ماهو نوع زيت القير التماتيك للباترول الفتك

[مقلع الرمث]

السلام عليكم ورحمه الله وبركاته

اخواني اعضاء ورواد مكشات صراحه لو رحت لم الوكاله وبغيت تغير الزيت القير ضربك بسعر مايحتاج مع

العلبات واذا رحت لم الورشات كل اشوي واحد قايلك مره ايس ديلكو ومره زيت جيب لكزس ورحت لم ورشه

الحسن بالصناعيه القديمه عند المهندس الفقاش مازن وسألته بكم تغير الزيت طلع اغلى من الوكاله قلتله طيب

ايش نوعه قعد يقولي نوعه زيت مرسيدس ومدري ايش قلت طيب مع السلامه المهم كلن وده يغير زيته اللي معه

فتك وده تغير الزيت كل فتره لكن انا ابغى نوووع الزيت مع العلم ان الحمراني مااافيه امل يعلمك وش نوعه

ويقولك هذا نوووع ممتاز ماايغير ابد لكن اذا نقص يزااد مع العلم ان المهندس مازن قالي لا زم يتغير وكثير

ميكانيك سعودي سألته طبعا بالقصيم وقالي نركبلك سره وخلاص تبداء تغير الزيت باااي مكاان لكن نفس

راعين الورشات مايدرووون وش نوع الزيت ارجوا من لديه معلومات يفيدنا

والسلام عليكم ورحمه الله وبركاته

اخوكم مقلع الرمث

[مقلع الرمث]

وين الربع وين الشقرديه

[.كبريت.]

اضم صوتي لصوتك اخوي مقلع الرمث وودي اعرف وش نوع الزيت

وتقبل مروري

[الفتكي]

السلام عليكم
بالنسبه انا مشاء الموتر معي 160000كم اول مره اغيره نزل الزيت الي في القير ووضع زيت غسيل جالون بلاستيك اصفر ثم شغل الموتر وعشق القير ثم دعس للسياره وبداء يبدل حتى الخامس وكرر مرتين من دون دوس مره شوي شوي طبعا الموتر مرفوع من الدفرنس الخلفي عمل ثم وضع زيت حق الفكسار التوماتيك الي يباع في الوكالة ثم عمل العملية نفس الاوله ثم نزل الزيت حتى غير تقريبا سته جوالين لين صفا الجالون الاخير ثم صب الي هو السادس وقال لي توكل على الله بقيمة 350 ريال وحصلت الموتر يبدل احسن من الاول . ثم كل 30000كم اغيره مره بقيمة 70ريال فقط جالون واحد.( وتحصل الزيت عند وكالة تويوتا )وانا اسف على الاطالة.

[مقلع الرمث]

الله يعاافيك اخوي الفتكي لكن انت تقول صب السادس وش السادس مع العلم ان قير الفتك هو هدروليك ويختلف مره عن قير الاند وعن جيب الكزس ولو ابغير غيرت جيب لكزس لان هو اضمن وتاخذه من الوكاله لكن برضوا منب مرتااح لين اعرف ايش نوع الزيت اللي يحطوه الوكاله ومشكور اخوي الفتكي على المرور وياليت تذكرلي اسم الورشه اللي غيرت عنده ووالوصف لاهنت

[faisal98]

السلام عليكم ورحمة الله وبركاته
اخوي مقلع الرمث
بخصوص زيت قير الفتك مايتغير (يزااااااد) فقط لاغير طبعاُ على كلام اكثر من موظف في شركة الحمراني لأنه هيدروليكي (توبترونيك عادي وتماتيك)
نوع الزيت اسمه (إيسو) تحصله عند محل قطع غيار بالصناعية القديمة اسمه( بن مرعي)قطع غيار مرسيدس
طبعاً الزيت نفسه يحطونه لقير المرسيدس والـbmw قير الفتك يأخذ 8 لتر إذا هو فاضي مره وسعر اللتر 75 ريال يعني 8*75=600 ريال
والله يوفق الجميع
(طبعاً الكلام والمعلومات من واقع تجربة على فتك 2003 ليس دعاية أو غيره والله على ماأقول شهيد)

والسلام عليكم

[مقلع الرمث]

مشكور اخوي فيصل لكن انا معك انه على قولهم بس يزاد لكن الكل يقول لازم التغيير عشان يدوم معك القير وانشاء الله ابروح لم الصناعيه القديمه وابشوف وش بن مرعي وهل قير المرسيدس هدروليكي نفس الفتك ومشكوور على مرورك

[z a n h o r]

والله يالغالي ..

