لاهل الخبرة في الشاص والجكس ............. فقط

[سسته]

السلام عليكم ورحمة الله وبركاته

كان معي جيب ربع سفاري .... وفكني الله وبعتة بيعه طيبة .... والحين انا محتار بين الجكس و الشاص \

فياليت لو يتكرمون الاعضاء اللي قد جربوا الجكس والشاص او الجكس فقط او الشاص فقط ( لايجيني واحد معه موتر صغيرة ) ويعطينا راية .... انا ابغى واحد مجرب وعاش الواقع
وعلى كم اسعارها
2004 او 2005 ويعطيكم العافية .................. سسته

[مدمن فتك]

والله شف انا معي شاص بريمي 2006 فل كامل
الموتر بالديره متعب خصوصا اذا كان عيار الهواء عالي
لكن بالبر حطه على 15 يصير غزال وبالتحميل ماعندك مشكله والصراحه هو شنب بمعنى الكلمه..
اما اسعار الشواصي 2004 2005 من77 الى 88

[بواسامه]

اللي يحدد الحاجه انت الله يحييك
اذا انتي راعي شيل وحط وتحميل مالك غناة عن الشاص
ورأيي الشخصي لا تشتري شاص ابدا لانه متعب ومتعته في البر فقط اذا له ضروره
وسلمني على الصالون اريح واجمل ويخدمك ويخدم والديك والعايله
الله يوفقك يا ياي تطوير للسسته شوي هههههههه مامعنا زعل

[سيف الظفير]

خذ هدد 20072006 احسسسسسسسسسسسسن الف مرة من الشاص

[مدمن فتك]

يبطي الهدد احسن من الشنب

[333]

ابو شنب وغيره لا تدور

[خالد030]

أخوي سستة مساك الله بالخير شف اللي إنت مقتنع فيه واللي يلبي حاجتك والشاص ابو شنب مافيه مثله للبر ولا يجاريه اي جيب والهدد بر خفافي +للديرة +عائلة + شكلة +راحة ومايصبر على الدق والجلد مثل الشاص وبالنسبة للسعر ماعندي خلفية لكن الاكيد إن الشاص أرخص

[AMAZ]

اول شي انت تقول تبي شاص او صالون (جي اكس ) اول شي اذا انت راعي شيل وحط ولا عندك عائله وتبيه للبر فقط فعليك بالشاص.
وذا تبي سياره عائليه وحقت بر وشيل وحط (سوبر سفاري او vxr) احسن من (gx) عزمه تعبان مره والله يتعبك من ناحية العزم فقط اقولها لك من واقع تجربه ماحصلت احد ينصحني وشريت (gxr) يشبه الجي اكس اختلاف بسيط من حيث الاكسسوارات ..

[ممتر البران]

قل جكس ولا فكس هنا نقارن اما حوض وستيشن وتقارن هذا له درب وهذاك درب
حدد معك عايله ولا عزوبي او معك موتر ثاني
بس ما مثل الشاص للعزوبي او متاهل بس معه موتر ثاني
والهدد زد عليه وحذ فكس ار يا مال الشحم
تحيتي لكم
ابو سعد

[نجف]

السلام عليكم ورحمة الله وبركاته

انا مجرب الجي اكس واعرف واحد مجربهن كلهن ويقول ان الشاص بر وبس و يشيل الاغراض زي السلام عليكم بس يقول الجي اكس اريح وللبر والديره ويشيل بس مهب زي الشاص

وانا اقول خذلك جي اكس
1 يصبر
2 قوي
3 مريح
4 بالخط ولا كانك بسياره
وابتل عدد

واحب اقول للي يقول ان الجي اكس عزمه ضعيف انه اقوى من الفكسار والجي اكس ار عزم لانه اخف وانا مجربهن بس الصراحه تقال ان الفيكس ار احسن مركب ومواصفات
يا حبي بي اربع سنوات خبره وارجو انك تجربه بعدين احكم

وازيدك من الشعر بيت ترا الجي اكس 2002 يختلف مكينه عن 2003 الى 2007 و2008 غيرهن كلهن مكينه
وتقبل مروري
وشكرررا

[عين الداب]

الشاص شبابي والجكس حق شيبان يعني عوائل ولا الشاص مطير النوم ومخاوي اليل وانا مشتري 6شيصان من 98 الى2006 الصراحه مهاب النفود والخلا وانا معي شاص بس انا عزوبي \احدن منامه خدمزيونه وانا منامي على كفي وذرعاني

[ممتر البران]

السلام عليكم ورحمة الله وبركاته

انا مجرب الجي اكس واعرف واحد مجربهن كلهن ويقول ان الشاص بر وبس و يشيل الاغراض زي السلام عليكم بس يقول الجي اكس اريح وللبر والديره ويشيل بس مهب زي الشاص

وانا اقول خذلك جي اكس
1 يصبر
2 قوي
3 مريح
4 بالخط ولا كانك بسياره
وابتل عدد

واحب اقول للي يقول ان الجي اكس عزمه ضعيف انه اقوى من الفكسار والجي اكس ار عزم لانه اخف وانا مجربهن بس الصراحه تقال ان الفيكس ار احسن مركب ومواصفات
يا حبي بي اربع سنوات خبره وارجو انك تجربه بعدين احكم

وازيدك من الشعر بيت ترا الجي اكس 2002 يختلف مكينه عن 2003 الى 2007 و2008 غيرهن كلهن مكينه
وتقبل مروري
وشكرررا

كيف مكينته تختلف؟؟!!!!!! امل التوضيح ومشكور مقدما

[النورين]

لا تدور غير الشاص موتر للبر
عزمه نشيط ويشيل عفشك كله
وما فيه خرابيط ما لها داعي مغير مكينة وقير ودبل يعني انس الخرابات والورش
وزود على كذا تراه شيك في المعارض يعني يمسك سعره عند البيع
الله يوفقك ويرزقك الموتر الطيب