اصحاب الهيلكس الجديدة سؤال عن الدبل والعادي

[ابوعاشق فهد]

السلام عليكم ورحمة الله وبركاته
اريد ان اسال هل هناك فرق بين الهايلكس الشكل الجديد الدبل والعادي (يعني 2007_2008_2006)

بالنسبة ل...
هل العادي اخف من الدبل بالقومة والراحة والسلاسة سواء سفر او بر او بالديرة للدوام
بعدين فيه تماتيك وعادي هل التماتيك فيه ذوارب هذا للي مجرب
لاني مشتهي اشتري سيارة بعد رمضان بس بين الدبل و العادية السيارة اللي عندي قديمة موديل تحت 90 وذبحتني لا عزم ولا مكيف وتصرف ومسمكرة بس الميزة انها تمشي الحال

وودي اشري سيارة ما اتحسف عليها وهي هايلكس احد النوعين (عادي _او _ دبل)
وسلامتكم

[فارس العمور]

عادي اخف كثير من الدبل

او ابعد من الهايلكس كلها خصوصا 2006 ووووفووووووووووووووووق ترى اندمرت والله خفيفه وهشه بس فيها فزه حلوووه اذا انت مراهق بتعجبك فالقومات !! واذا رجال راكد فما تنفعك تفكك خصوصا الوجهية

[الموالي]

انحر الددسن تراه ممتاز(أنا مجربه) ولا أدري عن الهايلوكس

[Abu Saad]

ابعملك عن الي جربته 2006 دبل ديزل ..
انصحك ماتشريه لبرودة عزمه ...مع العلم انه تيربو .
غيره مدري عنه.

[.أبوعبدالرحمن]

اخوي الغالي ولد عمي معه هايلكس فل كامل دبل 2008


الصراحة الموتر ما عليه كلام لا مكيفه ولا عزمه ولا دبل وكل شيء فيه حلو وبطل الصراحة


ودخلبه للبر كم مرة ودخل دخلات والله ما تتوقع اقوى الجيوب يمشيها وماشاء الله تبارك الله مشاها


والصراحة بطل الهايلكس اذا بتاخذ واحد توكل على الله

[السفير14]

وعليكم السلام ورحمة الله وبركاته...

انا محاكيك معي هايلكس 2007 دبل ,, والحمد لله ممتاز..

اولا قبل كل شي هل انت راعي بر ولا لا ؟؟

اذا كنت راعي بر فترى الهايلكس العادية ما تنفع نازله مرة, وعلى طول صدامها ينفك, بس الدبل غير, ما شاء الله مرتفع وجهه وما تشيل هم الصدام ولا شي..

اما اذا انت تقول والله انا مالي في البر بس في الديرة للتحميل فخذ العادية..

العادية اريح من الدبل, طبعا انا بكلمك من واقع تجربة لان مع واحد من اخوياي 2006 ..

واذا بتتكلم عن الخفة اكيد العادية اخف ,, لانهم نفس المكينة , بس مع ذلك الدبل ما شاء الله نشيط..

وما ادري انا عندي وجهت نظر اللي هي (الهايلكس 2006 وفوق لا تاخذ الا دبل) ,

واما كلامك عن الاوتوماتك فاقولك انحش عنها ( دبل و 4سرندل وتوماتيك وش بتصييير!!!) انواع الثقل..

وختاما اذا بغيت تاخذ دبل خذ Glx اللي بدون Abs.. لانه قلق في البر

[Magellan]

واما كلامك عن الاوتوماتك فاقولك انحش عنها ( دبل و 4سرندل وتوماتيك وش بتصييير!!!) انواع الثقل..

