@@حلينا مشكلة غلاء أسعار الزيوت ورفعو سعر شعل اليد البناشر@@

[المرابط]

قبل أسبوعين رحت أغير الزيت طبعا عندى كرتون
زيت في البيت و أخذت خمس علب زيت وسيفون
يوم جيت رفيقي الهندى قلت غير الزيت والسيفون

قال تشوف صديق شقل يد أنا سيل كمس تأس
(يعنى خمس طعش) قلت ليش كذا دايم أغيره
بعشره عسى ماشر قال كل دنيا الهين كمس طعس
وهو يهز راسه وأنا أهز راسى معه قلت يمكنه
يستغفلنى قلت شوف تبغى عشره غير زيت وسيفون
ماتبغى بكيفك وأعطيه العين الحمرا وصارت عينى
خضرا مافاد فيه قلت دور غيره وأروح للثاني والثالث
ونفس الكلام والرابع بعد محاوله أخيره غيرته بعشره
وهو منقهر .
وأكتشفت أنا الأعداء تكالبو علينا (يعنى التجار)
برفع الأسعار من غير مبرر وخصوصا البناشر
لدرجة أنا كنا نغير العلبه 14 ريال وأقول ليش يقول
الزيت أرتفع وأكتشفنا بعدين أنهم نصابين من عند
الموزع سعر العلبه لا يتجاوز 9 ريال وأ سئل الموزع
هل أرتفعت أسعار الزيوت ويقول لا بس البناشر نصابين
ولما عرفنالهم عودو يزيدون شغل اليد 50% بدون مبرر
فقررت الأتى:
- شراء مفك سيفون
- تغيير الزيت والسيفون بنفسي
إن شاء الله
ولله الحمد أعرف أعاير زيت الكلتش والفرامل
والدركسون وماء البطاريه وأبنفخ فلتر الهواء بالماطور
أبو جمل بأذن الله.
طبعا أبغير الزيت في البر أقرب عقم .
والله ماهو بخل بالخمسه ريال والله أننى أستطيع
ماديا أغيره بمئه ولله الحمد ولكن تضامنا مع مقاطعة
موجة الغالاء الغير مبرر وتدريس كل من سولت له
نفسه .
كتبت هاذا الكلام محبتا لأخواني أعضاء مكشات
فل نكن يدا واحده في وجوه الأعداء.
وأعلم أنا هناك مؤيد ومعارض لكلامى ولكنى
مقتنع وراضى لكل ما أفعله في حدود الشرع والعرف.

[عابر القارات 2000]

ولله كلامك عين العقل ياخوك الحين هم طايحين فينا كل ماكلمانهم قالو الحين كلو شي غالي
ولله الحاجه الي مقدور عليها مثل تغير هالزيت ولله انا معك في كلامك وش يبيلها مايبي لها شي غير هالحفره ورح اقرب عقم على ماقلت

[بدوي جنوبي]

اخي المرابط

جرب غير زيت بنفسك وشوف شلون
ان الشغله بسيطه

[المرابط]

ولله كلامك عين العقل ياخوك الحين هم طايحين فينا كل ماكلمانهم قالو الحين كلو شي غالي
ولله الحاجه الي مقدور عليها مثل تغير هالزيت ولله انا معك في كلامك وش يبيلها مايبي لها شي غير هالحفره ورح اقرب عقم على ماقلت



حياك الله ومشكور على مرورك وتأييدك :rolleyes:

[المرابط]

اخي المرابط

جرب غير زيت بنفسك وشوف شلون
ان الشغله بسيطه



حياك الله يا مشرفنا
وأبشر من اليوم ورايح أبغير الزيت بنفسي
إن شاء الله

[محمد بن ناصر الثبيتي]

ياخوي المرابط
الله يجزاك خير على موضوعك المفيد والقيم....
وانا الي تجربه في هالموضوع...