شوري عليك انك تكمل على شغل الوكاله وبس

خوفك يحوسون بموترك وتاكلها

[مقلع الرمث]

مشكله الوكاله مشكله مواعيد وحاله وانا رجال راعي مشاوير ومنب فاضي انتضر واصير بعيد ودي اعرف النوع عشان اغيره متى مابغيت

[مقلع الرمث]

اخوي فيصل انا رحت اليوم لم الصناعيه ولقيت زيت قير كهربائي اللي هو حق مرسيدس بسعر 30 ريال ونوع قير الفتك هو ايضا كهربائي و الفتك هدروليكي برضوا المهم انشاء الله هذا هو الزيت لكن هل فيه احد عنده خبره بالموضوع يفيدنا الله يعاافيكم

[جمعان 22]

زيوت تخليقية لا تبدل الا بعد 160 الف كيلو ..مثل موبيل


زيت الجير يبدل كل 40 الف

محدثك ما عنده خبرة بزيوت السيارات ..... الاعضاء ذوي الخبرة نحتاج رأيكم في زيت القير

[مقلع الرمث]

مشكور اخوي جمان واكيد فيه احد يعرف النوع ويأكدلنا

[faisal98]

السلام عليكم ورحمة الله وبركاتة
حياك الله اخوي مقلع الرمث
بخصوص انواع الزيوت ماعندي خلفية عنها
بس اللي خلاني اذكرلك نوع الزيت حق الفتك هو أني مره رحت للوكالة اللي بطريق خريص
كنت ابي آخذ من عندهم زيت وقالولي اللي عندنا مايكفي الا لسيارتين للصيانه بعدين وصفولي المحل اللي قلتلك علية لأنهم إذا نقص الزيت من عندهم يآخذون من عند بن مرعي (كلام مدير الصيانه) لأنه نفس تركيبة الزيت
طبعاً الزيت اللي بالوكالة لونه (أحمر) اللي عند بن مرعي لونه (أصفر) بس قبل لاتروح خذ معك جركل علشان يعبون لك الكمية اللي تبي.
والله يوفقك ان شاء الله
والسلام عليكم ورحمة الله وبركاتة

[مقلع الرمث]

مشكور اخوي فيصل ممكن الوصف لا ابن مرعي ولا رقمه الله يعافيك

[faisal98]

السلام عليكم ورحمة الله وبركاتة
الوصف ياطويل العمر والسلامه
امتداد شارع الأمير سلمان وجهك غرب اذا وصلت عند الإشارة الثالثه اللي عندي كبري الخرج ديور وأول لفه يمين ادخل معه امش الين تشوف محل شداد حق مرسيدس بالزاوية على اليمين لوحته زرقاء ادخل معه يمين يجيك ثاني أوثالث محل على اليمين
وبالتوفيق ان شاء الله
والسلام عليكم

[راع الحيزى]

عليك بزيت اي سي ديلكو الامريكي الاصلي ((العلبه السوداء)) هو افضل الموجود للقير الاوتوماتيك لجميع السيارات...تحصله عند اي محل قطع غيار
حجم العلبة الواحدة لتر....وعدد الليترات اللازمة للبترول تحصلة في الكتلوج !!
موفق للخير ياغالي

[حوطي بحت]

أخوي أنا مغير زيت القير حق الفتك 2002
حاط زيت تويوتا والحمدلله مضبوط

[حوطي بحت]

أخوي أنا مغير زيت القير حق الفتك 2002
حاط زيت تويوتا والحمدلله مضبوط
رحت الوكالة قال الزيت مانبيعه عليك لازم تغير عندنا
قلت يرحم والديكم أنا فاك زيت برا السيارة مافيها زيت قير
قالوا جبها لو على سطحه قلت أمعصي وحطيت زيت تويوتا
وابشرك مضبوط مشيت عليه 20000 كم
وانشاء الله أني افدتك

[مقلع الرمث]

مشكور وماقصرت اخوي حوطي بحت

[NSS]

