افضل مساعدات للباترول الربع

[د ك م 586]

السلام عليكم ورحمة الله وبركاته
ودى اسئلكم يالذيابه وش افضل مساعدات تركب على الباترول الربع موديل 97
لاني احترت بين مساعدات الشاص والمساعدات الاستراليه ومساعدات البلد كلها جربتها بس على الكامل
لاكن ماادري عن تركيبها على الربع لان الربع اخف واجد واخاف يصير مطامره غير طبيعي من قساوة المساعد
وذلك لاني اهتم براحة الموتر لسبب اني راعي خط بالاضافه الى المكاشيت مع العلم اني رافع الموتر حيل.
اسمع بعض الشباب يطرون انهم مركبين مساعدات مرسيدس هل هي جيده ولا تخلي مطب الموتر قاسي ؟
ودنا تكون المقارنه بين :

ليونة المساعد.
السعر .
الجوده .تكفون اللي قد جرب لايبخل علينا بطرح تجربته.

[اكليل الجبل]

والله انا يالغالي ماغيرت مساعدات من شريت الموتر وجاي ببالي اغيرها الاربع وتراني ماني بعيد عنك ادور الراحة ولاني بحب المطامر بس الشباب يمدحون الوكالة . وكمان انا عندي رجة على 100 وانت طالع بس مهي بذيك الرجة بس تشعر فيها وان شاء الله الاخوان يفيدوننا جميع

[غضنفر]

الشاص ممتازة جدا
ورخيصة جدا (الاربع بـــ 360 ريال فقط)
وتركب مكان البلد 100%100 بدون ترهيم
لكنها قاسية ولا هب صالحة لك

المرسدس
اخبر المرهمات يركبونها
لكنهم يدبلون المرسدس قدام و ورى (اكيد بيصير اقسى من الشاص)
ما ادري عن وضع المرسدس لحاله (1 فقط بدون تدبيل)اذا ركبيته هل بينفع او لا

الجبريل الابيض الغاز
ممتاز جدا
اقسى من البلد لكنه اخف من الشاص
والمنرو الا صفر بعد حليل اقسى من الجبريل شوي لكنه يناقز وغالي


المساعدات الاسترالية
ما عاد تنفع
اول كانت زينة
يومها قاسية
اما الحين ما تنفع
صارت لينة
وتنفقع بسرعة
وغالية على غير سنع (الحبة اظاهر بحول 250 ريال)
والبدائل كثيرة


انصحك بمساعدات البلد او الجبريل اذا تدور الراحة

[خشيمان]

والله عن نفسي ما ادري ليش الناس تغير مساعداتها

اذا ما كنت راعي هبال ومطاعس والله ما تحتاج غير حقت الوكالة

قبل مدة ركبت مع واحد من الشباب معه نفس موتري (سلقة ) ومركب مساعدات استرالية وبصراحة يحوم الكبد قاسي كنك راكب هيلوكس
لا وعلى حسب كلام اخوي غضنفر ان الاسترالية لينة اجل وشلون الثانيات؟؟

اعيد واكرر ما اظن فيه حاجة لانك تضيع الراحة علشان اذا طلعت في الشهر مره

هذا واتمنى الشباب يفيدونكم وتقبلوا مروري

خشيمان

[خالدعبدالعزيز]

خلك على البلد وريح راسك انا جربتها كلها
او الجبريال كويس قريب من الوكالة بالحيل

[كل القصيد]

والله انا عندي واحد وحطيت له ياي مساعدات مرسدس قدام وفكس آر ورا وياي استراليقدام وورا الموتر ثابت ومطبه خياااال مره وانتهى المطب تخيل المطبات الي بلتحلية قسم بالله آكلهن على سرعتي سلام سلام .... بس الي عبته على الموتر حره وهي بسبب الرفع الزايد للياي انت قص منهن انشين وطقمهن وراح تدعي لي

[غضنفر]

والله عن نفسي ما ادري ليش الناس تغير مساعداتها



الجواب


http: / / w w w .y o u t u b e . c o m /watch?v=O9s5n-eppNI

[خشيمان]

اخوي غضنفر
وهل انت تبي تسوي مثل هذا؟؟

ما اظن عاقل يسويها

[ابو ريان 2008]