انا بعد ماقريت في منتدانا مكشات عن اسعار الزيوت رحت للغرابي واشتريت زيت الترا7 بسبعه ريال و90 هلله واشتريت السيفون ب 11 ريال عدد5 سيفونات ورحت لوكالة تويوتا بعد ماشفت الفرق بين السيفون اللي نشتريه من البناشر ب25ريال وبين السعر اللي لقيته ب11ريال وقلت للوكاله ابي سيفون لاندكروزر جي اكس ار 2003 قالوا سعره13 ريال وجبت السيفون اللي انا شريته ب11ريال وطبقته انا والمسئول في الوكاله على سيفون الوكاله وطلع اخوه 100% ...
اما بالنسبه للتغيير اغيرالزيت والسيفون ب15 ريال,,,,
اتمنى من الجميع ان يشترون الزيت من الموزعين ارخص لهم بكثير ,,,
وانا اللي قاهرني وشلون الشركات تكتب على العلبه سعرها 14 ريال وهي تباع على الموزعين يمكن بأقل من 5ريال ,,,
هل هذا الشي ضحك على المستهلك ام انهم مستفيدين بطريقه غير مشروعه!!!!!!!


تحياتي للجميع

[شماالي]

جزاك الله خير اخوي

[سيد النشاما..]

طبعا أبغير الزيت في البر أقرب عقم .


أقرب عقم مثل ماقلت يصير حوله طعيسات خفيفة تنزل العزبة وتضبط القهوة وأنت مكيف ومرتاح البال وأنا اخوك
أي والله
الله يكفينا شر هالتجار اللي ماغير كلش حمر

[أسامي]

يقولون لا صار زادك مأكول فرحب

[يزن2]

ياخوي المرابط
الله يجزاك خير على موضوعك المفيد والقيم....
وانا الي تجربه في هالموضوع...

انا بعد ماقريت في منتدانا مكشات عن اسعار الزيوت رحت للغرابي واشتريت زيت الترا7 بسبعه ريال و90 هلله واشتريت السيفون ب 11 ريال عدد5 سيفونات ورحت لوكالة تويوتا بعد ماشفت الفرق بين السيفون اللي نشتريه من البناشر ب25ريال وبين السعر اللي لقيته ب11ريال وقلت للوكاله ابي سيفون لاندكروزر جي اكس ار 2003 قالوا سعره13 ريال وجبت السيفون اللي انا شريته ب11ريال وطبقته انا والمسئول في الوكاله على سيفون الوكاله وطلع اخوه 100% ...
اما بالنسبه للتغيير اغيرالزيت والسيفون ب15 ريال,,,,
اتمنى من الجميع ان يشترون الزيت من الموزعين ارخص لهم بكثير ,,,
وانا اللي قاهرني وشلون الشركات تكتب على العلبه سعرها 14 ريال وهي تباع على الموزعين يمكن بأقل من 5ريال ,,,
هل هذا الشي ضحك على المستهلك ام انهم مستفيدين بطريقه غير مشروعه!!!!!!!


تحياتي للجميع
السيفون وين القاه انا من الرياض

[ابا الأفلح]

اخوي المرابط مشكور على طرح مثل هذا الموظوعو(مجدي)وزين ما سويت والله اني مفكر احفر حفرة زيت بالاستراحه من مبطي كل بسب هالنصابين والاستغلااليين الاجانب كفانا الله شرهم:mad: :mad: :mad: اكلونا اكل وزارة التجاره والبلديات ناااايمين ومكبرين الوساده باالاخير المواطن هو الظحيه وشكرااااااا

[المحترف800]

صدقت أخوي أنا شاري لي كرتون زيت وسيفون و انا معامل مشحمة من زمان يعني عارفني جيته ذاك اليوم وقلتله غير الزيت والسيفون قال أباخذ عليك عشرين ريال ...

