رحلة العمر الأولى,, فزعتكم يالنشاما ؛؛

[النوخذة الأحسائي]

السلام عليكم ورحمة الله وبركاته

كيف حالكم ياجماعة
عساكم بخير ..
بارك الله فيكم ودي برسم تخطيطي من أهل الخبرة لرحلتنا العزابية في الصيفية إن شاء الله ..
طبعا حنا من أهل الحسا يعني حساوية خخخخخخخخ :biggrin: :confused:
المهم ياجماعة ..
حنا راح نطلع من الحسا ..
وعندنا أكثر من محطة نبي رسم تخطيطي لهل الرحلة والمحطات هي
1/ الدوادمي 2/ حائل 3/ القصيم 4/ ينبع 5/ مدينة رسول الله صلى الله عليه وسلم 6/ مكة 7/ الطائف 8/ ... 9/ الحسا سالمين غانمين ..
طبعا ودي ببعض الاستفسارات والمساعدات منكم يالنشاما
1/ أريد رسم يطلعنا من الحسا .. إلى الحسا ,,, ما ودي نمر على محطة مرتين يعني مانروح منطقة ونرجع عليها مرة ثانية .. أريد رسم توضيحي لوجهتنا لأني واحد غشيم في المناطق والمدن ..
2/ كم الميزانية المعقولة لهالرحلة مع العلم أننا راح نقضي أغراضنا وأكلنا من الديرة عندنا يعني كل شغلنا سفري * سفري والطباخ الله يحفظه معنا يعني مطاعم راح يكون قليل جدا ..
3/ احنا 4 أشخاص تقريبا حتى الآن وما زاد راح أخبركم به .. كم أفضل فترة نمضيها :as1: :ac7: عشان نحدد بعد الميزانية ..
4/ هل جميع الطرق سريعة لهذه المناطق ولا فيه مقطعة أرجو تنبينا على ذلك..
** كم كيلو متر راح تكون الرحلة تقريبا
5/ لدي قائمة من موقع مكشات الرائع بحاجيات الرحلة .. من إعداد الأستاذ أيمن .. أنا عندي قارمن في جوالي n95 وبرامج الخرئط .. وأظنه راح يفدني ..
6/ مالوصية بعد تقوى الله لنا والدعاء ,,
(( هذا الموضوع راح يكون متجدد لأسئلتي فأرجو الاطلاع عليه خلال هذه فترة الردود ))
وفقكم الله لما فيه خير وبارك الله في جهودكم وأنتظر ردكم
أخوك
أبو فهد

[ذيب ميسان]

الله يوفقكم جميع
الصراحة أنا من أهل مكة و لا لي خبرة في هذه الطرق
لكن عندي لك أقتراح أنكم تضمون العلا و أملج لرحلتكم
و الله ولي التوفيق

[النوخذة الأحسائي]

بارك الله فيك..

ننتظر الفزعات

[ذيب جبلة]

تمشي يا طويل العمر من الحسا للرياض ثم للقصيم ثم تدعس لحائل ثم من حائل للمدينه ثم من المدينه لمكة ثم الطائف ثم مع السريع تمشي لين تاصل ظلم وتفرق من السريع لعفيف ثم البجادية ثم الدوادمي ثم من الدوادمي للرياض ثم الحسا <<< هذا طريق

او

من الحسا للرياض ومن الرياض تروح غرب مع السريع كانك تبي مكة لين يجيك مفرق لبخه وحويته تمشي معه لين يوديك القرنه ثم منها الدوادمي ومن الدوادمي للقصيم عن طريق الرس ثم من القصيم لحائل ثم المدينه ثم مكة ثم الطائف ثم مع السريع للرياض ومنها للحسا ...

هذا الطريق الي اقدر اساعدك فيه وهو الانسب من وجهة نظري اما باقي الامور ممكن يفيدونك فيها الاخوان

بالتوفيق