اخوي د ك م583
مالك غير شد
البلد
اسئل مجرب ولا تسئل طبيب

[د ك م 586]

الشاص ممتازة جدا
ورخيصة جدا (الاربع بـــ 360 ريال فقط)
وتركب مكان البلد 100%100 بدون ترهيم
لكنها قاسية ولا هب صالحة لك

المرسدس
اخبر المرهمات يركبونها
لكنهم يدبلون المرسدس قدام و ورى (اكيد بيصير اقسى من الشاص)
ما ادري عن وضع المرسدس لحاله (1 فقط بدون تدبيل)اذا ركبيته هل بينفع او لا

الجبريل الابيض الغاز
ممتاز جدا
اقسى من البلد لكنه اخف من الشاص
والمنرو الا صفر بعد حليل اقسى من الجبريل شوي لكنه يناقز وغالي


المساعدات الاسترالية
ما عاد تنفع
اول كانت زينة
يومها قاسية
اما الحين ما تنفع
صارت لينة
وتنفقع بسرعة
وغالية على غير سنع (الحبة اظاهر بحول 250 ريال)
والبدائل كثيرة


انصحك بمساعدات البلد او الجبريل اذا تدور الراحة
مشكور اخوي غضنفر الصراحه كفيت ووفيت ( مع الاسف اني استعجلت وركبت مساعدات شاص وصار المطب الله لايوريك عودت قبل شوي للصناعيه وشريت مساعدات وكاله وبركبها الليله انشاء الله).
شكرا لكل من رد على الموضوع

[غضنفر]

اخوي غضنفر
وهل انت تبي تسوي مثل هذا؟؟

ما اظن عاقل يسويها

اللحين وش قصتك انت ؟؟؟
ابي افهم وشلون تفكر
قبل كمن اسبوع
مرسل لي على الخاص
اكثر من رسالة
عن الهدرز



السلام عليكم
أخوي غضنفر
مبروك عليك الهدرز
بس بغيت اسألك حسيت بفرق واضح؟؟
لاني متردد اركبه والا لا
أخوك خشيمان


و



السلام عليكم
الله يجزاك خير اخوي غضنفر على المعلومة بس عندي سؤال ثاني <<< فلها :D
بالنسبة للدبة وش مركب انت؟؟
انا اسمع العالم يقولون ازين شيئ دبة يوكن بس مادري عن صوتها
لاني ابي شيئ صوته خفيف بس مب مكتوم
أرجوا الافادة
وآسف على الاطالة



اذا مشينا على نفس تفكيرك
هل فيه عاقل بيركب هدرز ودبة!!!!

اظاهر انك ما قد رحت للبر
ولا تعرف وش يصير للسيارة اذا اكلت مطب على سرعة وكانت السيارة بمساعدات البلد

بعدين اجل انت
وش هوله شاري جيب ربع
دامك منتب متعدي البراحة الي قدام بيتك؟

عز الله
ان ولد البدائع عرف لك
يوم هو يقول

هلابك اخوي خشيمان
من خلال بحثي بمشاركاتك ورودك كلهن استهبال وضحك وفضاوه وهلابك اخوي

ومشكور على كلمة الحق اللي قلته وما قصرت

[خشيمان]

سلامات أخوي غضنفر
وراك زعلت علينا؟؟
شكلك شايلن علي شيئ وانا مدري
والله احسبك اعقل من كذا

وبعدين تعال
مب انت اللي تقعد تحاسبني على ليش اشتري ربع والا اشتري مازدا

وابعلمك يا طير البر
مب معناة اني ابركب فلتر وهدرز ودبة يعني لازم اطير زي اللي بالفيديو
إلا اذا كان جايك الموتر ببلاش
أنا ابي شيئ يقوي العزم بالمدينة والبر بالمطاعس مب (( الطيران ))
ومن سؤالي يبين إني أعقل منك
لاني ساءلك عن دبة صوته خفيف

وأخيرا لا قمت عندي لا انت ولا ولد البدائع ولا عشرة من أمثالكم

والسلام

[بوه مير نيم12]

الوكاله افضل

[رشيد4]

عليك بوارد الوكاله احسن شي الاسترالي زين بس يكسر الشاص من القاعدة والباقي تكسر انا راعي نيسان من 92 الي 97 مااغير الئ وارد الوكالة