يا اخوااان استشارة لاهنتوا,,,, عندي باترول 2003 قير تماتيك ماشي فيه 172000كم ولا مرة بدلت زيت القير من اخذته من الوكالة,,
سؤالي :- في مشكلة اذا بدلته الحين؟؟؟,, البعض يقولي راح يخرب القير والبعض يقول عاااادي؟؟؟؟؟؟؟؟

افيدوني افيدوني افيدوني,,,,,, وجزاكم الله خير

[مقلع الرمث]

اخوي nss انا مالي خبره بالموضوع لكن عشان يدووم معك القير لازم تعتني فيه لازم تعايره لا يصير ناقص بعدين لا عايرته كيف تدري انه اكويس ولا لا تشم ريحته كان فيه ريحت احراق زي ريحت الكهرب فايالله يمديك تلحق على قيرك وفيه ناس بس تزوده بس انا اقول لو تغيره افضل لك وبكثيررر ولكن انصحك تغيره عند الوكاله والا كانك تبي تغيره براء بورشه انصحك انك تأكد من نوع الزيت وااسف على الاطاله

[NSS]

اشكرك اخوي مقلع الرمث على النصايح,,,,,,,

بس انا الي محيرني شي واحد,, هل هناك ضرر اذا بدلت الزيت بعد هذا الممشى؟؟ وانا كشفت على الزيت طلع موبس محترق الا مليوون محترق.

[طحنون]

نصيحه نصيحه نصيحه

.................................................. ...................
الاخوه لاعزاء ماعليكم من اللي يتكلم ويقول حط زيت كذا وزيت كذا وهومايدري
اقراء كتاب دليل المالك انت مانت خبير في السياره ولا انت خبير في الاجزاء الداخليه للمحركات سواء قيور او مكاين
الوضع تغير في عالم السيارات اجمالا
تطور كل شي ايام الكابرس والهايلكس القديمات انتهت الحين حنا بعالم ثاني تطور وتكنولوجيات
الزبده ومافيها
.................................................. ..........................................
ان زيت قير الفتك لو تحافظ عليه عمره مايخرب لو تمشي عليه 100 مليون كيلو متر بشرط المحافظه على تغيير الزيت باانتظام مستمر
والزيت خاص جدا ومواصفاته خاصه ولو تلاحظ ان المعيار مقفل علشان تشيكه عند الوكيل وله معيار خاص عند الوكيل
يعني مايبون ناس ماتفهم تروح تحط اي زيت قير
القير على اسمه تب ترونيك يعني قمه القيور
وتراه القير اذا خرب مايتوظب نها ئيا مايتوظب فيه ثلاث قطع خارجيه خارج القير هي اللي تتبدل فقط
وداخل القير ماله قطع اذا خرب يرمى وتركب قير جديد وقيمه 26الف ريال
القير سعره يعتبر غالي لانه من افضل القيور بالعالم والتقنيه اللي فيه افضل من تقنيه السيارات الالمانيه
مثل البي ام والمرسيدس والاودي بدون مبالغه اكرر بدون مبالغه بدون مبالغه القير مصمم بتقنيه خاصه جدا
وقوي جدا وهلى اسمه قمه القيور بس فيه ناس ماتعرف الشي هاذ يأيخذ الامور بطريقه استهتار
اوعدم مفهوميه
.................................................. ............................................
اعرف شخص عنده شهادات عليا في الميكانيكا وخبره عمليه يتكلم عن قير الباترول التب ترونيك
ويقول انه من ارقى القيور واقواها بالعالم بس الناس ماتعرف الشي هاذا
.................................................. ........................................
خلاصه الكلام اتبع كتاب دليل المالك وبس
لان فيه ارقام وعيار نوع الزيت الخاص بجميع المحركات
.................................................. ......................................
محاكيكم سيارتي موديل 2005 والى الان ماشي 160 الف المره الاولى من التشييك بعدتم زياده 2ليتر
والمره الثانيه تم تشييك وطلع مظبوط وبعد مامشيت 100الف تم تغيير الزيت اللي نزل من الكارتير تقريبا 7ليتر
والموجود 11لتر لاكن لا ينزل كله والسبب يبقى كميه في الطنجره وكميه بالمواسير واجزاء القير الداخليه
لاكن ظحيت بـ 7علبه على حساب ان ينظف الزيت بالقير عبيت 7 علب وضربته مشوار عليه تقريبا
5كيلو ورجعت وفكيت الصره وعبيت الزيت مره ثاينه وبعد كذا نظف القير من الزيت القديم
سعر الليتر بالوكاله 80 ريال

[مقلع الرمث]

اشكرك اخوي مقلع الرمث على النصايح,,,,,,,

بس انا الي محيرني شي واحد,, هل هناك ضرر اذا بدلت الزيت بعد هذا الممشى؟؟ وانا كشفت على الزيت طلع موبس محترق الا مليوون محترق.

