ماهي أفضل ورشه للسفاري؟

[ALRMTHAH]

السلام عليكم ورحمة الله وبركاته ؟

شباب ممكن تدلوننا على افضل ورشه للسفاري بالرياض لان عندي مشكله ما لقيتلها حل اذ دعست بنزين يقطع الموتر بعدين يفز كان احد ماسكه وتاركه فجأه غيرت بواجي وصفاي بنزين ونضفت البخاخات وماراحت
والسؤال الثاني انا غيرت المساعدات حطيت مساعدات شاص وصار مطبه قوي هل ارجع لمسعدات الوكاله او فيه افضل منها وشكرا

[osqari]

كم الموديل يالحبيب واظن فحص الكمبيوتر يختصر عليك الوقت ويمكن يوفر عليك القروش

[NissaN 1990]

أخوي على كلامك إن موديل السياره من 1997 ونازل وإذا هذا الموديل فهذا طال عمرك في الكبوت ليات صغيره مره أصغر مثل ليات المكيف الصحراوي وهي تغذي الكربريتر بالهواء يمكن فيها واحد مفصول أو متسدد وهي إذا صار فيها واحد من اللي قلت يصير معك نفس المشكله اللي ذكرتها ،،،وإذا ما هو هذا الموديل ياليت تحدد وش الموديل عشان نقدر نفيدك بحكم الخبره المتواضعة مع السفاري ،،،،، وأما عن المساعدات خل عنك حق الشاص وغيره ركب جبريل البيض ما فيه مثلها عمليه وممتازه ورخيصه
وآسف على الإطاله بس أتمنى أني قدمت معلومه مفيده ،،،،