ارجوا مساعدتي بشتري سيارة انفوي اوتريل بليزر (يرجى الدخول)

[2580]

السلام عليكم

افكر اني اشتري سيارة شيفروليه تريل بليزر او جمس انفوي بس ماادري ايهم احسن كلهم يتشابهون شوي بالهيكل
و اريد ان اعرف2005 ام 2006 او 2007 او 2008 افضل؟
ما هي الاسعار الحالية عند الوكالة او المعارض ؟

الى جميع من جرب السيارة هل لاحظت عليها عيب سواء من السيارة او من الوكالة ؟ و هل تتضرر اذا دخلت فيها بالبر اهم شي ؟؟
س- هل تتطعس بالبر ومريحة ؟؟
وقطع غيارها هل متوفرة ورخيصة؟؟
وهل هي دفع رباعي قوي ؟؟
وايهم الافضل بالسيارة القير العادي ام التوموتيك


اعذروني على الاسئلة الكثيرة
اخواني انا في حاجة لنصائحكم
وشكرا

[علي101]

وعليكم السلام ورحمة الله وبركاته
إنفوي وموديل حديث
ومن مميزاتها وعيوبها ( انخفاضها )

[Magellan]

انا معي تريل بليزر 2006 Ls مواصفات سعودية من بالبيد
طبعا هي سيارة خطوط وديرة أكثر شيء
ولله الحمد ماشية معي 64000 حتى الآن بدون مشاكل،،
محافظ على الموتر وباردة رجلي عليها
طبعا بالبر منخفضة وهذا عيبها (يمكن رفعها بكعكات)وجيدة للتطعيس على خفيف يعني للكشتات الخفافي
ومن عيوبها التصميم الداخلي الرديء نوعا ما ، يعني مافيها تجهيزات بالإضافة للحيز الصغير على الرغم من كبر حجمها وكذلك نوع البلاستيك والفيبر الداخلي وأصوات القرقعه والتنسيم بالسرعات العالية ، لكني تعودت عليه وماعدت أستغني عنه :D ..
فيه بعض القطع شوي غالية لكن الحين بحكم الإنتشار فقد أصبحت مناسبة
أنا أنصحك تاخذ من 2006 Lt وطالع لتلافي بعض المشاكل من الموديلات القديمة، والموتر أشوفه بدا يكثر في الشوارع وهذا دليل على رغبة الناس فيه ، طبعا هو والإنفوي إخوان بقطع الغيار ماعدى التصميم الخارجي الذي يصب لمصلحة التريل بليزر...
ولو خاشه مزاجك الموتر ممكن تعمل له تحسينات بسيطه مثل الربلات لوقف التنسيم وبعض المساعدات عشان القرقعه...
فيه نوع LTZ ب 8 اسطوانات ومقاعد جلد وشاشة معلومات وفيه نوع SS بمكينة جبارة سعة 6 لتر و8 اسطوانات ومايجي بالسعوديه

[2580]

مشكور اخوي علي

[2580]

واشكرك اخوي ماجلان وراح انتبه على ملاحظاتك
--------------
----------
----------
في انتظار من باقي الاخوان

[عاشق السيل]

وعليكم السلام ورحمة الله وبركاته ،،

علشان أكون صريح معك أنا ماجربت السيارتين ولا عمري ركبتها !!!!

لكن بصراحة معجبني شكل البليزر أكثر بأضعاف المرات من الأنفوي ( الغبي ) ،، أما الأفضل بالمواصفات والله ماعندي علم ،، ومن ناحية العيوب فالمشهور عنها كلها إنها نازلة جدا مقارنة بسيارات الدفع الرباعي وهالشي متعب جدا بالبر ،،،

والله يوفقك للي يرضيك وتقبل مرور أخوك الملقوف يالغالي .....

[2580]

جزاك الله خير اخوي عاشق السيل
خلاص انا شلت من راسي سيارة انفوي بس ابغى اشوف ارائكم اكثر عن شيفروليه تريل بليزر
وشكرا

[Magellan]

ترى مافي قير عادي
وفيه تراه منتديات متخصصة بس لتريل بليزر وعرض لقوته وترهيماته ...
طبعا السيارة إقتصادية وبنزين 91 يعني فل 30 ريال
والموتر مايحتاج لصيانة غير عادية ..بس زيوت ومافي حكمها..
والقير والمكينة مافيها مشاكل ،وهو تراه يجي ستاندرد دفع خلفي بدفرنس وليس فريولات مثل السيارات الجدد ،وعاد تطلب الدفع الرباعي إذا شريته
والحرارة نص دايم صيف وشتاء حتى بديرته أمريكا وفي عز المربعانية عندهم النص وهذا هو الأمبير الطبيعي والصحي للسيارة
والموتر قليل تقنياته وإلكترونياته بالمقارنة مع بعض الأمريكي وهذا اللي مريحني
كشت فيه العام للتنهات والدهناء ورحت لم نقا التنهات (طبعا ماطلعته:D ) بس خيمنا حدره
وهالسنة ماحصل لنا بسبب ماهناش ربيع
وسافرت به لحايل وصلت حدود الجوف بطريق بري العام وهالسنة ماحصل لي آصل إلا حايل بالإضافة لروحات ديرتي ...
أهم شيء تاخذ شيء صناعته أمريكي أمريكي 6 سلندر مهوب اللي مجمع بكندا والمكسيك وبالمارية يبدأ رقم الشاس (الهيكل) أو VIN بالإنقليزي برقم واحد مثل: 1GN663537SS32e323

