مشكله في قير باثفيندر 2003

[لمع السحاب]

يااهل الخبره السلام عليكم
قدر الله على سيارتي ان اختلط موية الاديتر مع زيت القير قبل 5 شهور تقريباً و لحقت عليه صلح الثلاجه و نظفت القير و غير الزيت والفلتر تقريباً 3 مرات
الا انه في الاونه الاخير احس بعده مشاكل
1ـ يغير النمره عند عداد الضغط رقم 4
2ـ العزم ما هو اللي انا خابره عن اول
3ـ في الخط مسافر وامشي بسرعة 120 او اكثر وابغى اتجاوز سيارة امامي وادعس ما يلقم القير يمشي على سرعته وينطلق بعد مسافه ولا يرجع نمره حتى اذا هديت وبسرعة 60 مثلا وبغيت ادعس ما يرد القير الا احيانا بس يمشى على سرعته ثم ينطلق !!!!

رحت لعده ورش اللي قال حساس القير نغيره لك واذا ما ضبط رجعه ويحتاج توضيب القير
واللي قال ابدا توضيب فقط واللي قال غير ولا توضب
سؤالي لكم ياخواني
هل مر على احد نفس المشكله ؟؟؟
هل المشكله فعلاً من القير ؟لاني بغيت افحص كمبيوتر وقال المهندس اذا ما ولعت لنبه البرتقاليه ما فيه اي شي كهرب او حساسات ابدا
علما انني اسافر عليه بس احس انه منكتم والا يمشي زين وبسرعة الى 160 ك
امل ان اجد عندكم حل ياهل الشور والمعرفه
fofo4000@hotmail.com

[الساهر2003]

السلام عليكم
اخوي اتوقع المشكلة السابقة عندك انتهة ولله الحمد
ولكن بسبب اللي اواجهه معي في الباث 2005 تماتيك خرجة بامور ممكن تضحك على لكن جربها وراح تحس بالفرق الكبير
1- اذا فلتر الهواء والبنزين من زمان ما غيرته فغيره
2- اذا حرارة المكينة ترتفع اكثر من الثلث دايم فحاول تظبطها
3- استخدم زيت اي سي ديلكو للقير 4 لتر اي اربع علب مع التغيير تكون العلبة ب 12 ريال بدون فلتر القير
4 - شيك علة زيت الدفرنس الخلفي والامامي اذا ناقص حاول تزيده مو مره حتى مايفقع عليك الصوف
5- واتوقع انك مغير زيت الدبل بزيت ثقيل ممكن 90 لان زيت الوكاله 60 وهو قليل في السوق واذا انت مركب زيت 140 فغيره الى 90
6- اذا وجه الموتر مرتفع فحاول يكون الخلف ارفع من الوجه .
7- شحم الصلبان كلها ويوجد مشحمة في عامود الدبل .
السالفة عندي تقريبا مثلك كنت من الكسل ما انسم في النفود ومحمل عزب كثيرة واطعس واشد على الموتر واستخدم زيت تايوتا للقير وصار القير لما اتجاوز السيارة مايبدل النمرة ابد واول ما ادعس يرتفع الظغط ثم ينزل مثل سواق اجنبي يتعلم يسوق عادي وعلى هذه الحالة ولله الحمد ظبط بعد التشيكات السابقة وللمعلومية اداء القير مربوط باداء المكينة.
وعطنى خبر وش صار معك
مع اطيب تحية للجميع

[لمع السحاب]

مشكور اخوي على النصيحة بس انا ماسبق ان غيرت زيت الدفرنس ابدا
*اذا فلتر الهواء والبنزين من زمان ما غيرته فغيره ((( بل بالعكس انا اغيرها كل 40 الف ك.
* الحراراة مضبوطة والحمد لله الربع فقط و شوي فوق
* واتوقع انك مغير زيت الدبل بزيت ثقيل ممكن 90 لان زيت الوكاله 60 وهو قليل في السوق واذا انت مركب زيت 140 فغيره الى 90 (( ما سبق ان غيرت زيت الدفرنس ابدا ))
بنجرب ونشوف انشالله والله يجزاك كل خير على الرد

[الساهر2003]

حياك الله اخوي ومقصرين في رد الجميل لاعضاء مكشات الاكارم
وزيت الدفرنس مايحتاج تغيير تاكد منه ممكن يكون ناقص فزيده واذا يوجد فيه ماء بسبب السيول فيجب تغييره
وتاكد من زيت الدبل اذا ناقص كثير فزده بزيت 90 لا يؤثر عليه
وتقريبا انحصرة المشكلة في نوع زيت القير غيره بزيت اي سي ديلكو نصيحة مجرب
ولي رايي خاص في تغيير زيت القير لان الوكالة تقول كل 40000 كيلو ونفس المكسيما كل 40000 كيلو ونفس السعة 4 لتر والجيب اكثر تحمل من سيارة صغيرة ودفع امامي والافضل في نظري انه يغير زيت القير كل 20000 الى 25000 كيلو للحفاظ على كلتشات القير من التأكل
مع اطيب تحية للجميع

[أبرق دمعة]

أخوي لمح السحاب ..

يمكن مشكلتك زي مشكلتي ..
http://www.mekshat.com/vb/showthread.php?t=135664

[لمع السحاب]

بس انا مافيها حرارة وسبق وان عالجت الحراراة قبل سنتين بتسييخ الريديتر وفعلا كان وسخ مرررره ومسكر وضبطت الحرارة في البر والبحر والجو ما فيه مشكله بس المشكلة الرئيسية القير احس انه منحبس العزم مكتوم وما تشعر بقوة المكينة كما في السابق هل هو القير او البخاخات او حساسات البنزين الزيت والسيفون ؟؟؟؟
الله اعلم

[الساهر2003]

اخوي اذا زاد زيت القير عن 4 علب يكون تغييره ثقيل جدا
تاكد من الزيت والوكالة افضل الردي من الورش

[الربذي]

ياناس تلوموني بالقير العادي اما ((الاوتو )) مشاكله اللي مالها حد
جاري ماهو راعي بر سيارته لاند كروزر فاكه وكاله 2005 يوم مشا عليه 100الف ويخبط عليه القير ولد عمي معي بترول اوتو خبط عليه القير اخوي كذلك خبط عليه القير اوتو ايضا0زميلين بالعمل خبط عليهم القيور تماتيك ايضا
الحمد لله سيارتي مشت معي 380الف وقير عادي زي الحلاوه
ولان الباث ماشيه 300الف وعشرة الاف فوقها قير عادي وزي الحلاوه ماشاء الله 0
اما الاوتو مشاكله كثيييييييييييييييييييييييييييييييييييييييييييييييي يييييييرةوايضا سواقته غير ممتعه وثقيله0

[Magellan]

أخي العزيز أعتقد ما ذكره الأخوان هو من قبيل الصيانة الدورية
لكن بعض الأحيان يكون الحنّة من حساس الهواء وهو Mass Air Flow وتجده بالخرطوش الواصل بين فلتر الهواء واللهات(منظم الهواء اللي يدخل للثلاجة)
قد تضطر لتغيير المنظم واللذي يسمى مخ القير ،،لكن ما أدري حسب الفحص
أما ماقاله الفني أنك لاتحتاج لفحص كمبيوتر فهو من قبيل الغباء الذي يتصف فيه بعض الدُخلاء على المهنة
بالنسبة للكتمة فهي أعراض طرمبة بنزين وتحتاج للتغيير ...
طبعاً هذا رأيي وليس بالضرورة يعتبر تشخيصاً