وانيت الجمس يطامر بأقل رمل وما يمشي

[بوسدن]

السلام عليكم يا الربع
وانيتي الجمس 2500HD قمارة موديل 2006 بأقل رمل يناقز ويطامر ولا يمشي إذا كان غير محمل وأزعجني لأني دائما أشغل الدبل وش الحل ؟ أرجو المساعدة مش بس وانيتي كل الوانيتات الى مثله

[صاحب الجيب]

وعليكم السلام ورحمة الله وبركاته

أخوي بو سدن بإمكانك تغيير المساعدات ( ماصات الصدمات) بنوعية مونرو وبإذن الله راح تمشي معك تمام

[الساهر2003]

اخوي الموتر اذا يطامر في النفود اكيد مليون بالمية الكفرات مليانة هواء لازم تنقص الهواء ل 10 وثم جرب راح تتزلج على الرمال الذهبية
جرب هذه الطريقة ثم فكر في تغيير المساعدات
مع اطيب تحية للجميع

[بوسدن]

مشكورين صاحب الجيب والساهر أنا أقصد أقل رمل مو بس بالنفود يعني وأنا رايح مراح الغنم أو نزلت جمب الشارع وفيه شوي رمل يتعبني وما أقدر أنزل الكفرات دايما يعني الهوا الطبيعي 35 تقريبا وش تقصدون بالمساعدات (المعاون) وانا المعاون شد بلاده وهو (هفي ديوتي) لأن الوانيت 2500HD وخاص بالتحميل أرجو أن لا تبخلون على بالمساعدة وشكرا

[بومعطش]

ياغالي 35 واجد نزله ل30 ولا 28
وبسألك نوع التواير وش؟؟
والموتر قير عادي ولا؟؟
وإذا كان حوض طويل طبيعي المطامر فيه والله العالم

[ابوفهيدان]

اذا انت تقصد هفي ديوتي اللي تجي كفراته الخلفية اربعه كفرات
تري المطب فيك فيك لو ويش ماتسوي فيه بس بامكانك تخففها عن طريق تدبيل المعاونيات
وبعدين خل الهوا من 25 الي 30

[الساهر2003]

اخوي لو كان رمل قليل وهواء الكفرات 35 لو ونيت ددسن او هايلوكس او باث راح يطامر اذا بدون دبل وبالدبل اذا شديت على السيارة وفي حالة وحدة مايطمر الكفر اذا حملت الونيت حمولة كبيره تانكي ماء كبير راح يركد الموتر
ولا مشكلة من تدبيل المساعدات

[عاشق z71]

يالغالي انا معي زيك جمس غماره موديل الفين لاكنه 1500 الموتر وعر موب لين وهذا كل الونيتات الجموس كذا لانه سست


اصلا هو وعر لانه للتحميل

[GMC79]

دبل المساعدات مرونوا او جبريل

[بوسدن]

مشكوريين على ردودكم قللت هواء التايرات (الكفرات) وتحسن الموتر كثير وكان الهواء القديم ضغط 50 وأنا ماني عارف كنت أعتقد إنه 35 ومشكوريين يا الغالين

[سيف الظفير]

خلة الضغط من 20 الى 25 واشبك الدبل الخفيف والعن جدفه لاترخي عليه

[وقيان]

مشكوريين على ردودكم قللت هواء التايرات (الكفرات) وتحسن الموتر كثير وكان الهواء القديم ضغط 50 وأنا ماني عارف كنت أعتقد إنه 35 ومشكوريين يا الغالين



الله يهديك اخوي... الصيف جاا ولازم تشيك ضغط التايرات في الاسبوع مرة على الأقل... وعلى العموم اللي يقول ان الجمس يطامر يروح يجرب الشاص وبيعرف وش معنى المطامر....

الجمس مافيه ألين منه بالنفود وغير النفود....اسأل مجرب ;)