احد ظحايا القيور بالورش اااااااه

[متحمس]

ااااااااح بس انا شريت مونتينير ميركوري جيب2002 المهم الموتر سليم ولكن بعد اسبوع طلعت فيه زي النتعه بالتغيير بين الثاني للثالث او نسميه طقه او نتقه المهم رحت لسوري حسبي الله عليه وشرحت الموقف له قال نفحص كمبيوتر قلنا افحص قال 200 ريال قلنا خذ قال عندك الترس الثاني والثالث خربان ويحتاج تغيير قال على الظمان المهم جلست بحيره لمده 10 دقايق قلت توكل على الله بعد يومين رحت للورشه وكلي امل تزول المشكله المهم استلمت الموتر ودفعت 5000 تكاليف الشغل والقطع طبعا ظمان3 شهور على كلامه ورحت للبيت وبعد العشا طلعت ولقيت المشكله مازالت ظاق صدري قلت بكره ارجع له ورجعت قال ماعندك مشكله بنغير لكك منظم ثاني وغير وقال جرب وان ماراح تعال بكره ورحنا ومازالت المشكله ورحث ثالث يوم لقيت الورشه مسكره رابع يوم مسكره خامس يوم تم تغيير لوحة الورشه وعمالها مع العلم الموتر له سنه وهو كذا عجزت احل المشكله :1- وش الخراب 2- وش اسوي طارت الخمسه الالاف على الفاضي 3- ودي بس اعرف وش خراب النتعه ذي لو ماصلحه بس اعرف وشكرا

[الخادم]

اخوي
ما لك الا تدعى علية و الله مايضيع حقك

[مطلع]

اخوي متحمس

قبل آذان الفجر بنص ساعة .. من غير ما تولع النور

واحرص انه ما يدري لك احد .. وما يسمعك احد .. الا ربك

صل ركعتين ... وتوجه لربك بإخلاص وتضرع والحاح ان الله يجيب لك حقك من هالحرامي

صدقني راح يستجيب الله دعاك وراح تشوف

[بواسامه]

الله يعوضك خير
وان ضاعت عليك فالدنيا بتلقاها قدامك في الاخره ان احتسبت
وما اصابك لم يكن ليخطئك وما دفع الله كان اعظم
وللمعلوميه الاكسبلورور ومونتينر ما يمدحونه الا فوق 2004 وجاي
وتحت عليه عدة مشاكل في القير والكهرباء حسب ما سمعت
على العموم الفاس في الراس وانا اخوك والكلام في الماضي نقص في العقل كما يقال
بس ما تملك الا االدعاء على من ظلمك
وان عفيت واصفحت فهو خير لك
وثانيا لا تثق في ميكانيكي واحد ابدا
فالتشخيص صعب من طرف واحد
كحال الدكاتره كلن يعطيك تشخيص يختلف
فاسئل كم ورشه وجرب كم فحص فلربما كان الخلل بسيط
فلا تستعجل في اتخاذ القرار دايما واجعله منهج لك في حياتك

الله يعوضك خير ما بقيت

[معدي المرقاب.]

اخوي
ما لك الا تدعى عليه و الله مايضيع حقك

[ذيب طي]

اخوي متحمس

قبل آذان الفجر بنص ساعة .. من غير ما تولع النور

واحرص انه ما يدري لك احد .. وما يسمعك احد .. الا ربك

صل ركعتين ... وتوجه لربك بإخلاص وتضرع والحاح ان الله يجيب لك حقك من هالحرامي

صدقني راح يستجيب الله دعاك وراح تشوف

هذا الكلام عين الصواب:good: وماراح يخيب الله ظنك

[صلهامه]

الله يعوض عليك يا رب فى يوم هالجمعه المبارك


مدرى العيب فينا والا صرنا ضحايا استغفال


كان معى سياره فورد ( ثندر بيرد ) انقطع من مده ما عاد يجى


وصار لى مثل ما صار لك نتعه بالقير ومثل ما قالوا لك تغيير تروس


قلت اطلبوا الله فكة قير محد يحط ايده فيه


طلع المشكله بعد بحث وسؤال فلتر صغير مثل فلتر بنزين الجموس الأوله وكنه بطاريه حجم وسط والفلتر هذا غير الفلتر الرئيسى حق القير


درس مستفاد لا تنقز على اول حل يجيك استشر ولا خاب من استشار

[بدوي جنوبي]