[ابوعقل]

والله انه سهله

الله لا يوفقهم هالتجار

بكل شي رفعو الاسعار

وش السالفه

اذا رخص الزيت زادو شغل اليد

واذا غلا الزيت رخصو شغل اليد

والمشكله ان محلات الجمله تبيع الكرتون ب.....<<<<<<<<< ناسي بكم

بس اللي اذكره انها طلعت الحبه ب8.75

ريال

ومشكور على الموضوع

[محمد بن ناصر الثبيتي]

السيفون وين القاه انا من الرياض



اخوي يزن

السفون شريته مع الزيت من محل في الغرابي نسيت اسمه بس هو محل صغير غرب اللي يبيعون الكفرات’’’’’’’’’

[دوادماوي]

الحقيقة اللي عنده استراحة أو مزرعة يصلح له حفرة زيت ..

ويريح عمره لأن بيطيح عليه واجد .. لا من الزيت أو السيفون أو شغل اليد ..

السيفون تلقاه عند الوكالة أو الموزع .. وتراه ارخص بكثير من محلات الزيوت .. وأجود بعد ..

أخوي مسوي حفرة زيت بجوار البيت .. وخذ فيها تغيير زيت وميكانيكا ..

بالنسبة لي ما عمري غيرت لعمري ..

لكن في المستقبل ان شاء الله ..

[ناصح]

رجاء ثم رجاء


من كل الشباب


أدفع 15 ريال أو 20 ريال


كل شهر أو شهر ونصف عند تغير الزيت



ولا تغير الزيت في برارينا الجميلة



فلا يوجد أكثر إتلافا للتربة من الزيت المحروق



والمسألة ما تستاهل هذه البهذله لك ولثيابك وبرارينا ..


واقراء ما كتبته في موضوعي السابق عن تغير الزيت في البر
---



يا أخي الكريم اسمحلي


أنا لا اتفق معك في هذه النقطة ...


لأن تغير الزيت في البر حتى لو حفرت حفرة يلوث تربة البر تلويث مستديم ...!!


فلا تسن للناس سنة سيئة


صحارينا تشتكي من المخلفات والنفايات وتريد أن تجهز على التربة بزيت السيارت ومخلفاته ..


كله علشان توفر 15 ريال ..!!


وتفضل هذه صورة من أحد فياض الصمان ..


http://www.mekshat.com/pix/upload02/images58/mk1937_somanoil%20%281%29%20%28620%20x%20465%29.jp g


هل هذا يعجب احد..!!





http://www.mekshat.com/pix/upload02/images58/mk1937_somanoil%20%28620%20x%20465%29.jpg


الرجاء تغير الزيت في المكان الصحيح وليس في البر والمسألة لا تستاهل توفير 20 ريال

[ناوي نيه]

انا اشوف اذا بما ان اخونا ناصح زعل وانشاءلله مو زعلان
انا اشوف ارخص محل تغيير زيت (تراي ستار )
انا اغير زيت وسيفون للجمس ب87 والتغييره السادسه(مجااااااااااااانا)
نوع الزيت سوبر جيتي اكس وهو افضل انواع الزيوت

[Magellan]

ماينلامون لو رفعوا الأسعار
تدري ليه ...لأنها منطقية
تغير زيت+سيفون=15 ريال
بينما لو رحت تغير خرطوش ماء أو طرمبة ماء ، شغل لمدة ساعة قال لك فك وتركيب 150 ريال..
بينما هذا 20-30 دقيقة بـ15 ريال
ياخي إحسب الإيجارات المرتفعة ، لكن مثل ماقلت الأفضل إن يكون عندك إستراحة وفيها حفرة تقدر تغير الزيت وتفتك من النفسية السيئة لعمال البنشر

[ابوعبدالله678]

والله انك صادق يالمرابط لعبو فينا هالعماله في كل مكان ( حسبي الله عليهم وعلى من ساعدهم )

[sameer_1798]

