الفزعة من النشاما تكفون .

[اكليل الجبل]

السلام عليكم ورحمة الله وبركاتة


اليوم توني واصل من المدينة المنورة لتبوك المهم قبل تبوك ب110 كيلو شفت القزاز الخلفي للجيب (اللي بالتوقيع حقي باترول 99) شي غريب المهم اني ما اعطيتة بال ويوم وصلت للبيت واطالع الا ذا زيت واناظر تحت الموتر لقيته كله زيوت ويوم شيكت على المكينة مالقيت فيها ولا نقطة وحدة طبعاً ماتغير علية الجيب بشي,
المهم رحت للمغسلة وغسلتة من تحت ومريت عبيت زيت 4علب ونص ونزلت تحت الحفرة مالقيت فية تهريب وطبعاً الورش مقفلة قلت بكرة يسير خير . ويوم وقفت عند البيت وانا انزل تحت الجيب ولاحظ تهريب من المكينة على الدفرنس ينقط . طبعاً خبرتي بالميكانيكا ماعندك احد . فانا طالبكم طلبة تفيدوني لاني متخوف من الموضوع .


والله اني انتظر منكم الردود . تكفون .

[مكتشف الأمطار]

ان شاء الله الأخوان يفيدونك
لأني ما عندي خبره

[ذيب طي]

والله العالم ان عندك مشكلة في الصوفة

[اكليل الجبل]

مكتشف الامطار

شكرا لك على المرور


ذيب طي يعطيك العافية

والله مادري من الصوفة ولا لا

المهم اني ابي جميع الاحتمالات اللي يمكن تكون منها عشان اذا رحت للصناعية مايضحكون علي واسوي فاهم عليهم وكمان ابي اتطمن والله مافية اصبر الى بكرة تخبرون بكرة جمعة والصناعية ماتفك الا العصر

[شبح الموت]

تاكد من سره الزيت

وفلتر الزيت (السيفون) مركب صح ولا لا

وهل ضربت رصيف ولا دخلت بر جلدت الموتر واكلت كم جرف وحصى

ولا تنسى كارتير زيت المكينة منطعج ولا لا وهو الارجح

اذا كان جميع ماسبق سليم

اخيرا صوفه المكينة احتمال ضئيل لا نها تهرب تهريب بسيط فالعادة وخاصة

الجيوب اليابانية طبعا مايحتاج ورشة تشييك مبدئي من نفسك والورشة

تاكيد واصلاح فقط

[بدوي جنوبي]

اتوقع صوفة كرنك امامية

http://www.mekshat.com/pix/upload02/images69/mk32037_23.jpg

[اكليل الجبل]

تاكد من سره الزيت

وفلتر الزيت (السيفون) مركب صح ولا لا

وهل ضربت رصيف ولا دخلت بر جلدت الموتر واكلت كم جرف وحصى

ولا تنسى كارتير زيت المكينة منطعج ولا لا وهو الارجح

اذا كان جميع ماسبق سليم

اخيرا صوفه المكينة احتمال ضئيل لا نها تهرب تهريب بسيط فالعادة وخاصة

الجيوب اليابانية طبعا مايحتاج ورشة تشييك مبدئي من نفسك والورشة

تاكيد واصلاح فقط


يعطيك العافية يالغالي والسيفون غيرته توني اليوم الصباح وغسلت الموتر وكمان هرب الزيت
والصوفه لم اجد عليها اثار زيت
ولا طلعت علية طعوس ولا بران ولا ضربت رصيف
اليوم الصباح بعد ماغيرت السيفون غسلته بستم ومشيت عليه تقريباً 3 كيلو فقط ولقيت الزيت متناثر وتحديداً
على الدفرنس الامامي من الاعلى وتحت طرمبة البانزين ولاكن لم الاحظ اي شي وقلت ياولد مسح الزيوت وصل الجمعة وربك يحلها .
عاد ابجلس تحت الموتر واشوف من وين التهريب علماً بان التهريب يزيد اذا مشيت علية وبسرعة عالية .


والله يعين

[اكليل الجبل]

بدوي جنوبي يعطيك العافية على التفاعل والله لايحرمكم الاجر


وبعد معاناة اكتشفت ان التهريب من طرمبة البانزين بعد ماغسلت بستم ومسحت الزيوت نهائياً
رجعت بعد عشر دقايق لقيت الزيت في الطرمبة

بس ممكن احد يفيدني اكثر عن قيمتها طبعاً الجيب نيسان 99 ربع

والله لايهينكم والله ان قلبي داعي لكم .