وختاما اذا بغيت تاخذ دبل خذ Glx اللي بدون Abs.. لانه قلق في البر

أخوي السفير سؤال على الخفيف الله يرضى عليك
وش تقصد بـ ABS ، اللي أخبره هو نظام مانع للإنغلاق للفرامل وهو ممتاز للسيارات ومطلوب
لا يكون أخوي إنك تقصد نظام Traction cntrol أو Stability track اللي هو التحكم بالثبات ، يعني لو كنت تطاعس بالرمل ماتدري إلا والموتر قار (يعني تشبث بالأرض) لأنه ماينفع بالرمل ماينفع إلا بالطرق الزلقة ...
ياليت تعطيني خبر هل هو نظام مانع للإنغلاق وإلا نظام التحكم بالثبات والسيطرة

[السفير14]

أخوي السفير سؤال على الخفيف الله يرضى عليك
وش تقصد بـ ABS ، اللي أخبره هو نظام مانع للإنغلاق للفرامل وهو ممتاز للسيارات ومطلوب
لا يكون أخوي إنك تقصد نظام Traction cntrol أو Stability track اللي هو التحكم بالثبات ، يعني لو كنت تطاعس بالرمل ماتدري إلا والموتر قار (يعني تشبث بالأرض) لأنه ماينفع بالرمل ماينفع إلا بالطرق الزلقة ...
ياليت تعطيني خبر هل هو نظام مانع للإنغلاق وإلا نظام التحكم بالثبات والسيطرة



هلا وغلا فيك يا Magellan..

هذا الــABS اللي هو مانع الانزلاق كما ذكرت, هو ممتاز للسيارات غير حقت البر..

مع واحد من اقاربي ايضا هايلكس دبل 2006 GLX-S اللي هو جي ال اكس سوبر,, الصراحة متوذي منه في البر اذا طق بريك في نزلة تزمع صوت الـABS ويضيق صدرك , و مره كنا كاشتين وخذت سيارته بروح للمحطة وانا رايح وخاصة اننا في نفود كل ما طقيت بريك ولو على خفيف تسمع صوت (كخخخخخ) ويوم رجعت قلته وش في سيارتك الظاهرة انها فيها مشكلة (لان الصوت بصراحة قوي ويضيق الصدر)
قال هذا الـABS والله اني غلطت يوم خذته ..

انا معك الــ ABS زين في الديرة بس في البر دمااار..

وممكن تسأل وتقول الفل كامل (GLX-S) منتشر مع الناس اكثر ,,ولا اشوف الـGLX الا مع الشركات..

انا بجاوبك الناس يقولون ما بين GLX-S وGLX الا تقريبا حول 4.000 ريال ,
ومدام اني دافع فوق الـ70.000 ما هي فارقة معي 4.000 ,, (طبعا انا اكلمك يوم جيت اشتري سيارتي) , وبكذا تشوف الـGLX-S منشر وبكثرة , وبعدين الناس يتوذون منه..


واما الشركات فأكيد تدور التوفير واذا طاحلهم 4.000 في كل سيارة بيوفرون واجد .. ولو قلنا ان الشركة اشترت 10 سيارات يعني بتوفر 40.000 وهذا مبلغ حلو..



اتمنى انكم فهتوا وجهة النظر من خلال التجربة الشخصية.. واي شي انا حاضر..

[majed_481]

وعليكم السلام ورحمة الله وبركاته...
اخوي انا معي هيلوكس 2008 GLX 4x4 رحت لامارات انا والاهل ورحت للشمال ورحت للشرقية ملاحظة اي مشكلة ولامن قبل الاهل الحمد لله بالعكس كل من ركب معي يمدح السيارة اصحابي راعين شواص الصراحة يمدحونها بالحيل عاد انا مركب توانك وطبقة بس باقي الشد انشاءالله ابركبة قريب انصحك تتوكل على الله وتطق وحدة وصدقن مراح تندم وان كنت تبي تجربه تعال لمي بالرس وابد احسب السيارة سيارتك وحياك الله
اخوك:
majed_481

[Magellan]

أخوي السفير14
بارك الله فيك على توضيحك وماقصرت
والهايلوكس موتر يطربك في كل وقت
أخخخ راحت علينا في موديل 2006 يوم كان يباع بـ56 الف
واحد يقول لي إشتره وأقول ماش شكله مو عاجبني ، لكن في كل دقة تعليمه
الله يبارك لك أخوي السفير14 في موترك ويعطيك خيره ويكفيك شره
وإحترامي للهايلوكس يزيد