اجل ياالله يمديك تروح للوكاله ويغيرونه لك وماعليك ماراح يخرب ابدا فيه ناس مشت عليه تقريبا 140 الف وغيره تغيرر وبدون اي مشكله يعني حول مشي مووترك

[مقلع الرمث]

نصيحه نصيحه نصيحه

.................................................. ...................
الاخوه لاعزاء ماعليكم من اللي يتكلم ويقول حط زيت كذا وزيت كذا وهومايدري
اقراء كتاب دليل المالك انت مانت خبير في السياره ولا انت خبير في الاجزاء الداخليه للمحركات سواء قيور او مكاين
الوضع تغير في عالم السيارات اجمالا
تطور كل شي ايام الكابرس والهايلكس القديمات انتهت الحين حنا بعالم ثاني تطور وتكنولوجيات
الزبده ومافيها
.................................................. ..........................................
ان زيت قير الفتك لو تحافظ عليه عمره مايخرب لو تمشي عليه 100 مليون كيلو متر بشرط المحافظه على تغيير الزيت باانتظام مستمر
والزيت خاص جدا ومواصفاته خاصه ولو تلاحظ ان المعيار مقفل علشان تشيكه عند الوكيل وله معيار خاص عند الوكيل
يعني مايبون ناس ماتفهم تروح تحط اي زيت قير
القير على اسمه تب ترونيك يعني قمه القيور
وتراه القير اذا خرب مايتوظب نها ئيا مايتوظب فيه ثلاث قطع خارجيه خارج القير هي اللي تتبدل فقط
وداخل القير ماله قطع اذا خرب يرمى وتركب قير جديد وقيمه 26الف ريال
القير سعره يعتبر غالي لانه من افضل القيور بالعالم والتقنيه اللي فيه افضل من تقنيه السيارات الالمانيه
مثل البي ام والمرسيدس والاودي بدون مبالغه اكرر بدون مبالغه بدون مبالغه القير مصمم بتقنيه خاصه جدا
وقوي جدا وهلى اسمه قمه القيور بس فيه ناس ماتعرف الشي هاذ يأيخذ الامور بطريقه استهتار
اوعدم مفهوميه
.................................................. ............................................
اعرف شخص عنده شهادات عليا في الميكانيكا وخبره عمليه يتكلم عن قير الباترول التب ترونيك
ويقول انه من ارقى القيور واقواها بالعالم بس الناس ماتعرف الشي هاذا
.................................................. ........................................
خلاصه الكلام اتبع كتاب دليل المالك وبس
لان فيه ارقام وعيار نوع الزيت الخاص بجميع المحركات
.................................................. ......................................
محاكيكم سيارتي موديل 2005 والى الان ماشي 160 الف المره الاولى من التشييك بعدتم زياده 2ليتر
والمره الثانيه تم تشييك وطلع مظبوط وبعد مامشيت 100الف تم تغيير الزيت اللي نزل من الكارتير تقريبا 7ليتر
والموجود 11لتر لاكن لا ينزل كله والسبب يبقى كميه في الطنجره وكميه بالمواسير واجزاء القير الداخليه
لاكن ظحيت بـ 7علبه على حساب ان ينظف الزيت بالقير عبيت 7 علب وضربته مشوار عليه تقريبا
5كيلو ورجعت وفكيت الصره وعبيت الزيت مره ثاينه وبعد كذا نظف القير من الزيت القديم
سعر الليتر بالوكاله 80 ريال
اشكرك اخوي طحنون على المرور وعلى النصايح
لكن احب اقولك ان القير يتوظب ولا يهمك من يقولك انه مايتوظب وفيه ورش اعرفها يوظبونه واعرف واحد خرب القير عنده ووظبه بمبلغ وقدره 5000 الاف ريال وذالك بسبب اهماله بمعايره الزيت والسياره اصلا متعدت ممكن 80 الف يعني الموتر جديد لكن القير راح فيها ووظبه والموتر ممتاز واكويس اما ابروح وابشري قير 26 يكون في علمك هذا راح للوكاله وقالهم انا اوظب القير الفتك وابغى قطع كذا وكذا قعدوا يضحكون ويقولون هذا مااحد يعرفله الا حنا وعسى قالهم المهم عندكم القطع رفضوا راح وطلبها بطريقته الخاصه المهم الرجال راعي الورشه بالقصيم ومعروف يعني كانك خابرن احد عنده قير يبي توظيب ولا شي اعطيك رقمه على الخاص وشكرا

