محتار بين Gx-r و Vx-r وأبي شوركم

[أبو لاند]

مراحب بالجميع


دلوني وأرشدوني يا وجيه الخير


أبغى أشتري لاند صالون مستعمل

وناس يمدحون Gxr

وبعضهم يمدحون Vxr



وأنا ذبحتني الحيرة



مع العلم أن دراهمي حول 100 ألف ريال


وش هقوتكم بهالدراهم وش أقدر أحصل ؟؟ أي النوعين ؟؟


مع العلم أني باغي من موديل 2000 إلى 2004


لا تخلونن يا الربع


أبي شوركم



وفزعتكم بالراي الصحيح

[ابوعبدالله9999]

من رأيي gxr لأن مباعه زين لجيت تبيعه.

[سلطان ال حسيان]

اخي تبي رايي الخاص vxr

يصبر سنين معك يتحمل صاحبة حتى اذا كانت رجلة عسرة علية

طع شوري انا اخوك الفكس ار خفيف نشيط صبور يطربك بكل شي ماتخاف ولاتذل بعد التوكل بعد الله
ومع السنين والجلد الكثير الي يجية مايتفكك ولا يطلع اصوات وهوالوحيد من بد السيارات الي مايتفكك gxrاثقل منة ومع الكرف يطلع اصوات ويتفكك شوي شوي
وكلامي اخي من محض تجربة جربت الفكس والجكس
تقبل مروري اخي

[AMAZ]

اذا تبي من واقع الخبره انا معاي gxr مديل 2006 له معاي سنتين السياره ماعليها كلام لكن عيبها الوحيد العزم مره تعبان عند القومه و مع الطلعات تعبـــــــــــــــــــــــــــــان مــــــــره . فيه ناس من الزملاء معاهم vxr ماشاء الله عليه يطربك . وانا الى ورطوني فيه ناس يقولون انه ارخص قطع غياره واقل صرفيه من الفيكس ار وطلعوا ماعندهم سالفه صرفيتهم وحده والسبب انك بالفيسكار ماتحتاج تدعس على السياره وتمشي وهي مرتاحه . بينما الجي اكس ار يبغالك تدعس حتى يمشي ((يعني صارحه زي الحمار) الله يكرمكم . واذا كانت هوي تايوتا عليك (بالفيكسار ) نصيحه لوجه الله .

لكن انا من رايي انك تشتري سياره جديده واذا تبي دفع رباعي ويطلع مايطلعه (الجي اكس ار) عليك بالتالي تحصله جديد او شبه جديد :

(أ) يوكن مستعمل استعمل خفيف شبة جديد تحصله بالمعارض يمكن مديل 2007 او 2006 بحدود مبلغك بمكن يزود شوية وممكن ينقص عنها شويه .
(ب) فورد اكسبلور عند الوكاله تحصله بحدود المية او اقل منها شويه .

والاهم من هذا كله خذ رغبتك ولا عليك من الناس . مع تمنياتي لك بالتوفيق .

[سلطان ال حسيان]

كلامك اخي Amaz صحيح
احد الاصدقاء قبل 5 ايام فقط باع جيبة الهدد واشتري الفكس ار لما شافة وجربة وحس الفرق الشاسع بين الفكس و جميع الجيوب الاخرى اخي الكثير من المجربين منهم محدثك جربنا انواع السيارات لم نجد مثل الفكس ار
لم نجد الموتر الي تصبر علية ويصبر عليك نصيحة لك اخي ابولاند الفكس ار وبس
هذا رايي الخاص وشكرا

[ميكانيكي هاوي]

vxr بدون جدال وهذا رأيي من تجربة شخصية خصوصا الجير العادي 2001 فيه قوة غير عادية وثبات على الطريق وسرعة السيارات الرياضية واش تبي اكثر ...

[أبو لاند]

من رأيي gxr لأن مباعه زين لجيت تبيعه.


هلا بالوناسه وراعي الوناسه

شور طيب من رجال أطيب

مشكور يالحبيب

[أبو لاند]

اخي تبي رايي الخاص vxr

يصبر سنين معك يتحمل صاحبة حتى اذا كانت رجلة عسرة علية

طع شوري انا اخوك الفكس ار خفيف نشيط صبور يطربك بكل شي ماتخاف ولاتذل بعد التوكل بعد الله
ومع السنين والجلد الكثير الي يجية مايتفكك ولا يطلع اصوات وهوالوحيد من بد السيارات الي مايتفكك gxrاثقل منة ومع الكرف يطلع اصوات ويتفكك شوي شوي
وكلامي اخي من محض تجربة جربت الفكس والجكس
تقبل مروري اخي


هلا بتولاين / إي بالله أن رجلي عسرة على المواتر ولا أرحم الموتر اللي معي

مشكور أخوي على إعطائي رأيك

[أبو فهد ( 1 )]

يقول راع المثل ما يشد حاشي وبالبيت جمل عليك بالفاكس

[الصبيطي]

عليك بالفيكسار من دون لاتسئل انا مجرب الجيكسار قومتة ثقيلة وتكرهك بالموتر اما من ناحية التحمل للجلد كلها تتحمل ما عليك من الكلام

[AL_3NZI]

اخوي كانك مستخدم وما عندك نيه بيع وتبيه للبر عليك بال Vxr واذا تبي تكشخ بس ولك نيه بيع بعدين خذ Gxr وتوكل على الله وشف ةاللي يناسب وضعك وحاجتك له

[ناصر الدهمشي]

تبي نصيحتي واللي يبيض الوجه بالبر
حول للسفاري واترك عنك التيوتا وكانك جازم على التيوتا
خذ الفكس ار اشهد انه نشيط

[VXR.2007]

عليك بــvxr من واقع التجربه

[وسيـع البـنايد]

من تـجربتي ( Vx-r 2001 ) (gx-r 2007)
والله فرق مع إن الجي اكس فل كامل وإلا إن قلبي يفز إذا ذكرت الـفكس
توكل على الله واستخر وخلك على Vx-r إذا ما تهمك بيعته بعدين وإذا انت بتستخدم لـسنوات ..
اركب عليه وغـنّ

( يا قـوّ قـلبك على الشــّدة ويا صـبرك ) .. :D

[ابوعبدالله678]

اخوي
GXR ممتاز عزمه متوسط :good: :good:

VXR ممتاز جداً وعزمه قوي :good: :good: :good: :good:

[أبو لاند]

الله يعطيكم العافية كلكم

لكن خوفي أطيح بواحد دمار


الله يستر بس

[هاوي الدواسر]

Vxr موديل 2002 أو 2003 لاتعداه . طبعاً على قد دراهمك

[أبو لاند]

الله يعطك العافية هاوي الدوسر

أشكرك على نصيحتك

[مكشاتي غير]

حيرتك نفس حيرتي

ومش على شورت الشباب

وموفق باذن الله

[عين الداب]

عليك بالفكسار لامشا يومين ماجاب الملل وان اطعتني خذ شاص ههههههههههههه

[ابوفيصل-gx]

vxr للي يبي يستعمل

gxr للي يمل من السيارة ويحب التغيير دايم [بالعربي gxr ابيع]