وش احسن؟الجبريل او الاسترالى

[الخديوى]

السلام عليكم ورحمة الله وبركانه وبعد اخوانى يوجد لدى جكس ار من هالموديلات الجديده وناوى السفر عن قريب للاجازه وحبيت استفسر عن المساعدات الزينه لتحميل الاغراض واجد شنط وهدايا ومواعين وكياس نوم يعنى واحد مع ان شاء الله كل شى واللى تكد بالعربى فيه من نصحنى بالجبريل وفيه من قال عليك بالاسترالى اللى وكيلها الرمايه؟ ارجو من له خبره فى هذا الشغله يدلنا مع ذكر كم كل نوع يستحمل من الكيلو جرامات.وبالتوفيق

[الخديوى]

معقول!!!!!!!!!!
براجع المشاركه ممكن فيها اغلاط املا ئيه او تكون بالانقليزى؟

[بدون مقدمات]

التحميل مايفرق فيه المساعدات
اللي يفرق الياي انا معي جي اكس ار
مركب عليه يايات استراليه
من الرمايه
سعر الطقم 520 +70 تركيب=590
ممتازه جدا في التحميل (السياره ما تنزل من الخلف)
وفرق واضح في المطب
(ولكنها ترفع السياره من الخلف)حسب الرغبه
فيه ياي يرفع 3سم -4سم-............8سم
انا مركب 4 سم
عند محل الرمايه اللي في محطه نفط في التخصصي
وتراه يبيع اليايات في نفس المحل اللي في المحطه بنفس السعر
وفيه فلبيني فاهم
يرفع السياره ويوريك 4سم وشلون ارتفاعها قبل يركب الياي
اذا اعجبك ولا ركب ارفع او اطمن حسب رغبتك
والمساعدات تفرق في المطب ماتفرق في التحميل وانا متأكد من الكلام
وأسأل اهل الخبره كانك ماصدقتني
(انا مجرد ناصح لك من واقع تجربه)

[بواسامه]

التحميل مايفرق فيه المساعدات
اللي يفرق الياي انا معي جي اكس ار
مركب عليه يايات استراليه
من الرمايه
سعر الطقم 520 +70 تركيب=590
ممتازه جدا في التحميل (السياره ما تنزل من الخلف)
وفرق واضح في المطب
(ولكنها ترفع السياره من الخلف)حسب الرغبه
فيه ياي يرفع 3سم -4سم-............8سم
انا مركب 4 سم
عند محل الرمايه اللي في محطه نفط في التخصصي
وتراه يبيع اليايات في نفس المحل اللي في المحطه بنفس السعر
وفيه فلبيني فاهم
يرفع السياره ويوريك 4سم وشلون ارتفاعها قبل يركب الياي
اذا اعجبك ولا ركب ارفع او اطمن حسب رغبتك
والمساعدات تفرق في المطب ماتفرق في التحميل وانا متأكد من الكلام
وأسأل اهل الخبره كانك ماصدقتني
(انا مجرد ناصح لك من واقع تجربه)
طع الشقراوي عطاك العلم الوكاد
وحرام تخسر شد البلد
بس غير يايات

[ابن بدران]

ماقصر أخوي عضو بقراطيسة عطاك العلم الوكاد

أما مساعدات جبريل لا تهمك تراها أردى من حقات الوكالة
تجي نوعين زيت ( الأصفر) وغاز ( الأزرق) وكلهن تمشية حال
ما بنغزى بهن مع الحمول والشيل والحط ..

عليك بالياي الاسترالي أو ركب بالون بالياي يرتفع حسب الهواء اللي تحطه فيه

[الخديوى]

اشكر اخوانى اللى عطونا العلم الوكاد ان شاء الله بدون استثناء.ما قصرتو وبيض الله وجيهكم جميع
يعنى ما نغير المساعدات التغيير لليايات فقط؟

[رحال7]

لا انصح بمساعدات الرمايه الصفراء...اعتقد مضروبه وليس لها ضمان او او... الله اعلم

[ابوعمر1397]

يا اخوان انا عندي ماركيز وابي اغير مساعداته بس الاصلي غالي هل تنصحون بالمنورو الغاز وهل هو لين مثل الاصلي والا قاسي انا سمعت انا هالمساعدات ما تصلح الا للجيوب والونيتات وشكرا لكم