اريد اركب شاشة بالسيارة

[كويس]

السلام عليكم اخواني اريد اركب السي دي او السنما الي يركب بالسيارة ولكن محتار وش احسن النوعيات وكم اسعارها عندي الاولاد أبلشوني يريدون مشاهدة توم وجيري وافلام كرتون وانا محتار وش اركب ارجوا الافاده من الاخوان (صقووور مكشااااات)

[منتعش]

حي الله أخوي الغالي والمحب : كويس
أشوف أكثر الشباب ينصحون بنوع أسمه ( كنود )
وركبه واحد من الزملاء في جمس عائلي ويوم شفته توقعته شد بلد
ومركبه بالغرابي بـ2000 ريال تقريباً .
وأهم شي إذا ركبت الشاشه إن شاء الله أجعلها مربوطه بتشغيل السيارة بمعنى أنها ما تشتغل إلا إذا شغلت السيارة
لأن البعض يشبكها على البطارية وتشتغل والسيارة طافية وهذا يسحب عليك البطارية .
والله يوفقك ويحفظك ويرعاك .

[liteon]

انا ركبت شاشة اسمها prolink .... صناعة كورية ويجي عليها ضمان
اشتريتها من محل ريد كاب في الدمام وركبوها لي بطريقة سيئة جدا اضطريت اروح للسليماني واعطيهم فلوس علشان يضبطوها.
المهم الشاشة ممتازة وواضحة في النهار وفيها استقبال للمحطات الأرضية وفيها فتحة USB وفتحة FLASH MEMORY وهذه تعتبر ميزة في حال خرب الـ DVD تقدر تستخدمهم
الشاشة قيمتها 1900 ريال واخذوا 200 ريال زيادة علشان التخريب... اقصد التركيب.
نصيحة: حاول تبتعد عن الصيني.

[كويس]

ماقصرتوا الله يعطيكم العافية

[AMAZ]

اغلب الشاشات التي تركب في سقف السياره ويتم ترهيمها غالبا ما تطيح او تسحب السقف معاها وعلى قولتهم (ينهرط) لكن اذا تبي نصيحتي فيه نوع من الشاشات متنقله تشبه الاب توب قيمتها بحدود 700 ريال فيه ناس يمدحونها ولا تروح تلعب بسيارتك

[liteon]

اغلب الشاشات التي تركب في سقف السياره ويتم ترهيمها غالبا ما تطيح او تسحب السقف معاها وعلى قولتهم (ينهرط) لكن اذا تبي نصيحتي فيه نوع من الشاشات متنقله تشبه الاب توب قيمتها بحدود 700 ريال فيه ناس يمدحونها ولا تروح تلعب بسيارتك

الصحيح ان شاشة السقف اذا تثبتت بطريقة صحيحة فهي تمسك السقف وما تخليه ينزل لأنها تتثبت بعارضة حديدية ومستحيل تتحرك.
المشكلة ان فيه محلات شغلها غلط وما الوم البعض اذا تخوف منها.

[الاتصال السريع]

السلام عليكم
انا ركبت شاشة للسيارة طبعا صيني وشغل ابو يمن بالغرابي شغل ناس عليمية ، والسيارة باترول 97 ولكن الباترول سهل الفتح وقد سرقت في رمضان الماضي اثناء صلاة التراويح في موقف المسجد وياليتهم فكوها بطريقة طبيعية لكن اقشعوا جلد السقف وخربوا ديكور السيارة
طبعا بعد التجربة فأنا مع رأي اخوي Amaz
وشكرا

[ابونايف الروقي]

اغلب الشاشات التي تركب في سقف السياره ويتم ترهيمها غالبا ما تطيح او تسحب السقف معاها وعلى قولتهم (ينهرط) لكن اذا تبي نصيحتي فيه نوع من الشاشات متنقله تشبه الاب توب قيمتها بحدود 700 ريال فيه ناس يمدحونها ولا تروح تلعب بسيارتك


كلام سليم وفيه نوعيه تتعلق في تكاية الراس تعليق ماهو تركيب .. وهي الافضل اذا نزلت نزلها معك البيت عشان ماتنسرق ..

[فلاش555]

السلام عليكم ....
من تجربة شخصية ... أنا مركب في سيارتي شاشة متنقلة ممتازة والسي دي في بطنها ...
ميزتها أنك تشحنها بالكهرب وتشتغل معك لفترة 6 ساعات تقريباً ... وتسطيع شحنها بالبطارية
ومعها شريط كاسيت للإستعانة بسماعات السيارة ... ومعاها ريموت كنترول .
وسعرها رخيص بـ 400 ريال تقريباً من عند العليان اللي بطريق خريص بالرياض .


ولكم التحية

[ابووولجين]

الشباب ماقصروا حبيت أضيف أن تركيب الشاشة يحتاج إلى تجريح بعض الأسلاك الأصلية بالسيارة وممكن يحصل التماس لاقدر الله وتحصل الكارثة الغير متوقعه خصوصاً أن أغلب العمالة عليمية وأنت بغنى عنها طالما أن فيه نوع منها محمول وأنواع جيدة ويوجد معها شاحن منزل وشاحن سيارة وأيضاً طقم سماعات .......... نتمنى لنا ولك التوفيق

[AZOO9Z]

انا مع أخوي amaz و أحتمال أنا أشتريها لانها مريحة في السيارة

و غيرها و السيارة ما تخرم فيها ولا تلعب فيها ... و الله يوفقك .

[escape_man]

عندي متنقلة

شريتها من ساكو بـ 1100 ريال .. شاشتين .. اساية وفرعية موصلة فيها

متى ماوصلت من السفر فكيتها من تكاية الراس

اسلم من التماس او تخريق وخلافه