رايك في الg ٢٠٠٨

[متعب الكواويخ]

السلام عليكم ورحمة الله وبركاته


كيف حالكم ياربع كلن بسمه


ياخواني انا ان شاء الله ناوي على لندكروزر G مديل ٢٠٠٨ لكن ماعرف هل هو زين ولا
فحبيت اخذ راي الجماعه لي جربوه ووجهت نظر الربع


والعذر والسموحه

[الشقب1]

اشردد طق والله انه ماااينفع 2007 احسن بوااجد

[عضـو قديم]

من افضل ما صنعت شركة تويوتا بس عليك بالقير الاوتوماتيك تبترونيك

[AMAZ]

g اذا تبي نصيحتي لا تاخذه رايح تندم بعدين لما تبي اي ميزه موجود بالطيرزات التي غيره ماتحصلها وقولك اهم شي وهي :
1- مكيف واحد . ولا يوجد حتى فتحات تهويه بالخلف.
2- مثبت سرعة مهم وخاصه في مثل هذه السيارات من شان تثبت السرعة على 130 وترتاح من السرعة الزايده وتريح رجلك من التعب .
3- سعره ماهو رخيص من شان الواحد يقول انه كسبان بفرق السعر على ما أظن 143 الف مبلغ كثير عليه يعني على مواصفاته هذي صارحه يستاهل 115 الف .
وفيه نواقص ميزات كثيره لكن ماني فاكرها . وهي مهمه .

[ذيب طي]

عليك بالــ vtc4800 وماراح تندم -- يطربك--

[مكشاتي غير]

اذا تبي g خذها اسنندريه قير عادي

اما اذا تماتيك انصحك v8

[ابوعقل]

والله انه موتر

بس مشكلة الجي

انه بدون مواصفات يعني مكيف واحد

ومافيه مكيف للي يركبون ورا

هذا السعودي اما الخليجي ماعندي علم يمكن يجي مكيفين

[.أبوعبدالرحمن]

زد على فلوسك شوي وخذ جي اكس

[kk999]

اللاند الجديد غالي على الفاضي وبعديك ال G يذكرك بايام زمان لما كانت السيارات الفخمه مره تجيك قزاز كهرب يعني بصراحه مافيه اي ميزه فاضي من جوا حتى زين انهم حاطين فيه طاره وفي الاخير ب140 ريال على اييشششششششششششش هالسعر لكن مشكلة الشعب عندنا ياخذون اي شي باي سعر عندك خيارات اخرى افضل 100 مره بهالقيمه عندك الباترول عندك الباجيرو عندك التاهو .. ليش تدفع اكثر في شي يعطيك اقل ؟؟
بعدين اللاند الجديد في نظر اكثر الناس فاشل جدا لثلاثه اسباب
1 شكل قبيح من الجنب والمؤخره اما الامام فجميل
2 ضعيف جدا مكينته ماتسوى واذا اخذت قير اوتوماتيك يبيلك سياره ثانيه علشان تسحبك (ثقيل مررررررره )
3 المميزات الداخليه اقل من المنافسين في فئه Gx بكثيييير مع ارتفاع السعر بشكل غير طبيعي بالنسبه للمنافسين
وترى سبب ارتفاع سعره كلام الشريطيه الي مايفهمون اصلا في السيارات بس همهم انهم يبيعون باي شكل وانتوا عارفين هالكلام الواحد منهم يطلق علي السياره 100 مره (اكذب من رايت من البشر )
تحياتي

[المجمعه]

اذا يمشيك 6 سلندر الجى كويس بس مشكلته المكيف

[svd-007]

يمدحون ال LR3افضل من الجي ب1000مرة بس زود 15000 الف والمحرك 6 سلندر وشغل نضيف وفخم وارسا وفية وضائف دنميكة زية زي vxr

[هواوي]

وشو ال Lr3؟؟؟؟

هل هو من تويتا او نوع من انواع اللاند

[جن جون]

يا شباب في مشكله محد منتبه لها اللي هي الثلاجهمن تشغل الثلاجه يبداء المكيف يشتغل توماتيك مع الثلاجه ولا في امل انه ينطفي وحتى لو تبي انت تطفيه ما يطفى لحد ما تطفي الثلاجه وفوق هذا كله الدبل كهرب يفصل اذا احتر يعني لو تطيح في رباضه مافي امل انه يطلع الا بدبل الثقيل بس الدبل يقولك شوي شوي يعني يحتر يفصل على طول بالعربي فاااااااااااااااشل بو فلبن ماعرف يتطور ذا السنه ولكم تحياتي جن جون

[svd-007]

اية الاند روف لا وكمان ضمان 5سنوات وعداد 150000 الف

[مخاوي الكشات]

يا أخي سأخاطبك بلغة العقل ..

هل يعقل أن تشتري سيارة بـ 145 ألف ومكينتها 4000 فقط قياساً على وزنها الثقيل جداً وجرمها الكبير ومحدودية مواصفاتها لا مثبت سرعة ولا مكيف خلفي وكفرات وجنوط قمة في القبح لا يوجد فيها مواصفات السيارات ذات 100 ألف يا أخي البديل جاهز صدقني لو كانت سعة مكينة السيارة كالسابق 4500 كان من الممكن أن أوافقك ولكن مكيتنها وسعتها صغيرة بالنسبة لحجم السيارة تخيل مكينة برادو وفورتشنر هي نفسها مكينة اللاند تخيل أنا أنصحة بـ الفتك ( ولكن مشكلته وكيله اللص وأنه إذا كنت مهبول يتفكك ) ,.
أو الفوتشنر سعره 105 الجديد يأتي معه مثبت سرعة وقفل دفرنس .
أو الباجيرو

[متعب الكواويخ]

السلام عليكم ورحمة الله وبركاته

كيف حالكم ياربع
جزاكم الله خير على نصايحكم ورشاداتكم كلكم
لاكن ماكتب الله نصيب بالسياره انا كنت بشتريها مستعمله ماشيه ٨٠٠٠ ب ١١٠،٠٠٠ لاكن الريال راعي الموتر غير رايه في الحظه الاخيره

ومشكورين يالربع على ردودكم ومشاركاتكم