..::مشكلة في قير الباثفانيدر أتوماتيك ::.. ؟؟

[أبرق دمعة]

بسم الله الرحمن الرحيم ..
أعزائي أعضاء وزوار مكشات ..
اتمنى ان يكون الجميع بخير وصحة وعافية ..
بإختصار ..
الموضوع ومافيه أنه عندي بالباثفندر 2005 مشكله في القير اللي هي ..
لمن يحتمي الموتر في النفود أو إذا كنت حابسه نمره D2أو D1 وارتفعت الحرارة
بعدها ما يمشي الموتر .. أدعس بنزين ويرتفع الأبنص إلى 3 ثم يبدأ بالحركة شوي شوي ..
كأنه يمشي بالترس الرابع ..
بالعربي المشكله زي إذا خرب الكلتش في القير العادي (يالله يمشي )
وإذا برد الموتر بعد ربع ساعه رجع الوضع طبيعي ..
أنا توقعت انه فحمه للكلتش ..
لكن أكثر من شخص قالي هذا كمبيوتر أو حساسات القير .. وهو الأجدر والأكيد ..

فياليت اللي عنده خلفيه عن مثل هالموضوع يفيدني
أو اللي مر بهالمشكله لا يبخل علينا ..
شاكرين لكم ومقدرين حسن تعاملكم ..


أخوكم .. أبــــــرق دمـعـــة ،،

[رقبة حاشي]

اتوقع والله اعلم انه هذا الشيء طبيعي لحماية القير من الحرارة الشديده ولكي لا يتلف القير وانا اشوفه شيء طيب ... لاطالة عمر القير....
ويمكن الاخوان اللي جربوا يفيدون اكثر .......وسلامتكم ،،،

[متعب القويعي]

شيك على القير
وعلى زيتة
وغير فلترة
ترى القير مثل ماتقول ((القلب))أذا هو فية خراب مشكلة
بس أنا نصيحتي لك انك تشيك علية عند الميكانيكي لاتخلية

[xahmaedx]

اعتقد انه اذا ارتفعت حرارة القير تصير هذي الحركات

[انفنتي]

بعد التحية والسلام

اخوي برق دمعة :

كانت معي مشكلة مشابهة لمشكلتك وهو اني معي جيب انفنتي موديل 2002 "قير اتوماتيك" بعد السفر لمسافة طويلة وتهدئة السرعة او الوقوف و تحرك مباشرة يطفي الموتر او ينتع او يشتغل ولكن دون تحرك

ولكن دخلتها للوكالة ولم احصل نتيجة منهم
ولكن بعد المشاورة مع عدد من الورش كان الاشتباه بين الحساس او طرمبة البنزين لذا قررت تغير طرمبة البنزين بالوكالة وكان تغير موفق ولله الحمد حيث سافرت ولم تحدث المشكلة

امل انك استفدت من تجربتي وان تجد حل لمشكلتك

[أبرق دمعة]

اتوقع والله اعلم انه هذا الشيء طبيعي لحماية القير من الحرارة الشديده ولكي لا يتلف القير وانا اشوفه شيء طيب ... لاطالة عمر القير....
ويمكن الاخوان اللي جربوا يفيدون اكثر .......وسلامتكم ،،،

مشكور عالمشاركة أخوي ..
وهذا شي غير طبيعي بالنسبة للموتر ..
مودتي..

[أبرق دمعة]

شيك على القير
وعلى زيتة
وغير فلترة
ترى القير مثل ماتقول ((القلب))أذا هو فية خراب مشكلة
بس أنا نصيحتي لك انك تشيك علية عند الميكانيكي لاتخلية

هلا بك أخوي ..
بالنسبة للتشيك فأنا مغير الزيت والفلتر قبل تقريباً 7 أو 6 شهور ..
والمشكله هذي ما لها ألا شهر تقريباً ..
وأنا ما اعتقد أن المشكله مكانيكيه ..
لأني كلمت الوكالة وقالي هذي مشكلة كهرباء وكمبيوتر وحساسات ..
.. عالعموم مشكور يالذيب ..

[أبرق دمعة]

اعتقد انه اذا ارتفعت حرارة القير تصير هذي الحركات

هلا بك أخوي ..

أنا ما اعتقد أنه كذا ..
الموتر معي من سنتين ولا قد واجهت هالشيء هذا ..
يعني فيه مشكله ... بس ما ادري بالظبط وش هي ..

مشكور يالحبيب ..

[ابوفهيدان]

السلام عليكم
اخي ابرق الدمعه
هاذي المشكلة في جميع سيارات نيسان سواء جيب او صالون او غيره
وهذا نظام الكلتش الكهربائي بدت تصنعه نيسان من سنة 1998
واذا حصل معك طف الموتر وشغله ويرجع الوضع طبيعي
واهم اسبابه لما تغير من d الي d2 او d1 وانت ماشي
او لما تعشق القير من الd الي r وانت للحين ماوقفت
او لما تبدل الاوضاع بدون بريك
والكلتش هذا جدا حساس ومرات يستمر معك الخراب ويطلع صوت بالموتر وماينفع الا التبديل او التوظيب للقير
بالعربي لاتجرش الموتر وتزور عليه خل رجلك خفيفة

[أبرق دمعة]

بعد التحية والسلام

اخوي برق دمعة :

كانت معي مشكلة مشابهة لمشكلتك وهو اني معي جيب انفنتي موديل 2002 "قير اتوماتيك" بعد السفر لمسافة طويلة وتهدئة السرعة او الوقوف و تحرك مباشرة يطفي الموتر او ينتع او يشتغل ولكن دون تحرك

