نداء لاصحاب الباثفندر واهل الخبره الله لايهينكم؟؟؟؟؟

[هاني 15]

بسم الله الرحمن الرحيم
السلام عليكم ورحمة الله وبركاتة

انا معي باثفندر والصراحه ودي اركبله كفرات ومحتار وش اركبله لقيت انواع كثيره بس مااائدري وش الزين قلت ماااله الي اهله خل اسئل هل الخبره والي عنده معرفه بهن بالمنتدى وفكرت بالبلد بس مشكلته عظل ماينفع بالبر وان الصراحه راعي وابي شي ماابعده سوا بالخط او البر او الماااسحيه ومااافيه صوت لالالاهنتو
والله يجزااكم وولديكم وجميع المسلمين الجنه

والسلام عليكم ورحمة الله وبركاته

[ابوعبدالله678]

حياك الله

اقترح ....
عندك سلمك الله دنلوب حقت البرادو - هانكوك مقاسين للباثفايندر وللبرادو _ وفيه انواع كثيره ( ميشلان,برجستون،بريللي,.....
بالنسبة لي افضل دنلوب او هانكوك

بالتوفيق ((( نصيحه لا تركب الا من عند الوكيل للكفرات , الذمه عند بعض اهل محلات الكفرات .....:no2: )))

[المحترف800]

هلابك اخوي انا معي مثل موترك ومركب له يوكوهاما وحلوه وطالع الشكل حلو بعد ...

[AZOO9Z]

و الله يا أخوك أنا مثلك ودي أركب و كل واحد يمدح له شركة

و مخي أنلحس و ما أدري وش أركب على العموم أنا أشوف لو

تحدد طلعاتك للبر يعني تبي نفود و راحة عندك هانكوك أتوقع

من أفضل الكفرات لهالمجال أما حصيان و شعبان وخر عنها يعني

كثر الروحات في هالأماكن بالهانكوك يقلل من عمرها و احتمال تتشقق

و انا مرتاح ليوكوهاما لانها متوسطة تصلح للنفود و للحصيان مع أني

ماجربت بس على كلام بعض الناس و اَسف على الإطاااااااااااااااالة

و الله يعافيكم و بالتوفيق .

[مجالس الرجال]

مساء الخير ...
يالغالي انا ماأشير عليك باليوكوهاما مقاس 265x65R16لان هالكفرات بهن صوت

[شيرووكي 999]

يوكوهاما وأنت مغمض ..

دمت بود

[أبو فهد11]

هلا بكــ هاني15

بالنسبة لكفرات الباثفندر فيه كفرات برجستون

نفس الوكاله حلوه في البر والشعبان وما تزحف وتتحمل الحصى

لكنها في الرمال ما تنفع (قاسيه ) وغاليه في السعر

وعندك هانكوكــ نفس حجم كفرات البرجستون

حلوووووووه في الرمال ولينه

لكنها في البر والشعبان حليله

بس انها تزحف في البر ما يبيلها شيء

والفرق بين هانكوكــ وبرجستون

هانكوكــ تتحمل سرعات عاليه

أما برجستون تتحمل سرعات اقل إلى 180

ومواصفا هانكوكــ أفضل

أتمنى أني قدمت لكــ ما يفيدكــ

أخوكــ أبو فهد11

[escape_man]

يوكوهاما هي الي يجي فيها كتابة مدري سهم على الجنب ؟؟

ثانيا .. كم مقاس كفرات البرادو لاني باختار دنلوب نفس المقاس

[أبو بندر 2005]

انا مركب هانكوك مقاس ممتازة بالنفود لكن بالحصى سيئة جدا

[Abo Fhad]

تويو وبس

جربت البرجستون

والدنلوب


وما في مثل التويو الياباني مرييييييييييييييييييح جداً ما شاء الله

تصدق الدنلوب بايعه من ثالث يوم شريته قاسي وثقيل على الموتر

نصيحه لاتركب اكبر من مقاس الوكاله ..

بالتوفيق

[أبو بندر 2005]

اخوي ابو فهد الجنط اللي عندك كم مقاسه؟؟؟

[passat2.0]

من واقع تجربه .. البرجستن حليو بس عيبه بالنفود دمار ..وحسيت بهالوقت ان الباث ماش بالنفود او البلا مني ما عرفت للموتر

وبعد تركيب كفرات هانكوك تغير الوضع بكثير ممشا الموتر بالنفود تمام + صار الين من قبل

[.أبوعبدالرحمن]

دنلوب مقاس البرادو اعتقد انه في المقدمة


ايضا ارى ان التويو يمدحونه كثيييييير

[أبو فهد11]

اخوي ابو فهد الجنط اللي عندك كم مقاسه؟؟؟


هلا والله أخوي ابو بندر المقاس اللي عندي 17

[Abo Fhad]

اخوي ابو فهد الجنط اللي عندك كم مقاسه؟؟؟

17
--------

[هاني 15]

