ودي بجيب جديد ومحتار بين هالسيارات الله لايحرمكم الأجر دلوني

[فهد33]

اشكر جميع القائمين والمشاركين على هذا المنتدى الراقي والرائع والقيم بآرائه وتحليلاته المنطقية ..أود استشارة الجميع ومعرفة الاختيار الامثل من بين السيارات التالية.. حيث أنني ابحث عن سيارة 4*4 مناسبة من حيث الاتي:
1-قوة تحمل ومتانه وصلابة وما تتهرقل بسرعة
2-الهدوء والراحة من الداخل خاصة في الخطوط الطويلة وتكون واسعة ورحبة من الداخل
3-توفر الصيانة وقطع الغيار والدعم الفني
4-الشكل الخارجي والقوة والعملانية في حالة التغريز في البران والطعوس علما انني لست من هواة التطعيس ولكن ما يضر لو صرت في موقف محرج في البر ابي سيارة تقوم بالواجب
مع ملاحظة الاتي :
السيارة راح اشتريها نظام تاجير منتهي بخيارالتملك في كل الاحوال لآني لا املك الكاش ...
: فورنتشر 2008(6)سلندر / او باجيرو300سيسي 2008/ او باثفاندر2008
ارجو الافادة من الجميع بالاراء المقنعة والمحايدة البعيد ة عن التعصب وذلك من واقع التجربة وتدعيم ذلك بالصور ان امكن
واخيرا اشكر الجميع وانتظر ردودكم بفارغ الصبر وتقبلوا تحياتي....
ولم هم خارج المنتدى يمكن ارسال رسائل عبر البريد بالضغط على الصورة
وشكرا سلفا ..

http://www.freewebtown.com/fahad3/msn1.gif (http://fahad33.arabform.com/)

[alkongrs]

نيسان فتك 4800 ما شا الله رساوه وبالنفود يمشي ورحه

حتى المكينه ماتسمعه :)

[أبو ربيعان]

زي ما انت عارف جيبين يعتلون القمة الفتك + اللند

مشكلة اللند إنه غالي بشكل مبالغ فيه ، اعلى من ما يستحق بكثير
إضافة إلى إن أقساط التويوتا فوائده عالية والقيمة الإجمالية للأقساط كبيرة ..
ومشكلة الفتك إنه ما يناسب لك إنت وللي تبيه بالموتر
ولا الموترين لا يعلا عليهم


من هالمواتر اللي إنت حاطهن عندك الفورتشنر ممتاز لكن عيبه وزنه الخفيف
والشكل اللي مو مقبول عند الأغلبية
طبعاً قطع الغيار والاستعمال والأمور هذي كله مايحتاج نتكلم فيها ممتازة مثل ماعودتنا التايوتا ..

الميتسوبيشي ممتاز مكينة وأداء ولا تغرك صغر حجم المكينة بالأرقام
لكن يعيب الميتسوبيشي قطع غياره المكلفة ( حتى القطع الاستهلاكية قماشات .. إلخ )
وغيره إنك لو تاخذه كامل ماله سوق كبير وإقبال مستقبلاً ولا يمسك سعره زي التايوتا والنيسان

الباثفايندر أشوف إنه سيارة عائلية أكثر من بقية السيارات اللي إنت ذاكرهن
مكينة ممتازة ، لكن ما عندي خلفية عن آدائه واستعماله بالبر ..

[@@معلم صف@@]

اخوي هذا موقع يمكن يساعدك والله يختار لك الصالح


http://www.*******.com/forum/



تم تحرير المشاركة بواسطة المشرف

[.أبوعبدالرحمن]

اعتقد ان المناسب لك هو الفورنتشر ويكفي انه يحمل شعار تويوتا


وأي احد يقول لك انه تايلندي او اندنوسي او صيني او ........ الخ اسأله مباشره هل انت جربته

ستجد الجواب بـ ( لا ) وهذا طبيعي لانه يتكلم على الصناعة ولكن مايتكلم عن التجربة وهي الاهم المهم




فأسأل الله ان يختار لك اللي فيه صالح


لكن احببت ان اذكرك ايضا بصلاة الاستخارة

[مساير الليل]

الفرتنشر عيبه عدم الرساوهـ وغير مريح

لكن هو افضلهم من ناحية الصيانه

الباثفندر من وجهة نظري أرى أنه أفضل الخيارات
رساوهـ في الطريق قوهـ

لكن يعيبه الصيانه لاتقارن بالتويوتا لكنها مقبوله نوعاًً ماء



الباجير قطع غيار غاليه وصيانه تعبانه

أرشح لك الباثقندر ولاتنسى صلاة الأستخاره

[البضيع]

