خلونا نتفق جميع ، قبل يجي الربيع ويضيع

[مرافق الطيبين]

السلام عليكم ورحمة الله وبركاته

تعرفون يا شباب ان مكشات منتدى عالمي وشهرته بازدياد كبير
لذلك اي موضوع ينزل في مكشات يشوفه عدد كبير من الناس
والناس مثل مانتم عارفين بعضهم ما عنده وعي واهتمام وتلقاه يخرب الربيع ويفسده
وعشان ما تكرر مشكلة الزعبيه العام الماضي الي اجزم ان 90% ما عرفوها الا من صور الاستاذ فرد حمزه

لذلك عندي اقتراح انكم ما تكون احداثيات ولا اسامي الاماكن الي تصورونها مفتوحه للجميع
يعني تكون المعلومه مقصوره على اعضاء مكشات بس

وش رايكم :rolleyes:

[ابو مساعد]

وعليكم السلام ورحمة الله وبركاته

الاخ العزيز مرافق الطيبين جزاك الله خير على هذه الباره الطيبه .

تحياتي .

[الشاقي]

كفيت و وفيت يا موافق الطيبين
اهم شي يالنشاما التأكد والحرص على ادخال ارقام الاحداثيات صح لأنه مثل ما انتم عارفين الرقم الخطأ يضيع الموقع

[الهلالي]

وعليكم السلام ورحمة الله وبركاته
إقتراح رائع . ومن يرغب في زيارة هذا المكان يرسل على الخاص ويستفسر من صاحب الموضوع عن أسم المنطقة وإحداثياتها . وهذا ليس نوع من الأنانية بقد ماهو محافظة على هذه الأماكن .

[كحيـــــــلان]

وعليكم السلام ورحمة الله وبركاته،
والله صار لي زمان عن المنتدى وأعذروني بس كنت خارج التغطية.

صح لسانك يامرافق الطيبين وهذا اللي نبيه . ان تكون الأحداثيات عن طريق الرسائل الخاصة. بس ممكن أي واحد يقدر يسجل وياخذها.

على العموم اللي تتفقون عليه هدا.

تحياتي،،،،

[تعرفها]

السلام عليكم ورحمة الله وبركاته
والله انة ونعم الاقتراح لا وتصير ملف مرفق مايفكه الا اعضاء مكشات بس

http://smilies.sofrayt.com/%5E/k/peepwall.gif

بس المشكلة ان بعض الاعضاء يطبع المواضيع وينثرها في المجالس

[desprado]

ونعم الراي انا معكم

[الحاتمي]

السلام عليكم ورحمة الله وبركاته.................. شباب تكفون لاء لاتحجبون الإحداثيات تراه اكبر خطا ؟؟؟؟؟؟؟؟؟؟؟؟ ونعرف ان من الخطا العبث بالربيع واماكن المكاشيت........ بس مايعالج الخطا بخطا فيه طرق افضل من حجبكم الإحد اثيات مثل النصيحه للمخربين سواء بالمنتدى او بالمجالس العامه او حتى في اماكن المكاشيت....... واللي يبي يخرب الربيع مايرده حجبكم هذا يبي يلقى الربيع ويجيب الاول والتالي............وبعدين ماكل من يدخل لمكشات يبي إحداثيه معينه يبي يخرب؟؟؟؟؟؟ ابظرب لكم مثال((لو انكم ياشباب طالعين للبر ولا معكم كنودد او ماجلان وتبون فيضه معينه وضيعتوا الطريق ولقيتوا بدوي وسالتوه عن الفيضه ورفض ان يدلكم بحجة انكم يمكن تخربون الربيع؟؟؟؟؟؟؟؟؟؟؟؟؟؟؟؟؟ والله ان تحلفون ان ماتنامون الا بهالفيضه لاء بعد واذا كان معكم واحد حار شوي الله اعلم وش يبي يسوي اذا لقيتوا الفيضه؟؟؟؟؟؟؟؟) (لكن لو البدوي وصف لكم الفيضه وقال ياعيالي الله الله بالمحافظه على الربيع اللي بالفيضه ترانا معتمدين على الله ثم عليه نرعى بهايمنا من الربيع اللي فيها) والله ان تحافظون على الفيضه مثل ماتحافظون على غرف نومكم) وبعديت لو تحجبون احداثيات الفياض واماكن الربيع والله ان ماتلقى احد مايروح لهن حتى اللي ماهم راعين بر يبي يحسبون فيه سحب على سيارات والاتوزيع جوائز:D مامثل النصيحه للمخرب وهو ان شاء الله يبي يستحي......هذا رايي وانامقتنع فيه..........والسلام الحاااااااااااااااااااااااااااااااااتمي

