هل هذا مرض في الطير ؟ والا لا

[أبو ممدوح]

السلام عليكم ورحمة الله بركاته
يا شباب لاحظت في الطير ( الله يكرمك ويكرم القارئين ) ان مرشه أخضر بالحيل
وش السبب أول مره تصير معي والطير صنيع ما فيه اي اختلاف ويعلف زين وشربه للماء طيب وحذفه أخر حلاوه
مللاحظة
الخضار يغلب على البياض بالحيل
هل يعني ان هذا مرض واذا كان مرض وش علاجه

انا في انتظار ردودكم لا تحرمونا من خبراتكم

[الوبلي]

عادي ياخوي اذا كان لون المرش اعزك الله اخضر فاتح اما اذا كان اخضر فسفوري معناها عندة مشكله بالطحال حاول نزع الشحم من االعلف.

[صقر الرحيبة]

والله يبو ممدوح اذا مرش الطير اخضر بالحيل ممكن يكون عنده مشكله بجهاز الهضم الاحسن تفحص الطير حتى ولو كان علفه طبيعي

وانشالله الاخوان يفيدوك

[alajmi110]

جاء معي طير السنه يمرش الله يكرمكم مرش اخضر والطير ما تنقد على اكله والا على شوع الطير
وفحصته عند الطبيب وطلع معه التهاب في الامعاء وعطاني حبوب لمدة خمسه ايام
والحمد لله رجع الطير كما كان
هذا والله اعلم .... انا افضل انك تفحص الطير .

[أبو ممدوح]

مشكورين والله يعطيكم العافيه
لون المرش الله يكرمكم أخضر غامق مقارب للسواد
أخوي maoz وش اسم الحبوب الله لا يهينك

[alajmi110]

والله الحبوب كبسولات كل يوم تعطي الطير حبتين قبل الا كل بــ 4 ساعات
اما اسمها مكتوب على الكيس كورس التهاب الامعاء
وانا اخذتها من عند الدكتور فارس التميمي في الخبر

[أبو ممدوح]

أخوي maoz
شاكر لك اهتمامك في الموضوع الله يعطيك العافيه

[alajmi110]

العفو يا ابو ممدوح ونتظر من الاخوان باقي مشاركاتهم
ترى فيه اللي اصقر مني واخبر مني في امراض الطيور
ولا راح يقصرون

[المان العرب]

اضاهر طيرك جاه املوع او دود
تقبل مروري

[عين النداوي]

السلام عليكم ,,

ابو ممدوح الله يشفي طيرك ولازم تفحصه عند الدكتور حتى مايحتاج تاخذ الطير اخذ مرشه اكرمكم الله وده للدكتور يفحصه وانت واقف

تحياتي للجميع

[أبو ممدوح]

أخواني
ألمان العرب .. عين النداوي
مشكورين على الردود
طيب الي ما حوله مستشفى وش يسوي يقشر بصل
جربت معه الخل ما نفع جربت حبوب الكنقر الي شريطته لونها اخضر ما نفع وش الحل
الظاهر اني بعطيه ثوم وش رايكم
والي عنده حل لا يبخل علينا

[peregrine1]

مرض كوكسيدا

[طيرحوران]

ابو ممدوح
لا تلعب بالطير وتعطيه اعلاجات لمرض آخر فهي تهلك الطير ووتضعف جهاز المناعه
عموما راجع نفسك وتذكر هل اخلفت بعلف طير شيء
عموما إذا كان محوط الطير اخضر فاتح او مقارب للفاتح فيمكن الطير كثر المكافخ او الطيران واجهد نفسه فطبيعي وقت الربطه يكون اخضر من الجهد
المهم الطير لاتتعبث فيه إذهب به إلى اقرب مستشفى
والله يعافي طيرك

[راعي عساف]

أخواني
ألمان العرب .. عين النداوي
مشكورين على الردود
طيب الي ما حوله مستشفى وش يسوي يقشر بصل
جربت معه الخل ما نفع جربت حبوب الكنقر الي شريطته لونها اخضر ما نفع وش الحل
الظاهر اني بعطيه ثوم وش رايكم
والي عنده حل لا يبخل علينا
السلام عليكم ورحمة الله وبركاته

