صوت طقطقة سريعة في مكينة الباث

[AZOO9Z]

السلام عليكم و رحمة الله و بركاته

كيف حالكم أخواني ؟

أخواني قبل يومين طالع بموتري الباث موديلة 2004 على خط القصيم و وقفت وقفة طبيعية بزين لي غرض

المهم و جنبي واحد من زملاي بسيارته و انا اكلمه و اسمع صوت طقطقة سريعة كانها واحد يطقطق في حديدة

صغيرة و دريت انها في موتري و شوي و أحس ان الموتر فيه نفضة بسيطة و أطفي الموتر و اخليه تقريبا ساعة

و شغلته و اسمع الصوت اخف من قبل و كل ماله يخف زود و مشيت عليه بشويش و بعدين راح الصوت مرة

كانه ما صار شي المهم وقفته في البيت و بعد يوم او اقل شغلته الموتر طبيعي مرة ما فيه شي و رحت عليه

كذا مشوار و ما شي معي مظبوط المهم فجأة حسيت بخرفشة و الا صوت الطقطقة عود لي مرة ثانية و اوقفه و

شوي اشغل و امشي عليه و ايضا راح مرة ثانية و الى يومكم طبيعي بس ما ادري عنه قاهرني الصوت في وسط

المكينة لو تسمعونه تقولون بتخبط المكينة بس القهر انه راح مرة و اخاف يرجع و اخاف لو مشيت عليه يخرب

زود .

فالله يعافيكم و يوفقكم الي عنده خلفية بهالمشكلة يرد علي و يقولي و شي و يريحني منها لاني وديتها للورشة الي

عندنا و يوم اني أوديها ما فيها صوت فقالي لازم يطلع الصوت و رحت مشورت بالسيارة و ما طلع شي

يعني تبون الصدق غبنة ابي أرتااااااااااااااااح الله يريح بالكم قولو اَمـــــــــــــــــــــين .

[ابو فهد 1]

لا ان شاء الله مابه الا العافيه

اذا انت بلقصيم ابرسلك الي ورشه الصراحه انه فاهم بالباثفدر وسعودي ومشاء الله متخصص بسيارات

النسيان ويقولك كل شي بسياره ويفحصه ولا ياخذ عليك شي

اسم الورشه الجربوع بصناعيه السليم حول مركز القافله للسيارات

والسلام عليكم

[AZOO9Z]

هلا مرحبا بخوي أبو فهد

ان شاء الله الله يسمع منك ، عافاك الله على هالمساعدة و ما تقصر و الله ...

لكن أنا و الله منيب من سكان القصيم ، من سكان الرياض

ما قصرت يا أبو فهد و الله يوفقنا و ياك .

[غضنفر]

يمكن ان
الصوت ناتج عن
سقوط احد مسامير الثلاجة داخل السلندر
كما قرأت لأكثر من شخص بهذا المنتدى

[صمانكو]

وعليكم السلام

نعم مثل ما قال الاخ غضنفر

طايح برغي في السلندر مثل ما حصل وياي حاليا

والافضل انه ما يمشي على الموتر عشان ما يخرب السلندر ويصلحه بأقرب فرصه.

[جول قميري]

اضم صوتي لاصوات اخواني غضنفر وصمانكو

انا شريت باث فايندر 2004 واول ما اخذته رحت لورشة مشهورة بالقصيم يلحمون مسامير لهات الثلاجة

مع انها ما طاحت...(نولم العصابة قبل الفلقة)

[الساهر2003]

اخوي
اللي اخبر ان مسامير الثلاجة اذا طاحة في السرندر يستمر الصوت وهذا كلام الفنيي وانا قد صار معي في ام دكة جلدة الموتر ولما وقفت وبرد الموتر طفيته وجلست تقريبا 4 ساعات ولما دقيت سلف طلع صوت قوي كان المكينة منكسر فيها شيي وطلع غبار كثير من الكبوت واطفي واشغل بعد دقيقة وراح الصوت ولله الحمد
الخلاصة انه ماهو صوت مسامير ثلاجة ممكن احد الكويلات متعطل او بوجي تالف او انك تستخدم بنزين 91 باستمرار وهذا يخرج صوت خرفشة في المكينة ويبين اذا قربة عند حاجز صوت ودعست بنزين

[الشنه]

الله يشفي موترك مما فيه ولا يرى باس
كل يوم يزداد كرهي وبغضي لنيسان
اجل هذي سياره الي تطيح مساميرها
لا وتتكرر المشكله مع اكثر من عضو

لا تخلي موترك وانا اخوك صلحه والله يعينك

[سعد777]

والله ياجماعه اكثر اعطال في هذا المنتدى اعطال الباث ليش مدري مواضيع باالكوم

بس انا اقول
يمكن البنزيم 91 ويمكن موترك يستخدم 95 ونت تعبي 91
او مثل ماقالو مسمار الثلاجه انتبه منه انتبه منه انتبه منه

[3bdul3ziz]

مكينة الباث من موديل 2003 وفوق فيها عيب في المكينة

شايفهم بالوكالة يمكن 8 سيارات باث و3 انفنتي مخبطة مكاينهم

[غضنفر]

ايضا
قد تكون المشكلة
من البنزين الي عبيته
لاني فهمت من كلامك ان الصوت ماطلع الا بعد ان توقفت في الطريق لتعبئة البنزين
قد يكون البنزين فيه بعض الوساخة او الرمل بسبب سوء خزانات المحطة
بعد أن تتأكد ان مسامير الثلاجة في محلها
فك صفاية البنزين وغيرها
وفك التانكي ونظفه مع مواصيره

[AZOO9Z]

يا هلابكم و الله و مشكورين على الردود و على توقعاتكم

لكن وديته لمكنيكي و يقول مسامير الثلاجة ما لها علاقة أبداً يقول فلتر الزيت يغير و ينظف

و بيشوفها بكرة العصر لان عنده سيارات كثيرة و ما يقدر يشتغل عليها اليوم فإن شاء الله تكون هينة

و الله يعافيكم و ما تقصروووون .

[AZOO9Z]

ايضا
قد تكون المشكلة
من البنزين الي عبيته
لاني فهمت من كلامك ان الصوت ماطلع الا بعد ان توقفت في الطريق لتعبئة البنزين
قد يكون البنزين فيه بعض الوساخة او الرمل بسبب سوء خزانات المحطة
بعد أن تتأكد ان مسامير الثلاجة في محلها
فك صفاية البنزين وغيرها
وفك التانكي ونظفه مع مواصيره


هلا أخوي غضنفر ...
لا أنت فهمتني غلط ما وقفت أعبي بنزين لا و الله ولا عبيت أصلا و انا اعبي البنزين المصرح في الكاتلوج حق

السيارة الي هو بنزين 91 وبالنسبة للخرفشة البسيطة هذي أنا اعرفها زين طبيعية بسبب بنزين 91 لا المشكلة

غير ، الصوت أقوى بكثير من هالصوت لكن نقول ان شاء الله انها هينة و الي مريحني ان الصوت الان راح و

يمكن لو مشيت عليها واجد يرجع لانه رجع لي قبل فترة و راح الحين على العموم مشكور و ما تقصر و الله

و عافاك الله .

[efi4500_2002]

السلام عليكم

اتوقع انه من طرمبة الزيت او الفلتر تاكد

ورد لنا خبر

[صافي زمزم]

في انتظار الخبر ماذا حصل لموترك ارجو ارسال لي رساله خاصة عزوز

[ابوانس20111]

السلام عليكم ورحمه الله مشكه ذي المكاين والصت ال فيها الله يفرجها