييييييييييين