المساعد الشخصي الرقمي

مشاهدة النسخة كاملة : افضل ماطور هواء ؟


خيال الكحيله
05/05/2008, 01:05 PM
بسم الله ..
السلام عليكم ..
يا اخوان وش افضل ماطور هواء
ووين اركبه فيه
ملاحظه :
تراي عليمي
ودمتم بخير ...
KOZAM
05/05/2008, 01:43 PM
قبل شوي شريت ماطور Saca..
2 سلندر..
من المستقبل بالبدائع بـ 170 ريال..

شريته لأني شفت واحد من الشباب بالمنتدى مركبه ويمدحه..
ومن ناحية التركيب.. بصراحة أنا أشوف إن أسعار التركيب غالية..
ولا أحتاج أركبه بالموتر..

تحيتي
ممتر البران
05/05/2008, 03:36 PM
السلاام عليكم
الا كانت الدراهم متوفره خذ ماطور اي ار بي
تلقاه عند الرمايه ب 980
ولا خذ لك ابو جمل الاسلي ب 230
تحيتي لكم
ابو سعد
الفتكي
05/05/2008, 04:21 PM
السلام عليكم
اذا مايهمك الفلوس زود شوي وخذ ماطور لا يعلى عليه عند محل التويجري في الرياض شارع الريل بقيمة 1200 ريال ايطالي لايحتمي ولا شي لانه فيه مروحه شد البلد حتى لو تعبي اربع سيارات مافيه مشكله واذا تبي تجرب المواطير جربها على كفرات البالون وتبين لك الحقيقه.
الخادم
05/05/2008, 04:57 PM
اخوي
لا تطلع عن ماطور ابو جمل الاصلي
و ان ركبتة بالكبوت احسن
لانة مع العفش اما تنساة او يتسلفة منك احد و لا يردة
ابا الأفلح
05/05/2008, 08:11 PM
انا اشوف ان ماطور الهواء السفاري القديم الاصلي (فيه زيه تقليد)عملي وسريع ---
ناوي نيه
05/05/2008, 10:06 PM
انا معي ابو جمل وممتاز وسعره حدو 270 الاصلي تبي تعرف انه اصلي
تشوف علي زي الختم مكتوب عليه وارد الشراع ورقمهم


تحياتي....
مرعش هدب
05/05/2008, 10:32 PM
هلا بك اخوي خيال الكحيلة
زد الدراهم وطق لك الاسترالي
قيمته بحدود 900 رخص كان فوق الالف
معرووف بقوته ...
خيال الكحيله
06/05/2008, 12:09 AM
السلام عليكم ..
شاكر لكم يا اخوان على المعلومات
بس ابوجمل وين يباع ؟
والماطور الاسترالي وين يباع ؟
انا صراحه ماعندي مشكله لو يصير غالي شوي بس ابي واحد يبرد الكبد
ولايحتر وسريع ..
بيض الله وجيهكم يا اخوان عز الله انكم ما قصرتوا
..: ابو يوسف :..
06/05/2008, 12:42 AM
السلام عليكم ورحمة الله وبركاتة

نصيحة لك يالغالي لوجة الله

اشتر ابوجمل الاصلي وتاكد من الاستيكر( الاصلي)

اسعارة من 270 الى 290

وادع على من ظلمك

له معي الحين 3 سنوات كرفته كرف والى الآن ماشاء الله تبارك الله

ولا هوب انا بس لحالي كل ربعي 99% منهم معهم ابوجمل

واذا تبي ترتاح بعد خذله لي طويل مثل حق البناشر من عند شارع الريل او الرين وركبلة الي تكبس ونم

وترا احد الاخوان الله يجزاه خير كان حاط موضوع مقارنة مابين مواطير الهوا ابحث عنه واحكم بنفسك

اتمنى اني افدتكـ
ممتر البران
06/05/2008, 12:54 AM
الظاهر انك عجل بالقرايه الاسترالي هو اي ار بي راجع الردود يا اخي
تحيتي لكم
ابو سعد