أشكرك على الموضوع وهذا إن دل فإنما يدل على حبك لأخوانك و نقل الفائدة لهم و لكن المشكلة تكمن ماذا بعد رمي الزيت في البراري . :light:
"هل تعلم أخي الكريم ( للجميع ) أن لتر واحد من الزيت المحروق يلوث أكثر من مليون ليتر من المياه الجوفية، وكل ليتر من الزيت المحروق يقتل الأرض التي يُسكب فوقها لمدة أربع سنوات وأيضاً يستطيع كل لتر من الزيت المحروق أن ينتشر على سطح أكثر من عشرة آلاف متر مربع من مياه الأنهار والبحار دون أن ينحل أو يتغير "
نقلاً عن خبراء في مصفاة دمشق للبتروكيماويات .
الحل و أنا أخوك تبي تغير زيت شيء طيب الواحد يشتغل بنفسة و يمكن يكون أفضل من بعض البناشر ياليت تجمع الزيت المحروق بجالون و تسكبه بخزانات البناشر و ترى هم بيصرفونه يمكن يبيعونه و يمكن يعيدون تكريره .:good2:

[فارس العمور]

فقررت الأتى:
- شراء مفك سيفون
- تغيير الزيت والسيفون بنفسي
إن شاء الله



انا طبقتها من كم شهر ومرتاااااااااااااااااااااااح لا غش ولا استغفال ولا خساير مالها داعي

فك الصره وسكرها ووصب الزيت !! وين الصعوبه ؟ وشغل مضمون 100%

[alkongrs]

كلاااااااااااااااااامك صحيح كفيت وفيت

لا واذا اشتغل يشتغل اي كلاااااام موب شغل صح

[القبقب]

أنا معارض بشدة تغيير الزيت يجب أن يكون فى الاماكن المخصصة
فقط وذلك حفاظا على البيئة .

[مقلع الرمث]

والله بخمس طعش رخيص الحين محد يغيرلك الا من العشرين وفوق لكن انا شاري عده تفك الموتر مو السيفون لكن اللهم اني اعوذ بك من العجز

[وقيان]

توني شاري كرتون كاسترول ب 245..يعني العلبة تطلع ب 10 ريال تقريبآ... بينما سعرها مفرق ب 15 ريال...يعني ينصبون علينا 50%..

وبالنسبة لشغل اليد...مع احترامي لك ياخوي..ماكان له داعي تسأله....قوله غير الزيت.. و اذا خلص عطه العشرة ريال...عجبه ولا يختاره له حفرة يرمي نفسه فيها...

طيبتنا الزايدة خربت العمالة علينا..

[أبـو فـايـز]

15 ريال رخيصة
وانصحكم يا اخوان انكم تغيرون الى الزيوت الصناعية اللي يسمونها synthatic
العلبة بالجملة راح تطلع عليك بــ16 ريال تقريبا,, بس تعيش معك قد الزيت العادي 3 مرات تقريبا يعني كل 15 الف كيلو تغيرها مع السيفون
راح تطلع لك ارخص من الزيوت العادية غير سالفة انها تحافظ على المكينة اكثر من الزيوت العادية
لو تحسبها:
الزيت العادي بالجملة بـ9 ريال, سيارتك تحتاج 5 علب, + سيفون + شغل يد
راح تصير 9*5 + 20 ريال سيفون + 15 = 45+20+15 = 80 ريال تقريبا كل 5 الاف كيلو
لو تضربها بـ3 لكل 15 الف كيلو تصير 240 ريال
بينما لو تغير للصناعي:
16*5 + 20 +15 = 80+20+15 = 115 يعني نص القيمة !!

[راع الحبارى]

معي العزبه المختصره ،،،،،، واذا زاد السعر عن 5 ريال لتغير الزيت

نطبق الخطه الجديده ان شاء الله ،،،، ليس بخلا ولكن اعتمادا على الله ثم على انفسنا ،،، واشعار الأجيال الناشئه

بحلاوة الاعتماد على النفس .

