استفسار عن لاندكروزر وارد( البازعي)

[الصبيطي]

السلام عليكم ياشباب مكشات
انا انشاء الله ناوي اشتري جيكسار 2007 فل كامل وابي وارد (البريمي) وحصلت رجال عنده جيكسار 2007 فل كامل ونظيف جداااا بس وارد (البازعي) وراعيه يقول البازعي يجيب اللاندكروزر من البريمي ما مصداقية المعلومه .
هل البازعي وارد البريمي وهل تنصحوني اشتريه لاني ما ودي بالسعودي وياليت اللي عنده معلومات عن وارد (البازعي) يفيدني:(

[z a n h o r]

هين البازعي هو خليجي

لكن هل هو بريمي الله اعلم

سمعت انه يطلب المواتر بمواصفاته عن طريق عمان لكن الله اعلم

[شاص&نص]

البازعي و أنا أخوك مواتره وارد قطر و لو قالو أنه بريمي و هذا شي أنا متأكد منه

لكنه ما يقلل من قيمت سياراته فهي مثل البريمي

أخوك أبو عبدالكريم

[سيف الظفير]

السلام عليكم ياشباب مكشات
انا انشاء الله ناوي اشتري جيكسار 2007 فل كامل وابي وارد (البريمي) وحصلت رجال عنده جيكسار 2007 فل كامل ونظيف جداااا بس وارد (البازعي) وراعيه يقول البازعي يجيب اللاندكروزر من البريمي ما مصداقية المعلومه .
هل البازعي وارد البريمي وهل تنصحوني اشتريه لاني ما ودي بالسعودي وياليت اللي عنده معلومات عن وارد (البازعي) يفيدني:(


يا الذيب هذاك اول يوم كان البازعي يورد من قطر ويجيب جيوب يابانية اصلية

اما هالحين البازعي موزع لعبداللطيف جميل

[خالد77]

البازعي موتر بمواصفات الخليجي بشكل عام وهذا بحد ذاته يكفيك لأن أهم شي عندك - كما ذكرت - ماتبي السعودي وأبشرك البازعي لايمت بصلة لعبداللطيف ذو المواصفات الخايسة وعلى كذا اشتره وتوكل على الله لكن أهم شي لاتنسى الاستخارة وتقبل مروري ...

[الصبيطي]

شكرا للجميع على الرد
بس انا سمعت انى البريمي 2007 يجي سيت السواق كهرب وانواره زنون وشبكه الامامي من التشكيله الجديدة مثل اللي عند اليحى اما موتر الرجال وارد (البازعي) انواره عاديه وسيت السواق عادي مو كهرب وشبكه الامامي مثل شبك الفيكسار 2006 مو مثل التشكيله الجديدة (الخليه) والموتر بصراحة نظيف جدااااا

[خالد030]

شوري عليك خذه ولا تشاور

[الصبيطي]

بس سعره 148 الف وماشي 50 الف ويعمله صيانه كل 10 الاف في الوكالة هل يسوى هالسعر ...؟

[الصبيطي]

للرفعععععععع

[كاشخ 24 ساعه]

البازعي للمعلوميه يجيب مواتره من الفطيم وكيل تويوتا في ابوظبي

واذا كان السعر 148 فهو غالى جدا على جي اكس ار

[z a n h o r]

يا الذيب هذاك اول يوم كان البازعي يورد من قطر ويجيب جيوب يابانية اصلية



اما هالحين البازعي موزع لعبداللطيف جميل



من متى وهو موزع لعبداللطيف جميل ..؟

الى 2007 وهو خليجي مدري عن 2008 صراحه ..!

[الصبيطي]

انتظر المزيد من الاراء

[بدر00]

بعد التحية للجميع

خذ البازعي وانت مرتاح لان البازعي مواصفات ممتازة افضل من عبداللطيف جميل الي كل
اكسسوراته صيني
اخوي عندة عبداللطيف جميل 2007 والوالد الله يطول بعمرة عندة البازعي 2007 والله انه افضل مواصفات
بكثير من عبداللطبف جميل 000000 ومواصفات البازعي هي 6 سيدات في المسجل اي تخزين في المسجل وعبداللطيف جميل سي دي واحد 000والديكور الداخلي افضل واجمل 000 والوطايات التابعة للركوب افضل شكل 00 وحساسات امامية وخلفي وعبداللطيف خلفي فقط وصيني بعد 00 والجناح يختلف اصلي ياباني ماهو صيني 00 ورشاشات ماء على الانوار وونش وغير المواصفات المتبقية وشي تبي افضل من كذا وانا اخوك
وبختصار البازعي ياباني كامل وااكامل الله وعبداللطيف جميل نصف صيني

