تركيب فلتر رياضي

[AMAZ]

اليوم حصلت واحد عند محل في بريده اسمه (4×4) يركب على سيارته gxr مديل 2004 فلتر هواء رياضي صنع امريكي 250 ريال ويقول صاحب المحل وهو سعودي انه رايح يزود عنده من 3 على 4 احصنه . المهم في الامر هل يوجد ضرر من الفلتر الرياضي .

[فهد بن مشبب العاصمي]

هلابك اخوي

من خلال تجربه ماله ضرر اذا كان نوع الفلتر من النوع الامريكي k&n فهو افضل انواع الفلاتر ويفضل عشان ماتفكر انه يدخل حبه رمل وحده فيه شرابه تباع خاصة به . . ولازم ينظف باستمرار ..

تقبل مروري

[ابوعقل]

هلابك اخوي

من خلال تجربه ماله ضرر اذا كان نوع الفلتر من النوع الامريكي k&n فهو افضل انواع الفلاتر ويفضل عشان ماتفكر انه يدخل حبه رمل وحده فيه شرابه تباع خاصة به . . ولازم ينظف باستمرار ..

تقبل مروري


ما أزيد على كلام فهد شي

بس نفس ماقل التنضيف اول بأول

[escape_man]

عندي بالجمس الونيت ولا احسن منه .. وركبته اضطراراً علشان الهدرز وعملية موازنة الهواء الداخل والخارج..

اشوف بعض ربعي اهل الترهيم البسيط يفضلون فلتر تجاري ابو 15 .. ركبه كم طلعه واجدعه وهو جيد من ناحية كمية الهواء الداخل للكلبريتر او البخاخ اكثر من الاصلي..

[أبو فهد11]

أنا سمعت من مكانيكي جيد يقول انه يوسخ عليكــ ثلاجة المكينه

ومن ناحيتي نصيحه لا تركبه

أخوكــ أبو فهد

[AMAZ]

والله انا محتار ماحصلت احد يقنعني اني اركبه او لا بسبب انه مافيه احد لديه تجربه ارجوا من لديه معرفه بهذا الموضوع التوضيح وشكرا للعموم من ردوا على الموضوع

[ابن غالب]

اخوي Amaz

خذ نصيحتي وخل موترك نظيف لا فلتر ولا غيره وانا اكلمك عن تجربه جربته على سيارتين مختلفات خرب مشيهن

والله اعلم

السلام عليكم ورحمة الله تعالى وبركاته

[escape_man]

والله انا محتار ماحصلت احد يقنعني اني اركبه او لا بسبب انه مافيه احد لديه تجربه ارجوا من لديه معرفه بهذا الموضوع التوضيح وشكرا للعموم من ردوا على الموضوع

الله من زين الاسلوب

ماملينا عينك انت وكشرتك ( السبب مافيه احد لديه تجربة )

شكلك انت مافهمت وشتبي بالضبط

اذا عندك موتر تبي ترهمه لممشى او تطعيس وعندك استعداد لتحمل تبعات هالامر ( وسخ كلبريتر ومايلحقه من اضرار) طبعا اذا ما اعتنيت فيه صح فركب

واذا موترك جديد ولا انت راعي تطعيس وترهيم فلا تركب .. موترك الخاص وحرام تبربس فيه

انا عندي باث 2005 وعندي جمس قطع 10 موديل 81

الباث شد بلد وكل شغله من فلاتر وبواجي من الوكاله لانه حرام اشتريه بقيمة وقدرها والعب فيه

والجمس مركب عليه هدرز وفلاتر لهواء الكلبريتر وفلتر تنفيس للزيت وبواجي بلاتينيوم واسلاك مدري وشهي وشاقصه ( رافعه) فوق الحد القانوني لانه موتر هوايه وراس ماله لو جيت ابيعه مايتعدى 15 او 20 الف.

فلو قالو يضر الكلبريتر ..قلت فداة فزته بالنفود .. نغيرله كلبريتر

لو قالو المكينة بتنفقع .. قلت نجيبله مكينة 350 من الفوزان تركب عليه بيومها.

لو قالو شاصه انقطم .. قلت فكو اللوحات وحكو رقم الشاصي وعبو جيكة بنزين وشبو فيه بمكانه

فهمت

على فكره .. اذا تبي تشتغل صح .. غير الفلتر رياضي ولازم بالمقابل تركب هدرز .. فلتر لحاله ماينفع ويضغط المكينة بهواء وبالمقابل تخريج الهواء يكون ضعيف..