[2580]

ترى مافي قير عادي
وفيه تراه منتديات متخصصة بس لتريل بليزر وعرض لقوته وترهيماته ...
طبعا السيارة إقتصادية وبنزين 91 يعني فل 30 ريال
والموتر مايحتاج لصيانة غير عادية ..بس زيوت ومافي حكمها..
والقير والمكينة مافيها مشاكل ،وهو تراه يجي ستاندرد دفع خلفي بدفرنس وليس فريولات مثل السيارات الجدد ،وعاد تطلب الدفع الرباعي إذا شريته
والحرارة نص دايم صيف وشتاء حتى بديرته أمريكا وفي عز المربعانية عندهم النص وهذا هو الأمبير الطبيعي والصحي للسيارة
والموتر قليل تقنياته وإلكترونياته بالمقارنة مع بعض الأمريكي وهذا اللي مريحني
كشت فيه العام للتنهات والدهناء ورحت لم نقا التنهات (طبعا ماطلعته:D ) بس خيمنا حدره
وهالسنة ماحصل لنا بسبب ماهناش ربيع
وسافرت به لحايل وصلت حدود الجوف بطريق بري العام وهالسنة ماحصل لي آصل إلا حايل بالإضافة لروحات ديرتي ...
أهم شيء تاخذ شيء صناعته أمريكي أمريكي 6 سلندر مهوب اللي مجمع بكندا والمكسيك وبالمارية يبدأ رقم الشاس (الهيكل) أو VIN بالإنقليزي برقم واحد مثل: 1GN663537SS32e323
اشكرك اخوي ماجلان مرة اخرى
عندي كم سؤال
ممكن مواقع منتديات عربية خاصة بلتريل بليزر
والسيارة ادفع الرباعي ممكن القاه بالسوق وكيف اعرف انه دفع رباعي
واذا غرز بالبر يمديك تطلعه بسهولة وهل السيارة حق 4 سنين وفوق (تعيش معي)
وايهم الافض قير العادي ام التوموتيك من البر وكل شي
ويليت لو عندك معلومات اكثر عن السييارة لاني ماعرف السيارة شي
وشكرا

[قرموش]

اخوي والله انا شايف سياره هالايام عند الجميح نزلت في 2007 و 2008 اسمها كاديا واشوف الناس تمدحه
بس بصراحه ما اعرف عنه شي
شوف موافق مختصه بالسيارات و الله يوفقك

[2580]

مشكور اخوي قرموشنشوف ردبا قي الاخوان

[Magellan]

اشكرك اخوي ماجلان مرة اخرى
عندي كم سؤال
ممكن مواقع منتديات عربية خاصة بلتريل بليزر
والسيارة ادفع الرباعي ممكن القاه بالسوق وكيف اعرف انه دفع رباعي
واذا غرز بالبر يمديك تطلعه بسهولة وهل السيارة حق 4 سنين وفوق (تعيش معي)
وايهم الافض قير العادي ام التوموتيك من البر وكل شي
ويليت لو عندك معلومات اكثر عن السييارة لاني ماعرف السيارة شي
وشكرا

هههههه أخوي شكلك كبير بالعمر ويالله تشوف:D
أقولك السيارة مافيها إلا قير توماتيك
أما أيهما أفضل القير العادي أم التوماتيك فأنا أقولك
إذا كنت مثلي ساكن بالرياض وماتطلع إلا خفافي 10 مرات بالسنة للثمامة و5 مرات كشتات بالدهنا فينفعلك
أما إذا أنت ساكن برماح وإلا شوية أو الرفيعة أو أم رجوم:D فمايصلحلك إلا قير عايدي
وأعتقد إن 70% تقع على السواق من ناحية التطعيس بالرمال ، يعني المسألة على السواق..
أما هل هي تصلح لأربع سنين؟
أقول نعم وشفت في المنتديات من مشى فيها 300ألف ميل=نص مليون كلم

أما كيف تعرف إن السيارة مزودة بدفع رباعي،هذا مايحتاج لها شيخ يقرأ:D
كلم المعرض أو اللي تبي تشتري منه وأسأله والدبل فيه فرارات ، متى مادعت الحاجة حط القير على N وفر الفرار على 4H أو الثقيل على 4L وسلامتك..


وأهم شيء الإستخارة وتجربة السيارة وسؤال المعارف عنها لأنهم بيفيدونك