ااااااااح بس انا شريت مونتينير ميركوري جيب2002 المهم الموتر سليم ولكن بعد اسبوع طلعت فيه زي النتعه بالتغيير بين الثاني للثالث او نسميه طقه او نتقه المهم رحت لسوري حسبي الله عليه وشرحت الموقف له قال نفحص كمبيوتر قلنا افحص قال 200 ريال قلنا خذ قال عندك الترس الثاني والثالث خربان ويحتاج تغيير قال على الظمان المهم جلست بحيره لمده 10 دقايق قلت توكل على الله بعد يومين رحت للورشه وكلي امل تزول المشكله المهم استلمت الموتر ودفعت 5000 تكاليف الشغل والقطع طبعا ظمان3 شهور على كلامه ورحت للبيت وبعد العشا طلعت ولقيت المشكله مازالت ظاق صدري قلت بكره ارجع له ورجعت قال ماعندك مشكله بنغير لكك منظم ثاني وغير وقال جرب وان ماراح تعال بكره ورحنا ومازالت المشكله ورحث ثالث يوم لقيت الورشه مسكره رابع يوم مسكره خامس يوم تم تغيير لوحة الورشه وعمالها مع العلم الموتر له سنه وهو كذا عجزت احل المشكله :1- وش الخراب 2- وش اسوي طارت الخمسه الالاف على الفاضي 3- ودي بس اعرف وش خراب النتعه ذي لو ماصلحه بس اعرف وشكرا

لاحول ولا قوة الا بالله
اخي متحمس
والله ضاق صدري عشانك :mad:
الله يجزاك خير كان هديت من روعك شوي وراك عجل
النتعه هذي في اغلب السيارات الامريكيه الجي ام سي والشفر
واليوكن والتاهو وبعض الفوردات واصبحت شبه معروفه لاغلب الناس
حتي موديلات 2005 في الجموس موجوده وما تأثر كثير علي القير
والشغله حسب علمي حساسات فقط او ظفيرة ،،،

حسبي الله عليه هذا الميكانيكي

عموما اطمنك اتوقع 100%100 انه ما غير او وضب القير كامل
وان شاء الله ان هذا اللي حصل ،،،
ممكن انه غير بعض الحساسات بس او الفلتر عشان يوهمك انه اشتغل في السياره ،،،

فلوسك راحت الله يعوضك خير وان شاء الله انه ما فك القير
نصيحتي لك المشكله هذي حلها فقط حساسات يعني كهربه
ما دام ان القير يغير مضبوط وقوي صدقني التروس مالها علاقة بالموضوع ولا الكلتشات ،، وتبي تتأكد رح لاكثر من ورشة وشوف الاراء كيف تختلف ،،،
عندك فروع ورشات ديكسول تخصص قيرات فقط رحت انا وزميلي
يكشف علي القير وقالوا ان القير يحتاج توضيب كامل يكلف 5000 ريال
،، قلت لخويي مشينا بس ما عندهم سالفه ،،
تخيل طلعت المشكله فقط من الحساسات :good:

بالتوفيق

[بدوي جنوبي]

يا اخوان مع احترامي لجميع الاراء
ليه نلوم انفسنا بعد وقوع المكشله
دائما الافضل عدم العجله في مثل هذه الامور واخذ اراء
اكثر من ورشة والافضل دائما الابتعاد عن الورش(المراكز) الكبيرة
ارجوا قرأة هذا الموضوع
ܓܨ نصائح جداا مهمه قبل ذهابك لصيانة سيارتك اللهم بلغت ܓܓ (http://www.mekshat.com/vb/showthread.php?t=131307) ‏

‏
وان شاء الله نسلم من الوقوع في خسارة
مادية ،،

بالنسبه لجهاز فحص القير كذبة توهم صاحب السيارة
هو يقوم بفحص اجزاء في القير
وليس كل الاعطال ،، الخبرة اهم من الجهاز لانه تلعب دور في تحديد العطل
حتي جهاز فحص المحرك يقدرو يلعبوا فيه

مع اطيب الاماني

[ابوعقل]

حسبي الله ونعم الوكيل

الله لا يوفقه وين ماراح

الله لا يفتحله باب رزق ان شاء الله

والله قهر

الله يعينك ياصاحب الموضوع

[متحمس]

مشكووووووووور على الردود اخواني

[hightech]

اللة يعينك اخوي والأمر حصل وانتهى ويجب على
الجميع ان لايثقون في اصحاب الورش وعلى طول
يسلمهم السيارة والفلوس المفروض الواحد يروح كم ورشة
يديرها ويعمل فيها سعوديين فهم اهل ذمه وثقه
ويجب عليك اخي المتحمس ان تشهر بهذا الحرامي
النصاب وبورشتة القديمة يمكن احد الأعضاء يعرفة
لكي لايقعون ضحايا غيرك ...

[رجل كريم]

الله يعوض عليك اخوي واعتقد ما تعاني منه اعادة برمجة لاغير وتقدر تطلب من الوكالة عمل برمجة للجير فقط ..

تحياتي .,

[alkongrs]

حسبي الله ونعم الوكيل ودعوة المضلوم مستجابه قم اخر اليل وادع ربك يكشف حقيقتوه

[مقلع الرمث]

الله يعوضك خيررر