:: عندي مشكلة في ماكينة السيارة ::

[هاجس]

السلام عليك ورحمة الله وبركاته , ,

هلا بـ إخواني , ,

واجهتني مشكلة في السيارة وقلت مالها إلا الله ثم مكشات :) . .

- السيارة لاندكروزر جي اكس آر مديل 2004
- المشكلة المكينة غير صافية وترج في حالة الوقوف !!
- غيرت البواجي , اسلاك البواجي , طرمبة البنزين , جميع الفلاتر , سافرت عليها قلت يمكن تصفى
ولكن ماتغير شي !!

ممكن أحد مر بهالمشكلة يفيدنا جزاه الله خير , , ,

[الساهر2003]

حياك الله اخوي
ممكن تتاكد من الديلكو ووزنيته
واذا شغلته الصبح يطلع دخان كثير من الشكمان
كم يوصل الظغط اذا انت واقف نص او واحد
والشباب راح يفيدونك وهل فكيت حساس او معبي بنزين وظهرة المشكلة فجئة

[راعي الجيوب 1]

حياك الله اخي السائل
اذا كانت المكينه ترج تاره ترتفع وتاره تنخفض عليك بتنظيف منظم دخول الهواء الذي يركب فيه خرطوش القربه بجوار الثلاجه وقد حدثت معي بجيب ربع 2003 وتم تنظيفه والحمد الله رجعت السياره مثل اول !
تقبل تحياتي

[هاجس]

حياك الله اخوي
ممكن تتاكد من الديلكو ووزنيته
واذا شغلته الصبح يطلع دخان كثير من الشكمان
كم يوصل الظغط اذا انت واقف نص او واحد
والشباب راح يفيدونك وهل فكيت حساس او معبي بنزين وظهرة المشكلة فجئة


هلا بك ياغالي , ,
ممكن تتاكد من الديلكو ووزنيته ( متأكد منه ووزنيته مضبوطه)
واذا شغلته الصبح يطلع دخان كثير من الشكمان (لا مايطلع)
كم يوصل الظغط اذا انت واقف نص او واحد (نص)
والشباب راح يفيدونك وهل فكيت حساس او معبي بنزين وظهرة المشكلة فجئة (طلعت فجأة)

[هاجس]

حياك الله اخي السائل
اذا كانت المكينه ترج تاره ترتفع وتاره تنخفض عليك بتنظيف منظم دخول الهواء الذي يركب فيه خرطوش القربه بجوار الثلاجه وقد حدثت معي بجيب ربع 2003 وتم تنظيفه والحمد الله رجعت السياره مثل اول !
تقبل تحياتي

ممكن , ,
المكينة ترج زيادة إذا وقف الكمبروسر او زدت ضغط المكينه !
هل صار هذا معاك !

[راعي الجيوب 1]

حياك الله اخي العزيز هاجس
نعم ماذكرته صحيح ولاكن اذا مشيت تحس ثقل بعزم السياره كنك تجر خلفك شئ ! فقط عليك التئكد من توصيل الاسلاك والاهواز التي حول المنظم والبخاخات ! وقم بتنظيف فلاتر القربه الصغير والكبير وذا كل شئ عندك تمام قم بفك المنظم وتجد فيه من الداخل بلسان الذي يسمح بدخول الهواء تراب وغبار قم بتنظيفه وانشاء الله ترجع سيارتك مثل اول ، سبق ان مرت علي والحمد الله كل شئ تمام ،،
تقبل تحياتي

[Magellan]

بالنسبة لتنظيف منظم الهواء (اللهات) وهو اللي يدخل لثلاجة المكينة فقد طرحت موضوع على هالرابط لسيارات جي ام ،طبعا المبدأ واحد في كل السيارات ،شفه يمكن تستفيد
تعلم بنفسك كيفية تنظيف (منظم الهواء) في الجموس والشفرات (http://www.mekshat.com/vb/showthread.php?t=133113)
طبعا الرجه وانت واقف (النفضة)عادة تكون من وزنية اللهات وهي تحتاج إنها ترخى شوي عشان تقوي تدفق الهواء ،

[رحال7]

ما قصرو الشباب جزاهم الله خير ..منظم الهوا يجب ان يكون هدفك القادم!

كذلك لا تنسى ان تبدا بحساس الهوا تنظفه ببخاخ خاص بالتوصيلات الكهربائيه

هذا باختصار والموضوع بالتفصيل للاخ ماجلان.

والله اعلم

[هاجس]

راعي الجيوب
ماجلان
رحال


لاهنتم ياغالين , , ,
معلومات جدا قيمه , , ,

جزيتم خيرا

[جيب الربع]

السلام عليكم , تائكدياخى من اول شى اللمبه تشييك على المكينه هى شغاله ولالا زين ثانى شى افحص اسلاك البخخات واحد واحد