[المرابط]

أشكر جميع من شارك فى الموضوع
وأشكر كل من عارض للحفاظ على البيئه
وأجد الحل المناسب ليجمعنا على كلام واحد
من مؤيد ومعارض من أجل البيئه هو أقتراح العضو
sameer_1798







الحل و أنا أخوك تبي تغير زيت شيء طيب الواحد يشتغل بنفسة و يمكن يكون أفضل من بعض البناشر ياليت تجمع الزيت المحروق بجالون و تسكبه بخزانات البناشر و ترى هم بيصرفونه يمكن يبيعونه و يمكن يعيدون تكريره .:good2:

[xozxo]

تغير الزيت في البر يا اخي خذ معك اي شي تحط فيه الزيت القديم وتخلص منه بطريقه صحيحه بدل ما تلوث الببيئه جزاك الله كل خير وبامكانك تغييره في البيت بعد رفع السياره والتخلص من الزيت في المجاري كرمكم الله رجائي لاتنفعو انفسكم وتضرو الغير

[المرابط]

رجاء ثم رجاء



من كل الشباب


أدفع 15 ريال أو 20 ريال


كل شهر أو شهر ونصف عند تغير الزيت



ولا تغير الزيت في برارينا الجميلة



فلا يوجد أكثر إتلافا للتربة من الزيت المحروق



والمسألة ما تستاهل هذه البهذله لك ولثيابك وبرارينا ..


واقراء ما كتبته في موضوعي السابق عن تغير الزيت في البر

---




مرحبا بك أخى ناصح
وأذا شفت أحد يسوى مثل اللى فى الصوره
على الهواء مباشره أبمصع أذانه :D وياويل من تسوله
نفسه كل واحد يخلى باله من وذانه :no2:

[ردن]

توني شاري كرتون كاسترول ب 245..يعني العلبة تطلع ب 10 ريال تقريبآ... بينما سعرها مفرق ب 15 ريال...يعني ينصبون علينا 50%..

وبالنسبة لشغل اليد...مع احترامي لك ياخوي..ماكان له داعي تسأله....قوله غير الزيت.. و اذا خلص عطه العشرة ريال...عجبه ولا يختاره له حفرة يرمي نفسه فيها...

طيبتنا الزايدة خربت العمالة علينا..



انا مع اخوي وقيان

:good: :good:

[المرابط]

توني شاري كرتون كاسترول ب 245..يعني العلبة تطلع ب 10 ريال تقريبآ... بينما سعرها مفرق ب 15 ريال...يعني ينصبون علينا 50&#37;..

وبالنسبة لشغل اليد...مع احترامي لك ياخوي..ماكان له داعي تسأله....قوله غير الزيت.. و اذا خلص عطه العشرة ريال...عجبه ولا يختاره له حفرة يرمي نفسه فيها...

طيبتنا الزايدة خربت العمالة علينا..



حياك الله أخى وقيان أنا ماسعرت من يوم قلت
غير زيت وسيفون قال زيت موجود معك قلت له
نعم موجود زيت وسيفون قال بخمس طعش
وألا أنا ما سعرت هم يشترطون من البدايه

[التويبع]

تشكر على جهودك واعتمادك على نفسك...
لكن
انتبه
عملك هذا...
يلوث البيئة..!

فالمرجو منك ان تضع الزيت المحروق في وعاء (جالون) وتعطيه اقرب بنشر..

[المرابط]

تشكر على جهودك واعتمادك على نفسك...
لكن
انتبه
عملك هذا...
يلوث البيئة..!

فالمرجو منك ان تضع الزيت المحروق في وعاء (جالون) وتعطيه اقرب بنشر..




