يطلع دخان اسود وازرق من موتري هل يبي توظيب

[راعي الضلع]

اخواني الاعزاء الى وقفت الموتر يوم او يومين وشغلت يطلع شوية موية ثم دخان اسود والى دست شوي وعلقت طلع دخان ازرق وش المشكلة مع العلم اني ما لاحضته ينقص ومغير طبة الزيت كانت متهالكه وغيرت الزيت والسيفون مرتين ونفس الشي ومشيت مشوار الموتر سفاري 97 ماشي 370000 تقريبا وش رايكم

[بديوي]

الله العالم انه يبيله تنظيف اذى موية بداية التشغيل هذا يدل على نظافة موترك الدخان الاسود كربون الدخان الازرق تبويش كيف اجتمعت عندك مدري

[ذئب اليل]

الي اعرفة ان ادخان السود كربون ام الدخان الزرق تبويش ام الدخان البياض فهو جلد بلوف وهذ مهو تبويش لاكن ماتجتمع سوا هذ والله أعالم

[shaheenshah]

-اذا الموية اللي تطلع واجده فاعتقد انه يبيلها وجه سلندر ، المويه تطلع من المجرى على البساتم وتطلع مع الشكمان
- الدخان الاسود عدم اكتمال عملية الاحتراق يا ان البواجي يبيلها تغيير او اسلاكها ما توصل زين ويبيلها تغيير او اذا كان موترك كلبليتر ناظر وزن الهواء مع البنزين
- الدخان الازرق تبويش وانا اجزم ان موترك على وجه تبويش او انه مبوّش (كلام يضيق الصدر) يعني ماشي (370000) ما قصر

[بواسامه]

الدخان الاسود هذا كلبريتر ويبيله تنظيف فسوي له اصلاح اصلي
اما الدخان الازرق فهذا تبويش باين ويبيله شنبر

[ابوفهيدان]

تري راي الشباب مهو اكيد يعني جاوبوا علي قد المعلومات اللي عطيتهم
بس الافضل تفحصه عند احد الورش المتخصصه للتاكيد

[راعي الضلع]

مشكورين على المعلومات وجزاكم الله خير

[بدوي جنوبي]

اذا الدخان الازرق ينقطع بعد الدوس
هذا يدل علي ان جلد البلوف فيها ضعف وتحتاج تغيير
مو شرط يكون تبويش

الصورة توضح قاعدة البلوف
الزيت خلال اليوم او اليومين ينزل (لاحظ الدوائر الحمراء)
http://www.mekshat.com/pix/upload02/images69/mk32037_22.jpg
من بين البلوف بسبب ضعف الجلد
ويصير داخل السلندر (غرفة الاحتراق)
وعند التشغيل يظهر دخان ازرق لان البستم مليان زيت

اما اذا استمر الدخان الازرق هذا يسمى بداية تبويش
والسبب ضعف الشنبر وممكن تمشي بالسيارة لكن يسبب
نقص بالزيت علي حسب مقدار ضعف الشنبر

ان شاء الله وضحت المشكله
بالتوفيق :good:

[كيكي]

بسم الله الرحمن الرحيم

بالنسبه للدخان الازرق ممكن شنابر وممكن جلد بلوف واذا الموتر قير اتوماتيك فيه لي يرجع من القير على

الثلاجه وبدا يرجع زيت .

اما بالنسبه للدخان الاسود فهو من الكلبليتر يكب بنزين زياده ويطلع ما احترق .

اما المويه فهي ماهي دليل على نظافه الموتر بعض الاحيان من وجه الراس ولا بخار مويه يتجمع من الحراره

فيطلع مويه .

والله اعلم .

[الخيال 1]

لحق لاقرب ميكانيكي ...................وسقط شنبر.