[راعي الطلعات]

نعم صحيح فيه ضرر اسئل مجرب ولا تسئل طبيب بس انا مجرب على كلبيتر

بس صراحه خذ عزم مجنون وقوة مكينه

بالتوفيق

[AMAZ]

يابن غييثات ليش الزعل ياخوي . لكن اقول الله يسامحك . وشكرا على النصحيه .واذا انا اسلوبي ماعجبك الشكوى لله هذي قدرتي .

[escape_man]

يابن غييثات ليش الزعل ياخوي . لكن اقول الله يسامحك . وشكرا على النصحيه .واذا انا اسلوبي ماعجبك الشكوى لله هذي قدرتي .

لازعل ولا شي

كلنا اخوان بهالمنتدى وانا اعد المنتدى مجلسي الثاني .. امزح مع ربعي بالهرج المباح ولافي النفس والله منك شي ... ولا ظنيت بتشيل بنفسك علي شي

مثل ماقلتلك .. زبدة الكلام .. اي شي مو ستاندرد فهو يخالف حسابات الخبراء .. الخبراء حطو الفلتر الرئيسي وحسبو النسبة القياسية الي تحتاجها المكينة وتلزمها لاتمام عملية الاحتراق .. انا بالفلتر الرياضي بتزود هالنسبة فاذا حط ببالك الضرر.. اذا ركبت فلتر وزادت كمية الهواء الداخل لابد تلفق تلفيقة وتركب هدرز بقياس معين علشان يصرفلك الهواء وتصير المكينة غير مضغوطة وتحرق اكثر.. اذا حرقت اكثر يبيلك بواجي واسلاك بواجي ... وهكذا دواليك ..

اذا والله تتحمل وعادي عندك والموتر مو جديد فراسلني وابشر برضاك

[الساهر2003]

الشباب ماقصرو
وابن غييثات اعطاك الشرح الوافي الكافي لان اغلب الشباب تغيب عن باله ان تركيب الفلتر لحاله فيها مشكلة من ناحية اخراج الهواء فيجب تركيب هدرز يعني فلتر رياضي + هدرز = اداء مميز وكل تعديل له ضريبة من عمر المحرك

[الشقب1]

اخوي بس الفلتر مع مرور الزمن يخرب البخخات وتسلم على الموضوع

[علي101]

يا أخي 250 ريال تصرفها على فلتر مضر - إن أهملته- والنتيجة 3أو4 أحصنة ولا يستحق سؤال المكشاتية

[power]

يا شباب :

وين ممكن نلقى هالفلتر الرياضي + الهدرز + ووو... مع التركيب ...

عندي لاندكروزر 99 مو عاجبني عزمه ... ممكن تفيد الأشياء هذي ؟؟؟

وتنفع ذا التعديلات للسفر والخطوط الطويله وإلا لا ... ؟؟؟

أقصد بالرياض أين نجدها مع التركيب ؟؟ أفضل مكان ومهندس ؟؟

مع الشكر ...

[أبو LAMeS]

اليوم حصلت واحد عند محل في بريده اسمه (4×4) يركب على سيارته gxr مديل 2004 فلتر هواء رياضي صنع امريكي 250 ريال ويقول صاحب المحل وهو سعودي انه رايح يزود عنده من 3 على 4 احصنه . المهم في الامر هل يوجد ضرر من الفلتر الرياضي .

والله إذا كان موترك كسرة ألعب فيه ولا تخلي شيء ما تركبه

أما إذا كان جديد أو أخو الجديد مثل ما قالك بن غييثات

على فكرة وشهو موترك؟

[power]

وين الردود يا شباب ؟؟؟؟؟؟؟؟؟؟؟؟

[Magellan]

أبد ركبه وماعليه ضرر ...طبعا الفلتر فقط مو الأنتيك (الماصورة)
وإذا تبي تشتري لاتشتري إلا المضمون وهو k&n الأمريكي أصلي وعليه ضمان مليون ميل من دخول الغبار للمكينة ...
أنا أنصحك من واقع تجربة وبإمكانك تاخذ علبة التنظيف بـ90 ريال وتنظفه كل شهر لديمومته،
أما بالنسبة للأنتيك(الماصورة) فراح تكلف بدون فائدة تٌذكر

[ممتر البران]

الا يالربع كم بيعطيني من كيلو فرق ممشى
بيض الله وجيهكم موتري شاص بخاخ

[Magellan]

الا يالربع كم بيعطيني من كيلو فرق ممشى
بيض الله وجيهكم موتري شاص بخاخ

أخوي تبيها من الآخر ...مافيه فرق ملموس
إلا في السيارات القديمة ، ،، لأنها متردية فأي شيء يتحسن عليها تتحسن
أما فايدته فهو منع دخول الآتربة والأوساخ لداخل الثلاجة ، وهذا أهم حاجة فيه

[ممتر البران]