اخي العزيز لاتستعجل على طيرك كل شوي تجرب حاجه معينه,الطير كم صار له من يوم وانت ملاحظ تغير المحط اعزكم الله؟الحاجه الثانيه اذا انت معلف طيرك لحم وهو متعود على السمان طبيعي يتغير اللون
للمحط وانا انصحك بحاجتين اذا ماحولك دكتور والطير صنيع عطه وجبه وحده وتكون اقل من المعتاد ,مثلا نصف سمانه ,واذا مامشى معك الحال فيه موضوع للاخ ابو رداد عن حبة البركه تعطيه خمس حبات في اليوم
مع الاكل ,او خذ لك حلتيت (خيله)اربع او خمس كسرات منها وحطها في غرشة من النوع الكبير من المياه
المعدنيه ورجها راح يصير لون الماء ابيض مثل الحليب صب عند طيرك من الماء المخلوط بالحلتيت وتاكد
ان الطير شرب منه.ان شاء الله بيتحسن طيرك (ملاحظه للاخوان )انتبهو من الطيور في المقيض لاتغتث
من كثر الاكل.اتمنى اني افدتك والاخوان ماراح يقصرون والاخوان اللي قلبي فيهم البركه
والسلام عليكم

[عياش]

السلام عليكم

افحصه بالمستشفى ممكن انك او احد غيرك معلفه لحم صيد شوزن او فيه رصاص التاكد بدري قبل لاتخسر طيرك ترا صارت مع واحد من الشباب وهذا رقمي اذا تبي تاخذ التفاصيل 050603901271 بعد اذن المشرفين

[المان العرب]

افادوك الاعضاء الله يعطيهم الف عافيه

[أبو ممدوح]

مشكورين يا أخوان على الإهتمام والله يعطيكم العافيه
أخوي عياش أنا أصيد له حمام بالسكتون بس ما أعتقد انها تأثر عليه وأصيد مجموعه وأحطها بالفريزل وأعلفه منها طبعا بعد ما تفك من البروده
أخوي راعي عساف طيب ما تأثر عليه حبة البركة والحلتيت
وشكرا

[أبو ممدوح]

أخوي طير حوران
بالنسبه للعلف هو واحد حمام ولا قد غيرته له الا قبل أسبوع عطيته سمانه
والملوع أعرف أعراضه
ومحط الطير الله يكرمك أخضر داكن يعني مقارب للسواد وبعض الأحين يمحط الله يكرمك أصفر
والله خبل بي ها الطير ما قد صارت معي لكن الحمد لله

[المزروعي]

المرش الأخضر أعزكم الله يدل على الجفاف الحاد أيضا !!

[أبو ممدوح]

مشكور يالمزروعي على الردود
ويمكن يكون جفاف
وش هي أسباب الجفاف ؟ وكيف تعرف ان طيرك به جفاف ؟
وشكرا

[بعيد الشوح]

اذا كنت تعلف لحم موحمام وسمان وجرابيع فهاذي عاده طبيعيه مره واذا كنت تعلف الحمام وغير اكشف على طيرك

[قعقاع التميمي]

أفحص الطير الله يشفيه أنشاء الله

[ابو سفيان]

يخوي ابو ممدوح رح لطير وفك فمه وشم فمه ان كان الرائحه كريهه جدا فوق المعتاد او رائحة الغرفه كريهه جدا هذايدل على ان الديدان حايسه في بدطنهههههههههه ودواه عندي ما لاحضت هذا الشي الله يكرمك ومن يقراء شفت يوم يمرش حاول بفرد المرش بملعقه او باي شي ودقق جيدا في المرج ان وجدت الدود فعرف ان الطير جسمه مليان ودواه عندنا في الطائف ان بغيت منه اجيبه لك ورقمي عندك

[أبو ممدوح]

راعي الأوله يا ابو سفيان ما تقصر
وراح أدق عليك ان شاء الله

[أبو ممدوح]

أخوي المزروعي ما جاوبت على سؤالي
وش أسباب الجفاف ؟ وهل لها علاج ؟
وشكرا