المساعد الشخصي الرقمي

مشاهدة النسخة كاملة : طلب مستعجل و ضروري


Democratic
05/05/2008, 03:01 AM
ممكن من الأخوه الأعضاء يدلوني وين ممكن أحصل مقاعد جيب ربع خليجي و تكون نظيفة و اسعارها . ويعطيكم العافية.
الزنون
05/05/2008, 07:58 AM
السلام عليكم ورحمة الله وبركاته
حبيبي الجيب تويوتا والا نيسان
اذا كان ربع تويوتا فخابر عند ورشة في بريدة عنده جيوب جديدة 2006الى2008 مصدومة وفيه عنده كذلك مراتب عرض
الورشه هذي موقعها في التشليح واسمها بهوان
اتمنا اني افدك وتحياتي لك وان كانك تبيني اروح لهم واسال فيوم الخميس اكون انا في بريدة امرهم واسال بس عطني خبر0
ابوعبدالله678
05/05/2008, 08:59 PM
التشليح اللي
ابوعبدالله678
05/05/2008, 09:00 PM
التشليح اللي في الحاير او الصناعيه القديمه
روافد
05/05/2008, 11:03 PM
اخوي التشلح مليان
Democratic
05/05/2008, 11:21 PM
اخواني: الزنون , sa1388,روافد يعطيكم الف عافية ما قصرتوا.
اخوي الزنون بنثقل عليك لكن ماعليك امر اذا مريتهم شف لي الاسعار وممكن اركبها على السعودي (مقاعد متقابله ورا) ويسلموا.
الزنون
06/05/2008, 08:06 AM
السلام عليكم ورحمة الله وبركاته
اخويsa1388 انا اقصد التشليح اللي في بريدة
وتحياتي لك اخوي Democratic مافيه اي تثقيل ولا شي انا الحين بالرياض وماشي بكرا للقصيم وراح امرهم واستفسرلك عن كل شي واللي خابره ان المرتبة العرض يركبونها على السعودي والخليجي يعني يحولونه من مراتب متقابله لمرتبة واحدة عرض ونا كنت قبل شهر عندهم وعرض علي تركيب المرتبه قال تراها موجودة بس انا ماتصلحلي0
ومادري انت تبي تغير المراتب كلها والا بس اللي بالخلف؟
Democratic
07/05/2008, 02:28 AM
يعطيك العافية اخوي الزنون. اذا غيرت الي بالخلف لازم اغير الي قدام؟ نبي مشورتك يالطيب واعذرني اخوي للتأخر بالرد لان دخولي النت قليل هذه الفترة بسب ظروف العمل.
ولك جزيل الشكر.
الجنادرية2020
07/05/2008, 02:44 AM
اخي العزيز اعتقد انك اذا غيرت المقاعد الي ورا لازم بعد تغير الي قدام علشان تقدر تميل المقاعد علشان يقدر الواحد يركب من قدام ولا ماهو كذا ياأخوان الي عندهم خبرة ممكن يفيدونك ياالطيب
الزنون
07/05/2008, 08:11 AM
حبيبي
ان الله كتب وامر فالرد بيجيك يوم الخميس باذن الله0 انا راح اسال صاحب الورشة عن كل شي وعن السعر وهل يلزم تغيير المرتبه الامامية او لا وكذلك هل يحتاج تغيير الديكور الداخلي الخلفي من شان حزام الامان او مايحتاج0
ويالله يكون باقيات عنده اخاف قد راحت بس
وتحياتي لك وللجميع
Democratic
08/05/2008, 05:33 AM
يعطيك ألف عافية يا اخوي.
الزنون
08/05/2008, 07:46 PM
مساء الخيري يا Democratic
استفسرت لك عن المرتبة العرض ويقول نركبها لك من دون ما تغير الامامية لان سعر المرتبة الامامية فوق 2000 ربال 0
ويقول المرتبة الخلفية موجودة وسعرها مع التركيب 900 ريال وباقي عنده ثنتين فقط اما الاماميات ماعنده شي منها 0
واي شي تبيه انا مستعد اخوي هذا رقمي 0555099097
وان كان تبي موقع الورشة هي بالتشاليح مقابل تشليح العجلان ومحطة النزين واسم الورشة بهوان
اتمنا اني خدمتك اخوي وتحياتي لك0
Democratic
10/05/2008, 05:10 AM
ماقصرت اخوي يعطيك العافية ولابد مايكون بينا تواصل.
الزنون
13/05/2008, 12:14 PM
مرحبا اخوي Democratic
وحياك الله في اي وقت
وتحياتي لك