[مرافق الطيبين]

ابو مساعد
الله يجزاك خير وهلا بك

الشاقي
يحييك ربي ونصيحتك ثمينه والله الله بتطبيق الاحداثيه على الماب سورس والتاكد من الموقع عشان ما تتوهق بالاحداثيات الخاطءه

الهلالي
صدقت ليست انانيه وانما محافظه حفظك المولى من كل شر

كحيلان
ما دام سجل وشارك معنا فهذا عز المطلوب انه ينشط المنتدى وييقراء المواضيع الجميله الى تنمى الوعي والمحفاظه على البر

تعرفها
اقتراح جميل تكون في ملف مرفق وتنزيل الملف لا يكون الا بعدد عدد معين من المشاركات

ديسبرادو
حياك ربي واهلابك

الحاتمي
وجهة نظرك احترمها واقدرها ولكن
وهل تقارن البدوي اذا دل شخص واحد بمنتدى يدخله الالاف ؟
فرد حمزه نشر صوره العام الصور والاحداثيات ووضع رسائل تدعو للمحافظه وايش كانت النتيجه ؟ اخذو الاحادثيات والصور وما اخذو بالتنبيهات للمحافظه والنتيجه صارت الزعبيه خلال شهر واحد فقط مزبله ما شهد البر مثلها :rolleyes:


وين رأي الموقع الرسمي عشان يفصل في هذا الاقتراح :rolleyes: وينك يالسمح وينك يالمسفهل وينك يا شقردي :confused:

[عبدالعزيز الدباسي]

العيون الساهرة معكم ، وتشاهدكم .

لكن مثل العادة ، احب انتظر حتى اسمع اكثر من رأي ، ونشوف وش الافضل والاسلم ، مع اني اميل حبتين :p لكلام اخوي الحاتمي ،،،، بس فيه تفصيلات .

[الحاتمي]

الغالي مرافق الطيبين.......... مسيك بالخير ولا يهونون باقي الربع.... انت تقول (تقارن البدوي اذادل شخص واحد بمنتدى يدخله الآلاف) وماادراك ان شخص واحد يمكن يكون بالشر والخراب وعدم المبالاه عن الاف الاشخاص؟! إذا كان ناوي الخراب!!!!! انارأيي اننا نطرح افضل الطرق للتخلص من الزبايل(اعزكم الله) وكل واحد يدلي بدلوه من الناحيه هذي.... ونبذل الجهد لتوعيه لتوعية الناس الغير مبالين لعل وعسى ان تنفع الحلول معهم........ بعدين لو انك يامرافق الطيبين كاشت وشفت واحد يفحط بالسياره او يرمي زبايل بفيضه مربعه ونهرته عن فعلته هذي اللي ماتقود وجهه؟؟ يبي يرتدع؟؟؟؟؟ اكيد لاء يبي يعاند ويكابر.... لكن لو اشرت له وجاء لك وعزمته على فنجال قهوه او على عشاء واخذتكم السواليف وتشرهت عليه بسواته.. باسلوب لبق يبي يستحي.. هذا إذا مالقيته من بكرا ينصح الناس اللي يخربون........قال الرسول صلى الله عليه وسلم(لإن يهدي بك الله رجل واحد خير لك من حمر النعم) اوكما قال صلى الله عليه وسلم.............وقال الرسول صلى الله عليه وسلم(من كتم علما طوقه الله به يوم القيامه) او كما قال صلى الله عليه وسلم.......وحجب الإحداثيات يعتبر كتمان للعلم......... وتاكد ان راعي الخراب يبي يلقى مراده باحداثيه اوبدون......... ولعلمك ترى الخراب باماكن الكشتات من قديم وحنا نشوفه من قبل مكشات والانتر نت!! يعني مابدا الخراب إلا بعد ماحط اخونا فرد حمزه الغالي الصور والإحداثيات؟؟؟؟؟ هاه ياشباب ودنا تشاركون ويتوسع النقاش شوي لعلنا نطرح افضل الطرق للحفاض على المكاشيت من ايدي العابثين والمخربين الله يهدينا واياهم...................واخيرا تأكدوا ان إختلاف الراي هو الطريق إلى الصواب والمراد................... اخوكم الحااااااااااااااتمي

[menya]

ونعم والله بالحاتمي رد كامل ما شاء الله الله لا يضرك

[نقا هشال]

فكره ممتازه اخوي وانا اتفق معك