حرارة الـ 454

[راع الحيزى]

السلام عليكم
ياشباب انا عندي سوبر 92 ومكينته 454 مطله الوالد وكاله
لكن من يوم طلع وهو مبهذلنا بالحرارة ...ترتفع فوق النص اذا وقف عند اشارة او في زحمة السير بعد يفور لين يزوع المء و مع الخطوط الطويله الحرارة ممتازة بشرط ما اتعدى 120 كم/س ثم ترتفع :confused:

اذا جيت الوكالة يقولون هو كذا من المصنع من 92 الى 95 :confused: معقولة....كل شي يطري على بالكم سويته في الموتر
ثبت المروحة...ثم غيرت مراوح...فكيت البلف...دبلت وجيه للراس...غيرت الخراطيش...غيرت اسلاك لبواجي...بدلت طرمبة المويه ثم ركبت له بكرة صغيرة علشان تزود سرعته...غيرت الاديتر ثم كبرته ومانفع...بدلت القزوز...غيرت الكناديس......................................الخ ....اوجعني راسي:mad:

تكفون ياشباب الله يجزيكم الجنة اللي عنده خبر او علم عن مشكلة الحرارة لايبخل علينا

دمتم بود

[لن أمل من العطاء]

راجع الرسائل الخاصة

[مايغرز]

ياالغالي ما ذكرت كلش المروحه؟ وهذا ضروري ل 454 ولازم اداءه العالي heavy duty والمروحة الاصلية تكون 7 شفرات والهواية تكون موجوده ولازم تشيك على غطا الراديتر واحتمال ترا المشكلة جدا بسيطة بس اللي اعرفة هذه الحرارة من عناوين 454 الشهيرة00 فيه جاسكيت 454 87 يقولون انه ينزل الحرارة ويثبتها الله العالم

[سيف الظفير]

الجديد حرارتة الطبيعية النصـــــــــــف بالتمام

[Magellan]

إذا كان فوق النصف فهو غير طبيعي
طيب عندي لك ملاحظات:
1- هل غيرت غطاء الراديتور ، يمكن يكون السبب منه
2-القزوز وما أدراك مالقزوز فهي تساعد على رفع درجة الحرارة.
كما أن تفصيل كنداسة سعودية يساعد على تخفيض درجات الحرارة
الأشياء اللي ذكرتها حطها في بالك

[راع الحيزى]

ياشباب كل الشغلات الي ذكرتوها غيرتها كلها من زمان ولا نفع ماعدا وجه الـ87 الي ذكر اخوي مايغرز
صراحة ما اخفيكم انا افكر الحين اني اغير الروس الى الومنيوم

يعطيكم العافية جميعا

[Magellan]

موترك مافيه إلا العافية
لكن أغلب الظن إنه منظول (صايبته عين)
والله أعلم

[طرد الهوى]

اي والله يمكن يكون موترك منضور اسالني عفت موتري
وكمان انتبه من غطى الرديتر زي ما قال زميلنا تراه سبب في
رفع الحراره

[الساهر2003]

والله وانا اخوووك سبق وواجهت نفس المشكله مع سيارة الوالد سوبر 92 الحرارة دون من النص بشوي وانواع المشاكل معه ...

ذكروا لنا واحد في الخرج يقال له العليمي على مااعتقد ورحنا للرجال بصراحه الرجال ذيب .. ضبط الموتر جيناه الصبح وبعد العصر طالعين من الخرج الموتر زي الحلاوة ماشاء الله

السالفه هذي لها اكثر من 8 سنين والى ساعك الموتر ماشاء الله عليه... مع العلم ان الموتر بعد السالفه هذي جاه حادث مع الوجه وغيرنا الاديتر ورجع زي الفل ..

[maseef21]

لاتتعب نفسك خذ ثمرة الحكي حرارة السوبربان454الي مكينته (حديد) ماله حل ابد حتى الي مكينته الومنيوم مهو قليل شر خصوصا داخل البلد مع المكيف

[عبدالله ابو]

سوال للفائده


ممكن تدلنا على الورشه او الورش الي غيرت بعض القطع الي بسيارتك

لاان عندي نفس المشكله


وشكرا