السلام عليكم ورحمة الله وبركاتة

الف الف شكر للجميع على التوضيح الله يجزاكم خير
وابشركم بعد جهد جهيد والمشوره واخذ الرائي ركبت كفراات ورسيت على ماااكسس
والصراااحه لي كم يوم مركبهاا ماشاء الله تبراك الله ممتازه مافيها صوت ومريحه مطبه ممتاز وحتى بالبر ممتازه وسعرهاا(1480) ويقولي الي ركبت عنده ان الطلبيه الجايه يبي يرتفع سعرها تقريباً 15 بالكفر كل فتره ابزود سعرها
وفي النهاية اشكر كل من رد على موضوعي وافااادني فالف الف شكر والله يجزاكم 100000خير
والسلام عليكم ورحمة الله وبركاته

[الفذ]

يبدولي أن أفضل كفر للباث فندر هو فايرستون

و سعره معقول أيضا

[عبدالرحمن السالم]

ماشاء الله
مبروك تقطعهن بالعافيه والله كان بودي لو انت ماخذ دنللوب ممتازه والله

الحمد والله ما اشتكيت منها ابد

وبالتوفيق اخوي هاني

[escape_man]

وينكم ؟!

تو النقاش باوله

الاسبوع الماضي راسلت ابو فهد جعله يسلم ويخليله عييله وبغى يطقني والا بالقوة تركب تويو.. قلتله سم طال عمرك ومالك الا الرضاء ..

المهم رحت للغرابي وفريته محل محل ادور على برجستون ..لقيتها تقريبا بـ 470 - 480.. قلت غريبة

وبعض فحص وتمحيص حصلت البلا وراء رخصها بهالشكل .. وهو انها وارد دبي الله لا يعيد من فتح بابها علينا وقال لي واحد ناصح الله يجزاه خير .. شف .. كل الي بالغرابي حق دبي وماتلاقي اصلي الا بوكالة برجستون .. دزينا برجستون وفعلا لقيته بـ 540 بعد المكاسر ولما طلبت المواصفات قالو انها في السرعة B وفي الرساوة او traction ايضاً B قلت نشوف غيره.

لقيت دنلوب قالولي بعد السؤال ان مقاسها حق البرادو ولكن تراها سنة ومع هالجو لابد تغيرها واسعارها رخيصة جدا لكن والله ماثبتت السعر.

سألت عن مشلان .. قالو انحش منه .. لين بزيادة ويتسحك وماينفع للدفع الرباعي..

وبالاخير سالت عن التويو .. يالبيه يابو فهد .. نقشته مهيب زينه واجد وفيه كتابه .. يعني لازم تقلب الكفر للداخل .. سعره 410.. صناعته ياباني .. تحمل الحرارة A والسرعة A والرساوة والتحكم بالانزلاق A يعني ناجح بامتياز..

ركبناه وقلت اجي ادلي بدلوي لاخواني وايضا اكرر الشكر لاخوي ابو فهد Abo Fahad

[Abo Fhad]

وينكم ؟!

تو النقاش باوله

الاسبوع الماضي راسلت ابو فهد جعله يسلم ويخليله عييله وبغى يطقني والا بالقوة تركب تويو.. قلتله سم طال عمرك ومالك الا الرضاء ..

المهم رحت للغرابي وفريته محل محل ادور على برجستون ..لقيتها تقريبا بـ 470 - 480.. قلت غريبة

وبعض فحص وتمحيص حصلت البلا وراء رخصها بهالشكل .. وهو انها وارد دبي الله لا يعيد من فتح بابها علينا وقال لي واحد ناصح الله يجزاه خير .. شف .. كل الي بالغرابي حق دبي وماتلاقي اصلي الا بوكالة برجستون .. دزينا برجستون وفعلا لقيته بـ 540 بعد المكاسر ولما طلبت المواصفات قالو انها في السرعة B وفي الرساوة او traction ايضاً B قلت نشوف غيره.

لقيت دنلوب قالولي بعد السؤال ان مقاسها حق البرادو ولكن تراها سنة ومع هالجو لابد تغيرها واسعارها رخيصة جدا لكن والله ماثبتت السعر.

سألت عن مشلان .. قالو انحش منه .. لين بزيادة ويتسحك وماينفع للدفع الرباعي..

وبالاخير سالت عن التويو .. يالبيه يابو فهد .. نقشته مهيب زينه واجد وفيه كتابه .. يعني لازم تقلب الكفر للداخل .. سعره 410.. صناعته ياباني .. تحمل الحرارة A والسرعة A والرساوة والتحكم بالانزلاق A يعني ناجح بامتياز..

ركبناه وقلت اجي ادلي بدلوي لاخواني وايضا اكرر الشكر لاخوي ابو فهد Abo Fahad

بالتوفيق اخوي وليد والله يعطيك من خيره ويكفيك من شره ...

التويو ما عليه كلام ما شاء الله وعيبه زي ما ذكرت الكتابه لكن اقلب ويطلع شكله افضل ... يكفيك راحته على عيون القطط في الخط ما شاء الله ...