[راعي الرود]

السلام عليكم


ياشباب ذكرتون مير

اليوم غيرت زيت المكينه حقت موتري التيما 6 سلندر تماتيك

يوم خلص ابو يمن عاير زيت القير

هبلني قال زيتك ناقص مره عندك تهريب ؟ عندك مشكله في القير ؟

انا ضاق صدري الموتر مامشى الا 17 الف يا اخوان

خايف انه فيه بلا ولاش !

لاحول ولا قوة إلا بالله .. وش اسوي ياناس ؟؟

قال لي زوده وامش عليه واذا وصلت 25 الف غيره مع الفلتر

هل هو عادي النقصان ؟؟

لانه كان ناقص مره ترا !!

وكيف اعرف ان الزيت انتهى عمره ولا لا ؟؟

يعني الحين الموتر واقف في الحوش له ساعتين تقريبا من اخر تشغيله

اروح اطلع عيار القير واشوف عادي ؟؟

ولا لازم الموتر شغال ولا شلون اعاير

اسحب العيار وبس ؟؟

ولازم اشم ولا مايحتاج :)

[osqari]

ياشباب اصحاب الفتك لازم لازم تعايروا زيت القير لانه ان نقص يسخن بسرعة وخصوصا في السفر ويتبخر بسرعه وحصلت لي لان ما عايرت الزيت من سنتين ونص والتيجة ان الزيت سخن وضرب مبرد القير في اللديتر وخلط مع ماء اللديتر وصار القير به ماء وزيت وما يغير اذا هديت لان الطنجرة بها ماء وزيت ويطلع صوت قوي وحسيت قبل هذا كلة بسخونه القير عند رجلي تحت الطبلون

عشان كذا لازم تعاير الزيت لو في الوكالة ب 150 افضل من تخسر قير

[راعي الرود]

ياشباب اصحاب الفتك لازم لازم تعايروا زيت القير لانه ان نقص يسخن بسرعة وخصوصا في السفر ويتبخر بسرعه وحصلت لي لان ما عايرت الزيت من سنتين ونص والتيجة ان الزيت سخن وضرب مبرد القير في اللديتر وخلط مع ماء اللديتر وصار القير به ماء وزيت وما يغير اذا هديت لان الطنجرة بها ماء وزيت ويطلع صوت قوي وحسيت قبل هذا كلة بسخونه القير عند رجلي تحت الطبلون

عشان كذا لازم تعاير الزيت لو في الوكالة ب 150 افضل من تخسر قير


انا موتري احس بحراره من تحت ؟؟

الله يستر والله من هالموتر زيت القير ينقص والله مهيب هينه

للمعلوميه الموتر كمل سنه ولا عايرته الا قبل امس ولقيته ناقص واجد

وقبلي امغطه سفريات

يعني فيه بلا الموتر ولا طبيعي النقصان ؟

[osqari]

الافضل ان تشييك عليه حسب جدول الصيانه او كل 60000 حسب اعتقادي خاصة اذا كنت راعي سفر كثير وحسبي الله على نيسان اللي ما حطت سلك المعايرة في القير وقفلتة وتجبرنا على التشييك عندهم ب 150

[مقلع الرمث]

مشكورين على المرور

[الربذي]

مشكورين على المرور
وش صار عليك غيرت الزيت ولا لا وش نوعه علمنا انا ابحث مثلك

[واثق الخطوه-]

رفع للفائده

[محسن اليامي]

الوكاله..................

أنا أبدله كل 40 ألف في الوكاله ومريح راسي