أشكر جميع من شارك فى الموضوع
وأشكر كل من عارض للحفاظ على البيئه
وأجد الحل المناسب ليجمعنا على كلام واحد
من مؤيد ومعارض من أجل البيئه هو أقتراح العضو
sameer_1798







اقتباس:
المشاركة الأصلية كتبت بواسطة sameer_1798 http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=1588277#post1588277)
الحل و أنا أخوك تبي تغير زيت شيء طيب الواحد يشتغل بنفسة و يمكن يكون أفضل من بعض البناشر ياليت تجمع الزيت المحروق بجالون و تسكبه بخزانات البناشر و ترى هم بيصرفونه يمكن يبيعونه و يمكن يعيدون تكريره .:good2:

[بواسامه]

:D وشوله حفره
ارفع الموتر على اطراف حصاة ولا بلكه وضروري تضمن الموتر بحصاة خلف الكفر لا يدحدر عليك:D
ولا وصلة من جنط مرسيدي سقس وهذا استخدام بناشر الغربيه ماعندهم حفر
بس طع شوري ضروري مفك اصلي للسرة حتى لا تخرب عليك لزوم المهنه
وانتبه للزيت تراه حاااااااااااااار اول مايصب انتبه ليدك وانتبه غير ثيابك خلها للزيت مخصص وخل معك تايد عشان تغسل وعساه يروح الزيت وريحته المخيسه ههههههههههههههههههههههه:D
رح للريل واشتر مفك سناب اون ولا هرتز شي محترم ومضمون ان ما يخرب السره وماتفرط اثناء الفك والشد
واشتر لك تيب احتياط وجلبه للسره لو احتجت وقمع للزيت الا كانك وقيع ويدك راكده
وذكرتني باول ما سقت من 21 سنه كنت اغير الزيت بنفسي في البرحه اللي حول البيت
حول ما اشر بمنه من اللقافه:D كني افك السرة بفمي من زود القرب
طبعا حب استطلاع وفراغ متعدي وزود معرفه:good: واستفدت

اقول اربح العافيه وعطه عشر تريل وخله يغير لك وانت الكسبان:D

[أبوناصر]

أنا أقوم بتغييره من فتره بنفسي بس مرات أكون مشغول واروح للحراميه


بس الشكوى على الله

[الرهدن]

السلام عليكم ورحمة الله وبركاته:


يعطيك العافية أخوي المرابط على الموضوع الحيوي
واللي يهم كل نفر :D
فوائد :
* ضع الزيت بعد تغييرة في مكان مخصص0
*لاتنسى شراء الأصلي من مفتاح للصرة والسيفون0


وبعض الأخوان يرى عدم الإتفاق على المبلغ مسبقآ
ويكفي إني أعطي المشحمة ماأريد
ولاشك إن هذا غير صحيح فلا بد عند عدم
الإتفاق أن تعطيه المبلغ المعقول
وأظن 15 أو 20 ريال
أما إني أذب عليه 10 وأمشي وهو غير راضي
فهذا في ذمتي وسوف أحاسب عليه !!



وأعجبني هذا الكلام للأخ سمير :


"هل تعلم أخي الكريم ( للجميع ) أن لتر واحد من الزيت المحروق يلوث أكثر من مليون ليتر من المياه الجوفية، وكل ليتر من الزيت المحروق يقتل الأرض التي يُسكب فوقها لمدة أربع سنوات وأيضاً يستطيع كل لتر من الزيت المحروق أن ينتشر على سطح أكثر من عشرة آلاف متر مربع من مياه الأنهار والبحار دون أن ينحل أو يتغير "
نقلاً عن خبراء في مصفاة دمشق للبتروكيماويات .
الحل و أنا أخوك تبي تغير زيت شيء طيب الواحد يشتغل بنفسة و يمكن يكون أفضل من بعض البناشر ياليت تجمع الزيت المحروق بجالون و تسكبه بخزانات البناشر و ترى هم بيصرفونه يمكن يبيعونه و يمكن يعيدون تكريره .:good2:



0

[الفيافي]

انا معك وبقوة ياخوي بس تكفى تكفى الزيت لاتكبة بالأرض لأنه يلوث الأرض شوفله صرفه وانت ادرى ياخوي مرابط