افيدوني الله لا يهينكم الرجاء المساعدة

[بنــي زيــد]

السلام عليكم و رحمة الله و بركاتة
مساكم الله بالخير
ياجماعة الخير انا عندي ددسن 88 منطول عند الباب ما يتحرك لان فيه مشكله في المكينة اذا مشيت عليه مسافة هرب زيت بالاضافة الى انه اربع نمر يعني( 4نقل )نصحني واحد من الشباب اركب له مكينة سدرك بقيرها بحدود2800 الى3000 بصراحة دخلها براسي مع العلم انه موتر اضافي
وان كانه كل يوم و الثاني في الورشة وش الفايدة اخليه على حالته ازين لي
يا اهل الخبرة نبي رايكم
ابودحيم في حاجتكم

[موادع الشرقيه]

والله ودي افيدك
بس ما عندي علم
ان شاء الله الاعضاء يفيدونك

[ابوعقل]

اذا لقيت واحد يطبق المكينه صح

ركب

اما اذا مالقيت خله على حاله

وتلقا ناس يمدحون المكينه وناس يقولون فاشله

كل واحد والمحل اللي مركبه عنده

[escape_man]

الفكرة مجربة وممتازة

لكن ركب عند واحد معروف لانه احتمال تظهر عقبها مشاكل واذا الميكانيكي مو متمرس راح يرمي موترك بالشارع وخذ حقك منه هذيك الساعة..

[بنــي زيــد]

موادع الشرقية
شرفني مرورك
ابوعقل
يعطيك الف عافبة ما قصرت
بن غييثات
عاد وين نلقى المتمرس ومشكور و الله لايهينك

في انتظار ارائكم و و نصايحكم

[شعيب المسمى]

رايي انك توضب اللي عندك قطع وكالة كانها 2400 وام لوها 2000 دور 2400 نظيف لك وللزمن واترك وجع الراس والخساير وانتبه تاخذ من اليابانيات

[كحيلان 11]

انا من رايي يا الغالي

انك تتوكل على الله وتغير مكينتها

ترا فيهناس مجربينها

بس على قولة الشباب رح لمكنيكيين مختصين في الترهيم

[ممتر البران]

السلام عليكم
يا ابن الحلال وكلام الاخوان على متمه
الترهيم ما يظبط لو تحب الخضيرا الا ان كانك بتدفع فيه الا بكره وبرضه بيطلع مشاكل وفيه كم موضوع بالخيمه تتكلم عن تركيب مكينة السدرك وفيه ناس يتشكون
لكن نصيحه رح لتشاليح الياباني وطق لك مكينه يابانيه مجدده كامله مكمله لا وراكبه في موترك ومضمونه وياخذون الرجيع طبعا
بالف وخمس
وريح بالك
تحيتي لكم
ابو سعد

[سطام vip]

السلام عليكم ورحمة الله وبركاته

اخوي بلا ترهيم بلا خرابيط نصيحه لوجه الله تعالى

يا تركب مكينه ددسن خمسه نقل والا توضيب لمكينته الاصليه

اليوم كرهت شي اسمه ترهيم بسبب مراوح الكهرباء فما بالك بمكينه وقير

المهندسين يرفعون الضغط ولا فيه ذمه

خلها على طبيعتها احسن لك

والله يكتب الي فيه الخير لك وللجميع

هذا رائيي ودمت بخير

[4w4]

مانصحك بالتوليف خلها على شد بلدهاوضبها او غير لها نفس الماكينه وغير القير من التشليح على شرط نفس الموديل والحجم حقت بلدهالان التوليف وجع راس عن تجربه وانا اخوك .

[بنــي زيــد]

شعيب المسمى
كحيلان11
ممتر البران
سطامvip
4w4
مشكورين وما قصرتوا و الظاهراني ابستخير و ابيعة و الشكوى لله