انبير البنزين وحالته الغريبه جداااااااااااااااااااااااا

[فارس العمور]

انبير البنزين وحالته الغريبه جداااااااااااااااااااااااا

السلام عليكم

اخواني عندي سيارة جديدة 2008 نوع نافارا من نيسان

وانبير البنزين من الاسبوع الي طاف لاحظت عليه انه بطيء بالارتفاع

يعني اذا عبيت بنزين فل يجلس الانبير نصف ساعه حتى يصل الى حرف F بدون مبالغه

مع العلم انه ماكان كذا

ومع العلم انه دقيق وطبيعي جدا

وش الحل لان الوكاله بعيد مني ولاني فاضي لوجع الراس فعطوني رأيكم
__________________

[مزدهر]

جرب طف السيارة وشغلة ( ترى الهرج عامي )

[NSS]

http://www.mekshat.com/vb/showthread.php?t=135325 (http://www.mekshat.com/vb/showthread.php?t=135325)

والله اعلم,,,,,,,

[فارس العمور]

الى الحين مالقيت حل !!

[مدور سياره]

انا بعد ما قريت موضوعك نافارا رحت للحمراني ابغ اشتري نافارا 2008 ولقيت سعرها75000
ولكن الظاهر ان مشاكلها كثير

[mutleb]

تاكد اخوي من توصيل سلك الانبير بالطبلون يمكن السلك
ضعيف توصييل الكهرب له


لاتخف ترى امره سهل

[غالي]

على فكره وانا اخوك

انا الي اعرفه من اول مابديت اسوق والعالم تقوله كلها

غلط تعبيء بانزين والسياره تشتغل
تراها تخرب الانبير واشياء اخرى

احسن شيء تطفي الموتر وانت تعبي لاتخرب عليك البخاخات كان فيه بخاخات

والله اعلم

[مقلع الرمث]

اخوي لاتقعد تحربش بالموتر رح ادخل على الحمراني وقله الله لا يهينك صلحلي الحاجه هذي ودقق على الموتر بااشياء ثانيه يمكن فيه عيوب لان كثير سيارات تجي شكل جديد يصير فيها مشاكل انصحك دورلك كم حاجه ورح لمهم وقلهم ابي سياااره بديله عشاان شاري الموتر جديد ولسه جديد وخربان وااسف على الاطاله

[عم سعيد]

أخوي العزيز لمن تعبي بنزين نفس الي يعبي خليه يعبي لك ابطاء درجة وتشوف ان راح يطلع معاك على طول
(السبب لن عوامة البنزين حبي اتوماتيك لمن تعبي بسرعة تقعد تخربط الين توصل المعير )
وخذها نصيحة لمن تعبي الين لمن يوقف المسدس لا تخليه يزيد تراها تخرب العوامة الكثر
وصلى الله وبارك

[ناوي نيه]

ياخوي هذا امر طبيعي اذا انت تعبي والسياره مشتغله
لازم يبيلها مده لاجيت تعبي طف السياره وشف ....



تقبل مروري.....

[بواسامه]

انا اقول انه طبيعي يبطي ويرتفع ببطئ
فخل عنك الوسوسه والموتر طيب الله يعطيك خيره ويكفيك من شره
ويمكن التانكي كاسب هواء

[Black VTC]

انت تقول نيسان ... واكثر سيارات نيسان فيها نفس المشكلة عندهم سوء في صنع انبيرات البنزين لسياراتهم والله لا يبارك في شغلهم ..

[الحر جساس]

اخوي اذا جيت تعبي بنزين ,, قل للعامل ((( صديق تراطورا)))

يعني عب بشويش,,,

ترا اكثر العمال مايعرفون ماغير يهز الراس بس ,,

وشكرا