وحتى وانا اخوك بابيع ينباع وانت مرتاح :)

توكل على الله وخذ البازعي

[غالي]

تبي الشور وانا اخوك

البازعي مواتره مواصفات اماراتيه يسمونه (خليجي)

البريمي من عمان ولاله موزع بالسعوديه
وانما يجيبونه اشخاص فقط
وغالبا البريمي مايجي بضمان
وانما الي يجيبه من عمان يفتح له ملف في عبداللطيف او البازعي بمبلغ بسيط

اما البازعي يختلف عن السعودي

بالجنوط 17 والسعودي 16

طبعا موديلات تختلف فيها المسجل

المكيف
يقال ان عبداللطيف يغيره يحطه تجاري
البازعي اصلي

خطوط البازعي خطوط خليجيه اماراتيه يختلف عن السعودي

بالموديلات قبل 2007 كان البازعي تجي في سياراته ديكور خشب من المصنع

كذلك الدعاسات الخارجيه تحت الباب
البازعي شد بلد
وعبداللطيف من الغرابي على 300 ريال تنباع للافراد يعني هو يشتري بالجمله تطلع له ب50 ريال :(
بس نصيحه

اذا كنت تمون على الرجال

وسيارته اتوماتيك

اطلع انت وياه للرمال وادخل بالسياره في مطناج

وشف القير هو بيغير النمر الحاله او لا

لان بعض السيارات تويوتا بشكل عام
عبداللطيف او البازعي او غيرهم

يجي فيهم عيب مصنعي بالقير الاتوماتيك يفضي وانت بالرمل

ولاهو عيب كبير ولا فيه ضرر
وتروح مع تنسيم الكفرات على فكره

سيارتي كانت 2003 البازعي كانت تفضي الا لين نسمت ولا شفت منها الحمدلله شر

لكن ابي تكون على درايه كافيه فقط

[الربذي]

طبعا معروف ان الرمال تسوي حمل ثلاث اضعاف الارض المستويه واكيد حمل شديد جدا على الاقير وزين انه ماينفرط وامان اذا زاد عليه الحمل يفضي قد يكون امان فقط !! لكن انا اول ابي اقول 148 رخيص جدا حسبته في اكس ار لان اسعاره 188الف وطالع لكن اذا في اكسار غالي انا لاقي بالمعرض قبل اسبوع
GX-R 2007 limitedفل كامل والكامل وجه الله لون الؤلوي مراتب جلد قير اوتو بلوتوث حساسات قدام ورى هيدروليك0وزر ثاني مرسوم عليه مساعد طبعا اذا تبيه تعليق قاسي ولا لين
فتحه مثبت سرعه دفلك دي في دي للاطفال بالسقف ماشي 46الف روعه بريمي شكله هبااااااااااااااااااااااااال يزين ارض اللي يمشي به مسيوم 140الف وكلا يقول غالي لكن انا اشوفه مناسب نوعا ما0

[ابوحماد]

خذ العلم الصحيح البازعي يجيب السيارات عن طريق عمان بالاسم فقط عن طريق الوكيل هناك له المواصفات الخاصه التي تخص البازعي مثال العماني مايجي 2 سبير في جي اكس ار و البازعي يجيب 2 أسبير شبك البازعي يختلف عن العماني أنوار زينون في العماني و البازعي مايجي زينون
نظام الفرامل في العماني يختلف عن البازعي

بس نقول البازعي أفضل من أبو جميل

بس سعر موتر الرجال والله أنه غالي

[مخاوي الذيابه]

أخوي ..

أستخر وتوكل على الله ..

ولو اني احس أنه غالي شوي ..

ولكن الله يكتب لك الأصلح ولجميع المسلمين ..

[الصبيطي]

شكرا للجميع على المشاركة

[مناحي]

السلام علكم جميعا
اخوي ملخص مشاركات الشباب اشتر وتوكل على الله
و ان مالك شف انا شاريه و ابشر بالسعي
و لاتنسى الاستخاره

[الصبيطي]

الله يجزاك خير

[أقلط]

نصيحة .لله

سافر الى البريمي بنفسك واشتر سيارتك بنفسك وريح بالك

مبروك مقدما

[ملاحق السيول]

كلها نفس بعض