ابيض وجه يا ماجلان يعني ازين من فلتر الوكاله؟؟؟
ماقصرت وبيض الله وجهك

[Magellan]

ابيض وجه يا ماجلان يعني ازين من فلتر الوكاله؟؟؟
ماقصرت وبيض الله وجهك


ووجهك أبيض ياخوي ممتر البران
ومايعرف الفلتر ويقدّره إلا من شاف الثلاجة اللي فوق المكينة ويعرف وش فيها من السنو ، بعيني والله منظف ثلاجة كامري عندي..أبد تقول شاب أثل في وسط الثلاجة...
لكن داوم على تنظيفه خصوصا بعد الطلعات الطويلة وبعد موجات الغبار الشديدة

[الشقردي116]

السلام عليكم اخوي

بالنسبة للفلتر ركب kan امريكي <== يقولون انه ينقي هواء ويحفظ من الغباراحسن من الوكالة 30&#37;

اما بالنسبه للعزم والله انه يفرق بالعزم شي زين بالنسبه للسعره <== من واقع تجربه

معلومه <== نظفه ما بين فتره وفتره واذا جاء (العج ) رجعه بلد ازين لك

وفيه مواد خاصة بالتنظيف واعرف واحد يستخدم فلتر(واحد) kan خمسة سنوات مع مواد التنظيف

واخيرا اسف على الاطاله واتمنى اني افدك الشقردي 116

[ممتر البران]

السلام عليكم اخوي

بالنسبة للفلتر ركب kan امريكي <== يقولون انه ينقي هواء ويحفظ من الغباراحسن من الوكالة 30%

اما بالنسبه للعزم والله انه يفرق بالعزم شي زين بالنسبه للسعره <== من واقع تجربه

معلومه <== نظفه ما بين فتره وفتره واذا جاء (العج ) رجعه بلد ازين لك

وفيه مواد خاصة بالتنظيف واعرف واحد يستخدم فلتر(واحد) kan خمسة سنوات مع مواد التنظيف

واخيرا اسف على الاطاله واتمنى اني افدك الشقردي 116

ابيض وجه واشهد بالله انك شقردي ولا هوب 116 بس الا مليون
تحيتي لكم
ابو سعد

[لن أمل من العطاء]

حياك الله اخوي

انا من يوم شريت سيارتي من امريكا جات بطقم كامل للفلتر الرياضي مع الماصورة والحامي وشغل وكالة والحمد لله مافيه اي مشاكل عدا الصوت المرتفع قليلا

بالنسبة للتنظيف انظفه مل 5 الى 6 شهور بمواد خاصة بالتنظيف

[الشقردي116]

ووجهك اييض يا ممتر البران <== الله يهديك ارفق على البران <==امزح معك

[سوبر VTC]

الله من زين الاسلوب

ماملينا عينك انت وكشرتك ( السبب مافيه احد لديه تجربة )

شكلك انت مافهمت وشتبي بالضبط

اذا عندك موتر تبي ترهمه لممشى او تطعيس وعندك استعداد لتحمل تبعات هالامر ( وسخ كلبريتر ومايلحقه من اضرار) طبعا اذا ما اعتنيت فيه صح فركب

واذا موترك جديد ولا انت راعي تطعيس وترهيم فلا تركب .. موترك الخاص وحرام تبربس فيه

انا عندي باث 2005 وعندي جمس قطع 10 موديل 81

الباث شد بلد وكل شغله من فلاتر وبواجي من الوكاله لانه حرام اشتريه بقيمة وقدرها والعب فيه

والجمس مركب عليه هدرز وفلاتر لهواء الكلبريتر وفلتر تنفيس للزيت وبواجي بلاتينيوم واسلاك مدري وشهي وشاقصه ( رافعه) فوق الحد القانوني لانه موتر هوايه وراس ماله لو جيت ابيعه مايتعدى 15 او 20 الف.

فلو قالو يضر الكلبريتر ..قلت فداة فزته بالنفود .. نغيرله كلبريتر

لو قالو المكينة بتنفقع .. قلت نجيبله مكينة 350 من الفوزان تركب عليه بيومها.

لو قالو شاصه انقطم .. قلت فكو اللوحات وحكو رقم الشاصي وعبو جيكة بنزين وشبو فيه بمكانه

فهمت

على فكره .. اذا تبي تشتغل صح .. غير الفلتر رياضي ولازم بالمقابل تركب هدرز .. فلتر لحاله ماينفع ويضغط المكينة بهواء وبالمقابل تخريج الهواء يكون ضعيف..


بن غييثات ،،،،،،
شديد يا شديد ارحب على الهيبه:D :D :D
على فكره الجمس اللي عندك هو ابو فخوذ ؟:)
تحياتي لك:) :)