ولكن دخلتها للوكالة ولم احصل نتيجة منهم
ولكن بعد المشاورة مع عدد من الورش كان الاشتباه بين الحساس او طرمبة البنزين لذا قررت تغير طرمبة البنزين بالوكالة وكان تغير موفق ولله الحمد حيث سافرت ولم تحدث المشكلة

امل انك استفدت من تجربتي وان تجد حل لمشكلتك


ياهلابك يالغلا ..
أخوي مدامك تقول أنه يطفى موترك .. هذي مشكله ثانيه ..
أنا ما يطفى الموتر بيتل شغال .. بس ما يمشي ..
اعشق الدبل الخفيف يمشي شوي .. اعشق الثقيل يمشي أكثر .. ..
لكن أحتمال زي ما قالولك أنه الحساس لأن الطرمبه سليمه عندي ..

ولك كل التحايا العطره ..

[أبرق دمعة]

السلام عليكم
اخي ابرق الدمعه
هاذي المشكلة في جميع سيارات نيسان سواء جيب او صالون او غيره
وهذا نظام الكلتش الكهربائي بدت تصنعه نيسان من سنة 1998
واذا حصل معك طف الموتر وشغله ويرجع الوضع طبيعي
واهم اسبابه لما تغير من d الي d2 او d1 وانت ماشي
او لما تعشق القير من الd الي r وانت للحين ماوقفت
او لما تبدل الاوضاع بدون بريك
والكلتش هذا جدا حساس ومرات يستمر معك الخراب ويطلع صوت بالموتر وماينفع الا التبديل او التوظيب للقير
بالعربي لاتجرش الموتر وتزور عليه خل رجلك خفيفة

أبو فهيدان الله يطول بعمرك ..
ماقصرت أخوي ..
بالنسبه لي ما يرجع الوضع طبيعي إلا إذا برد الموتر .. سواء هو طافي أو مشتغل ..
والله يستر بس إذا قالو غير القير كله ,,
مشكور ياخوي وما قصرت

[لمع السحاب]

ابرق دمعة
تسلم على الرد
اطلعت على موضوعك بس فيه فرق ان الحرارة عندي ما فيها شي وسبق ان سيخت الاديتر وسلكت الامور ولله الحمد بس انا خايف من كلام المهندس انه توضيف لاني والله ما احس باي مشكلة في المشي بسرعة او غيره الا بس عزم السيارة ما يرد النمرة فبسوي التجربه اللي قالي المهندس اني اركب الحساس او المنضم حق القير ب800 ريال وان ما نفع ارجعه وياخذ 150 ريال \
نرجو من يقرا الموضوع وسبق ان حصل له الأمر يرد
تقبل تحياتي لـــــــــمع السحاب

[بن محفوظ]

من كلامك و كلام الاخوان افهم ان المشكلة مقصوده من التصنيع للحفاظ على
عمر القير و تنبيه لعدم بذل المزيد ..

[لمع السحاب]

كلام غير منطقي ولا تواخذني بهالكلمة
لانه ما سبق ان تكررت مثل هالمشكله في سيارات الباث من انه اذا ارتفعت الحرارة توقف السيارة الا ان فيه خلل
سبق وان وصلت الحرارة فيه اكثر من النص ما طفت معي بس يمكن ان فيه مشكله في طرنبة البنزين والله اعلم

[أبرق دمعة]

ابرق دمعة
تسلم على الرد
اطلعت على موضوعك بس فيه فرق ان الحرارة عندي ما فيها شي وسبق ان سيخت الاديتر وسلكت الامور ولله الحمد بس انا خايف من كلام المهندس انه توضيف لاني والله ما احس باي مشكلة في المشي بسرعة او غيره الا بس عزم السيارة ما يرد النمرة فبسوي التجربه اللي قالي المهندس اني اركب الحساس او المنضم حق القير ب800 ريال وان ما نفع ارجعه وياخذ 150 ريال \
نرجو من يقرا الموضوع وسبق ان حصل له الأمر يرد
تقبل تحياتي لـــــــــمع السحاب


هلا بك يالغلا ..
أخوي لمح السحاب ..أنا كلمت الوكالة وقالي أبفحص لك الموتر إن شاء الله وأشوف وشـ المشكله ..
والمهندس يقول أن هذي مشكله كهربائية .. تتعلق بالكمبيوتر أو الحساس ..
ربي يعين ويوفق الجميع ..
ننتظر من الجميع آرائهم ..

[أبرق دمعة]

من كلامك و كلام الاخوان افهم ان المشكلة مقصوده من التصنيع للحفاظ على
عمر القير و تنبيه لعدم بذل المزيد ..

أخوي بن محفوظ ..
ما قصرت على المشاركة ..
وأنا أعتقد أن لو كان المصنع بدرجه كبيره من الغباء .. لم يضع هذه الخاصيه أوالميزه على كلام بعض الشباب..
و إلا ما فائدة الطبلون وإشارات التحذير والأجراس وغيرها ..
لعلمك أن الباث يوجد فيه لمبة تحذير عند وجود خلل في القير .. وهذه لم تظهر عندي ولله الحمد ..
أخي .. هذه المشكله لم تكن موجوده عندي ولم تظهر إلى قبل شهر تقريباً ..
عالعموم أشكرك من اعماقي على ردك الكريم ..
تحيتي لك ،،