ليش ما تجرب نيسان اكستيرا الجديد يمدحونه كثيير

شوري انك تاخذ الفورتشنر

الله يكتب لك اللي فيه الخير وتقبل تحياتي

[رغوه]

جرب الفورد الاكسبدشن الوسط والله روعه رساوه وصيانه قوه في العزم

[BigBlock]

ليش ما تجرب نيسان اكستيرا الجديد يمدحونه كثيير

شوري انك تاخذ الفورتشنر

الله يكتب لك اللي فيه الخير وتقبل تحياتي


السلام عليكم . والله انك صادق النسيان اكستيرا 2008 جديد مكينه سته سلندر حقت الباثفايندر زجاج كهرب 4X4 قير عادي 82,000 ريال و صناعته امريكي. لكن الفل كامل سعره يتعدا الميه.

[أبو فهد11]

أخوي فهد33 عليكــ بالاستخارهــ

والشيء الثاني الفورتشنر صراحه قمه

وهو تويوتا غني عن التعريف

لكن كفخامه الباث فندر هو أفخم

أما الباجيرو لا يهمكــ

أخوكــ أبو فهد11

[سيف الظفير]

انصحك با الباترول مستعمل فتك VTC4800

خذ لك يا الغالي موديل 2007 او 2008 سفاري نظيف جداً بـ 123.000

او فور تشنـــــــــر مثل ماقلت

[aooa]

السلام عليكم

انصحك باكستيرا


ولمزيد من المعلومات عن هذه السياره اليك هذا الرابط


http://www.******-*****.com/vb/forumdisplay.php?s=&daysprune=-1&f=38





تم تحرير المشاركة بواسطة المشرف

[فارس العمور]

السلام عليكم

انصحك باكستيرا

والباث فندر افضل الخيارات ويعيبه سعره ووكيله الفاشل

لكن كسيارة 100%

[خالد030]

أخوي فهد الفورتشنر أو فق لك

[الشوكيss]

السلام عليكم

انصحك بالباث فندر افضل الخيارات الثلاث



سيارة 100% في الاستخدام والبيع

الله يكتب لك اللي فيه الخير وتقبل تحياتي

[عين الداب]

شاص وغيره لايهمك

[جساس.]

انا مع اخوي ولد العمدة لا تتعدا النيسان
من واقع تجربة



تحيتي,,,,,,


.

[GMC79]

شف يا اخي ان اخترت الفور تشنر لن تخسر ابد

ان اخترت الباثفيندر غالي وصيانته اغلى وركيك

ان اخترت الباجيرو لاشك انه رائع لكن ياويلك من الصيانة

هناك الاكستيرا كل ما اعرفه انه افضل من الباث

[فهد33]

الله يجزاكم بالخير ويبارك فيكم ماقصرتوا بيض الله وجوهكم ..

[بيبسي]

بصراحه انا استغرب من بعض الردود الرجال يخيركم بين ثلاث سيارات وهو ماختارها الا وهي مناسبه لفلوسه واحتياجه ... تروحون تردون عليه بسيارات ثانيه ماطلب رايكم فيها ... على العموم انا انصحك بتويوتا فورتشينر 6 سلندر قير اتوماتيك ماشاء الله عزم حلو وقطع وصيانه ويمسك سعره اكثر من الباجيرو والباث

[المعشي99]

انصحك بولد الاندكروزر البرادو vx سته سرندل افضل سيارة موجودة الان

[القبقب]

من واقع تجربة لاتقرب الباجيرو 3000 تعبان جدا مايصلح لشىء الميزة الوحيدة أقتصادي في البترول .
ولكن أنصحك بالباجيرو 3800 .

[مكشاتينيو]

السلام عليكم

باجيرو اخوي

[عآشق الحره]

اخوي ابعد عن النيسان الباثفندر والله مجربينه جديد على طول يتهربد(ينعدم)ولا عزمه معليه
تيوتا وبس ياخوك خاصا الفورنيشر مواصفاته خيال.

[بدوي جنوبي]

ارشح الباثفندر عن تجربة

جرب استاجره وشوف شلون قوته ورساوة ما راح تصدق

يكفي ل 7 اسخاص بالغين


والله يعينك بتكون محتار اكيد


بالتوفيق ان شاء الله

[النادر666]

اخوي بصراحه كل السيارات اللي ذكرتها ما جربتها
بس انا مجرب التويوتا ما فيه اي عيب يعني انصحك بالفورنيشر
والبرادو الــ 6 سرندل افضل منه واقوى واوسع واجمل
هذي وجهة نظري
وتقبل فائق احترامي